.webp)
“আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্রৗ সাঁওহেদ্ বাখরা গিদৗর বৗউলি ‘চেরেচ্ আড়াং’ লেতাড় গে উছানঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com ।
তেহেঞাঃ আখড়ারে যাঁহায় কো সেলেদ্ আকান- ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ, ᱥᱩᱵᱩᱫᱤᱭᱟᱹ ᱢᱩᱨᱢᱩ, ᱨᱟᱢ ᱯᱚᱫᱚ ᱠᱤᱥᱠᱩ, ᱜᱳᱯᱮᱥᱣᱚᱨ ᱢᱟᱹᱱᱰᱤ, ᱠᱤᱥᱠᱤᱱᱫᱷᱟ ᱢᱩᱨᱢᱩ, ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ, সমরলাল টুডু, সীতেন মাণ্ডি, সুরেন্দ্রনাথ হেম্ব্রম, দুগাই টুডু, দুলৗড় বিটি।
ᱚᱠᱚᱭ ᱦᱚᱲ ᱯᱟᱦᱴᱟ ᱯᱟᱥᱮᱨᱮ
ᱮᱠᱟᱞ ᱵᱟᱹᱱᱩᱜᱮᱭᱟ,
ᱩᱱᱤ ᱦᱚᱲᱟᱜ ᱫᱟᱲᱮ ᱫᱚ ᱵᱚᱭᱦᱟ
ᱟᱹᱰᱤ ᱢᱟᱨᱟᱝ ᱜᱮᱭᱟ ᱾
ᱯᱟᱦᱴᱟ ᱯᱟᱥᱮᱨᱮ ᱛᱟᱦᱮᱱ ᱨᱮᱫᱚ
ᱨᱤᱦᱤᱴ ᱢᱚᱱᱮᱭ ᱨᱟᱹᱯᱩᱫ,
ᱯᱩᱪᱩᱪ ᱛᱟᱦᱮᱱ ᱟᱨᱠᱚ ᱥᱟᱞᱟᱜ
ᱵᱟᱭ ᱡᱳᱴᱮᱠᱮ ᱡᱩᱜᱩᱫ ᱾
ᱡᱮᱞᱮᱠ ᱦᱟᱱᱤ ᱥᱤᱨᱤ ᱥᱤᱨᱡᱚᱱ
ᱢᱮᱱᱟᱭ ᱥᱟᱢᱟᱝ ᱛᱚᱞᱮᱨᱮ,
ᱥᱤᱭᱟᱹᱡᱟᱹᱨᱤ ᱦᱚᱲ ᱫᱚ ᱵᱚᱭᱦᱟ
ᱚᱦᱸᱭ ᱟᱹᱜᱩᱠᱮ ᱠᱚᱞᱮᱨᱮ ᱾
ᱦᱩᱸᱭᱟᱹᱜᱮ ᱚᱦᱸᱭ ᱟᱭᱟᱜ ᱠᱮᱭᱟ
ᱦᱚᱭ ᱨᱤᱢᱤᱞ ᱫᱟᱜ,
ᱵᱮᱲᱟ ᱛᱟᱨᱟᱥ ᱩᱢᱩᱞ ᱫᱚ ᱵᱚᱭᱦᱟ
ᱵᱟᱝᱠᱟᱱ ᱮᱠᱞᱟ ᱦᱚᱲᱟᱜ ᱾
ᱥᱤᱨᱡᱚᱱ ᱮᱱᱮᱢ ᱵᱚᱸᱜᱟ ᱫᱟᱲᱮ
ᱪᱷᱤᱛᱭᱟᱹᱣ ᱟᱠᱟᱱ ᱢᱮᱱᱟᱜ,
ᱵᱟᱧᱪᱟᱣ ᱛᱟᱦᱮᱱ ᱥᱳᱛ ᱫᱚ ᱵᱚᱭᱦᱟ
ᱵᱟᱝ ᱠᱟᱱ ᱮᱠᱞᱟ ᱦᱚᱲᱟᱜ ᱾
========= ᱞ ᱧ =========
ᱜᱚᱡ ᱰᱟᱹᱝᱨᱤ
ᱵᱚᱰᱚᱪ ᱦᱟᱺᱰᱤ ᱾
ᱥᱤᱵᱤᱞ ᱜᱮᱭᱟ
ᱥᱟᱹᱨᱤ ᱟᱹᱰᱤ ?
