আবোওয়াঃ ডিজিটাল ডেস্ক- গটা পনৎ রেগে ফেক এসটি সার্টিফকেট
অৗমরৗওকো সৗরিন আদিবাসী কোওয়াঃ সংবিধান রেনাঃ হৗটিঞ জুড়ুরে রামাকো গৗডিয়াও এদা অনাতে
সৗরিন আদিবাসীকোগে কো নিশড়ৗও অচোঃ কানা। নোওয়া লৗইতে সৗরিন আদিবাসীকো তালারে রৗগি-কাঁহিশ
সিরজৗঃ কানা মেনতে অভিযোগ এ রাকাব কেদা পশ্চিমবঙ্গ আদিবাসী কল্যান সমিতি।
নিত ঞেলঃ কানা সমিতিয়াঃ গড়তে গটা পনৎরে রেগে আদিবাসি কো জুমিৎ
কাতে আয়মা জেলারেন ডিএম, এসডিও, পিও কাম ডিডাব্লিউও সাঁওতে নানাহুনৗর আধিকারিক এমন
চেৎ পঞ্চায়েত দপ্তর রেহঁ দৗবী সাকাম কো সামাং এদা।
অনকাগে লৗই গানঃআ পশ্চিমবঙ্গ আদিবাসী কল্যান সমিতি রেনাঃ ২৪ পরগনা জেলা চাঁগা পাহটা খন চালাওয়েন সেপ্টেম্বর চাঁদোরে বসিরহাট মহকুমা শাসনিয়ৗ ঠেন স্মারকলিপি এম তায়ম আরহঁ পারমেন ৮ নভেম্বর বারাসত মহকুমা শাসক ঠেন সাঁওতে পারমেন ১৬ নভেম্বর উত্তর ২৪ পরগরনারেন পিও কাম ডিডাব্লিউও আধিকারিক ঠেন স্মারকলিপি কো এম আকাদা। সানাম আধিকারিক কোগে আদিবাসী কোওয়াঃ অভিযোগ কো গৗহির সাঁহিচ্ কো ঞলা মেনতেগে সমিতি পাহটা খন বাডায় আকানা। তবে ঠৗওকা আকান মুদরে অ-আদিবাসী কোওয়াঃ এসটি সার্টিফিকেট বৗতিল কাতে কডরা শাসেৎ এম বাং হুয় লেনখান সৗরিন আদিবাসীকো মিৎ মারাং আঁদোড় সেন কো লাহাঃআ মেনতেহঁ হুমকি কো এম আকাদা।
.webp)