ᱢᱩᱪ ᱞᱩᱴᱤ
ᱨᱚᱴᱮ ᱡᱟᱸᱜᱟ ᱾
ᱵᱟᱵᱚ ᱡᱚᱢᱟ
ᱟᱹᱭᱩᱵ ᱟᱸᱜᱟ ?
ᱚᱠᱟ ᱥᱟᱹᱨᱤ
ᱚᱠᱟ ᱮ~ᱲᱮ ᱾
ᱱᱤᱛᱚᱜ ᱛᱚᱵᱮ
ᱪᱮᱫᱟᱜ ᱥᱚᱲᱮ ?
ᱢᱟᱱᱣᱟ ᱟᱵᱚ
ᱜᱟᱵᱚᱜ ᱜᱟᱵᱚᱜ ᱾
ᱵᱩᱫᱽ ᱫᱤᱥᱟᱹᱛᱮ
ᱵᱟᱵᱚ ᱥᱟᱵᱚᱜ ?
ᱯᱳᱸᱰ ᱜᱮ ᱧᱮᱞᱚᱜ ᱛᱮᱦᱮ
ᱛᱮᱦᱮ
ᱦᱚᱭ ᱫᱟᱜ ᱥᱟᱸ ᱣ
ᱧᱩᱨ ᱜᱚᱫᱚᱜ
ᱵᱚᱥᱢᱚᱛᱟ
ᱨᱮ ᱧᱩᱨᱩ ᱠᱟᱛᱮ
ᱫᱟᱜ ᱨᱮ
ᱢᱮᱥᱟ ᱟᱫᱚᱜ ᱿
ᱨᱟᱦᱞᱟ ᱨᱤᱢᱤᱞ
ᱪᱮᱛᱟᱱ ᱨᱮᱫᱚ
ᱪᱤᱠᱟᱹ
ᱠᱟᱛᱮ ᱵᱮᱱᱟᱜ
ᱪᱮᱫ ᱞᱮᱠᱟᱨᱮ
ᱟᱠᱟ ᱠᱟᱛᱮ
ᱨᱤᱢᱤᱞ
ᱨᱮᱫᱳ ᱢᱮᱱᱟᱜ ᱿
ᱩᱭᱦᱟᱹᱨ ᱮᱫᱟᱭ
ᱦᱚᱯᱚᱱ ᱵᱟᱵᱩ
ᱫᱩᱲᱩᱵ
ᱠᱟᱛᱮ ᱛᱷᱤᱨ
ᱦᱚᱭ ᱫᱟᱜ ᱫᱚ
ᱩᱱᱟᱹᱜ
ᱞᱚᱜᱚᱱ ᱚᱠᱟ
ᱛᱮᱫᱚᱭ ᱧᱤᱨ ᱿
========= ᱞ ᱧ
=========
ᱟᱢ ᱡᱩᱫᱤᱢ
ᱦᱩᱭ ᱠᱚᱜᱼᱟ
ᱤᱧᱨᱮᱱ
ᱜᱤᱫᱽᱨᱟ
ᱤᱧᱫᱚ
ᱟᱢᱨᱮᱱ ᱟᱭᱳ,
ᱮᱱᱠᱷᱟᱱ
ᱼ
ᱤᱛᱩᱱ
ᱟᱥᱲᱟᱧ ᱵᱷᱮᱡᱟ ᱠᱮᱢᱟ
ᱪᱮᱫ ᱞᱮᱠᱟᱢ
ᱵᱩᱡᱷᱟᱹᱣ ᱠᱮᱭᱟ ?
ᱚᱲᱟᱜ ᱨᱮ
ᱟᱹᱭᱩᱵ ᱛᱚᱨᱟ
ᱯᱟᱲᱦᱟᱣ ᱤᱧ
ᱫᱩᱲᱩᱵ ᱠᱮᱢᱟ,
ᱩᱱᱫᱚ ᱤᱧ
ᱟᱢ ᱧᱮᱞᱛᱮ
ᱛᱤᱱᱟᱹᱜ ᱤᱧ
ᱠᱩᱥᱤ ᱠᱚᱜᱼᱟ ?
ᱤᱧᱟᱹᱜ
ᱡᱟᱭᱜᱟᱨᱮ ᱟᱢᱫᱚ ᱟᱭᱳ
ᱛᱟᱸᱦᱮ
ᱞᱮᱜᱟᱜ ᱢᱮ,
ᱛᱚᱵᱮ
ᱟᱹᱱᱤᱡ ᱤᱧᱟᱹᱜ ᱡᱟᱞᱟᱢ
ᱵᱩᱡᱷᱟᱹᱣ
ᱫᱟᱲᱮᱭᱟᱜᱼᱟ ᱾
========= ᱞ ᱧ
=========
ᱧᱩᱦᱩᱢ ᱛᱚᱨᱟ
ᱩᱱᱟᱹᱣ ᱮᱱᱟ
ᱯᱩᱪᱷᱤᱢ
ᱱᱟᱠᱷᱟ ᱨᱮᱫᱚ ,
ᱦᱩᱰᱩᱨ ᱢᱮᱥᱟ ᱡᱷᱚᱢᱚᱨ
ᱡᱟᱹᱲᱤ
ᱢᱤᱫ
ᱜᱷᱟᱹᱲᱤᱡ ᱛᱮᱫᱚ ᱾
ᱟᱨᱮᱞ ᱢᱮᱥᱟ
ᱫᱟᱜ ᱡᱟᱹᱲᱤᱛᱮ
ᱟᱨᱮᱞ
ᱛᱟᱥᱮᱭᱮᱱᱟ ,
ᱚᱲᱟᱜ ᱫᱩᱭᱟᱹᱨ
ᱨᱟᱪᱟ ᱪᱷᱟᱴᱠᱟᱛᱮ
ᱯᱩᱱᱰᱜᱮ ᱧᱮᱞᱮᱱᱟ ᱾
ᱴᱩᱴᱤ ᱵᱟᱡᱟᱣ
ᱵᱚᱛᱚᱨ ᱠᱟᱛᱮ
ᱚᱲᱟᱜ
ᱥᱩᱫᱩᱪ ᱵᱚᱞᱚᱜ ,
ᱪᱟᱯᱟᱫ ᱞᱮᱠᱟ
ᱟᱸᱡᱚᱢᱚᱜ ᱱᱚᱛᱮ
ᱵᱟᱝᱫᱚ
ᱵᱚᱦᱚᱜ ᱯᱷᱚᱨᱚᱜ ᱾
ᱵᱟᱵᱩ
ᱢᱟᱹᱭ ᱠᱚ
ᱩᱭᱩᱝ ᱪᱩᱰᱩᱜ
ᱦᱟᱹᱨ ᱦᱟᱞᱟᱝ
ᱟᱱᱟ ,
ᱨᱮᱭᱟᱲ ᱛᱮᱫᱚ
ᱛᱤ ᱡᱟᱝᱜᱟᱢᱟ
ᱨᱟᱵᱟᱝ
ᱵᱩᱡᱷᱟᱜ ᱠᱟᱱᱟ ᱾
ᱵᱟᱹᱭ
ᱵᱟᱹᱭᱛᱮ ᱜᱟᱞᱟᱣ ᱠᱟᱛᱮ
ᱫᱟᱜᱨᱮ ᱢᱮᱥᱟᱭᱮᱱᱟ ,
ᱟᱨᱮᱞ ᱫᱚᱨᱮ
ᱚᱠᱟ ᱪᱷᱟᱱᱮᱱ?
ᱢᱟᱹᱭ ᱵᱟᱵᱩ ᱠᱚ ᱢᱮᱱᱟ ᱾
========= ᱞ ᱧ
=========
ᱚᱱᱮ ᱤᱧᱟᱜ
ᱢᱚᱬᱮ ᱥᱮᱨᱢᱟ
ᱩᱢᱮᱨ ᱤᱧᱟᱜ
ᱦᱳᱭᱮᱱᱨᱮ ᱾
ᱩᱱᱜᱮ
ᱵᱟᱵᱟᱭ ᱥᱮᱞᱮᱫ ᱠᱟᱫᱤᱧ
ᱟᱛᱳ ᱤᱥᱠᱩᱞ
ᱨᱮ ᱾
ᱢᱟᱪᱮᱫ
ᱜᱳᱢᱠᱮᱭ ᱠᱩᱞᱤ ᱤᱧᱟ
ᱟᱢᱟᱜ
ᱧᱩᱛᱩᱢ ᱪᱮᱫ ?
ᱵᱚᱛᱚᱨ
ᱠᱚᱛᱮ ᱛᱷᱟᱨ ᱛᱷᱟᱨᱟᱜ
ᱦᱚᱲᱢᱚ ᱛᱤ
ᱡᱟᱸᱜᱟ ᱢᱮᱫ ᱾
ᱮᱱᱛᱮ
ᱨᱮᱦᱚᱸ ᱥᱟᱦᱚᱸᱥ ᱠᱟᱛᱮ
ᱤᱧᱟᱜ
ᱩᱯᱨᱩᱢᱤᱧ ᱞᱟᱹᱭ ᱾
ᱢᱟᱪᱮᱫ
ᱜᱳᱢᱠᱮᱭ ᱢᱮᱱ ᱠᱮᱫᱟ
ᱵᱟᱝ ᱠᱟᱱ
ᱛᱟᱢᱟ ᱠᱟᱹᱭ ᱾
ᱢᱟᱪᱮᱫ
ᱜᱳᱢᱠᱮ ᱫᱮᱭᱟᱨᱮ
ᱥᱟᱵᱟᱥᱮ
ᱮᱢᱟ ᱟᱫᱤᱧ ᱾
ᱚᱞᱚᱜ ᱠᱟᱛᱮ
ᱢᱟᱨᱟᱝ ᱦᱚᱲᱚᱜ ᱢᱮ
ᱱᱚᱣᱟᱭ
ᱱᱮᱦᱚᱨ ᱟᱫᱤᱧ ᱾
ᱟᱭᱳ ᱵᱟᱵᱟ
ᱛᱤᱧ ᱵᱟᱠᱤᱱ ᱵᱟᱰᱟᱭ
ᱪᱮᱫᱟᱜ ᱠᱚ
ᱚᱞᱚᱜᱼᱟ ᱾
ᱮᱱᱛᱮ
ᱨᱮᱦᱚᱸ ᱤᱛᱩᱱ ᱟᱥᱲᱟ
ᱥᱮᱱᱚᱜ ᱠᱤᱱ
ᱡᱚᱵᱚᱨᱤᱧᱟ ᱾
ᱚᱞᱚᱜ
ᱯᱟᱲᱦᱟᱣ ᱥᱮᱬᱟ ᱠᱟᱛᱮ
ᱱᱤᱛ ᱤᱧ
ᱵᱩᱡᱷᱟᱹᱣ ᱠᱮᱫᱟ ᱾
ᱟᱭᱳ ᱵᱟᱵᱟ
ᱪᱮᱫᱟᱜ ᱠᱤᱱ
ᱡᱚᱵᱚᱨ
ᱞᱮᱫᱤᱧᱟ ᱾
========= ᱞ ᱧ =========
পুরকিত সেবাতেন বোঁগা হপন মানবিয়ৗ
জুগ জাপাঃ খন সাজাওয়েন কো এনেজিয়ৗ
বুকৗ তপা ভিটৗ হাসা আরজাও লৗগিদ্ জমাঃ
বারাবৗরিয়াকাদ্ কো সিঞ ঞিদৗ লাঁদা রাঃ।
সৗরি সারজম বাহা রেবেদ্ কাতে
বাহা ডাহার সেরেঞ সেরেঞ তে
নায়কে বাবা সাঁও মারাং বুরু জাহের নায়ো
রুওয়ৗড়েদ কওয়াকো নায়কে অড়াঃ।
ফুরগৗলে গুডৗওয়েদা টামাক
অৗইদৗরে কটরাওএদা রেগড়া
লৗড়হৗই-এ চেটাঃ-এদা তুমদৗঃ
গাঁডে তেকো মাড়াং-অঃ কান মড়ে-তুরুই কো।
ফুরগৗলে উইহৗরঃ কানা হাপেন রেয়াঃ কাথা
মিদ্ মাহা তপাগঃ-আ নওয়া এনেজ্ আটাল;
চেদাঃ সে, সুসৗরিয়ৗ দয় পৗহুড় অচ আকানা
কুকমু কৗওডি গেচয় জিতকৗর আকানা।
হৗপি হৗপি তে দারায় কানা কাড়াং ঞুতৗত
এনহঁ বাং আঁজেদঃ কানা হৗঁডি টুকুচ্ ঝারনা
হেঁদে ঞাড়দাং-অঃ কানা রিড়িমে গিতিল ডৗডি
নাওয়া চাঁদো লেকায় মোলোগঃ উজৗড় টৗঁডি।
মান বারহা শিলদৗ দামপাড়া অকারেচং হাপেন
হোয়োঃ নাওয়া সাঁওতা বৗগি কাতে তুং ছওয়ানী
বাঞ্চাঃ অৗইদৗর কুকলিয়ে কানায় সুসৗরিয়ৗ
"এনখান বাং সৗরি লেন গেয়া দিসোম দুলৗড় ঝৗরনী?"
========= ᱞ ᱧ =========
হাড়াম্ হাঁড়ুই ইসিড়্ আকাৎ
আলেয়াঃ আঁজির্ দারেরে,
উনিগে ঞেঁলতে বাবুই রাগেৎ
অড়াঃ কুডাম্ ধারেরে ।
তাড়াম্ তাড়াম্ হাড়াম্ হাঁড়ুদ
বাবু সুরতেয়্ হেচ্এন,
আঁজির্ বিলিই নেমায়্ জুখান্
বাবুদ চায়লমরেয়্ দেচ্এন ।
দদন্ তুলুচ্ হাঁড়ু হাড়াম্
দারে চটতেয়্ চগাওয়েন,
অনা ঞেঁলতে হড়ক মেনেৎ্
বাবুঠেন্ হাঁড়ুই ভাগাওয়েন ।
তগজ্ ডাটা রাটপাট্ বাবুদ
হাঁড়ুওয়াঃ চাঁড়বলে হাড়ুব্,
আঁজির্ দারেরে হাড়াম্ হাঁড়ুমায়্
দনেৎ চাড়াব্ চুড়ুব্ ।
হানতে নাতেয়্ দনেৎ ঞেঁলতে
বাবুই লাইয়া হাপুই,
আঁজির্ আলম তগজ্ তালেয়া
চুপিদ আলম দুপুই ।
বুরুতে চালাও জংমে আমদ
ফুটানি আলম্ উদুগ্,
ইঞবাবাদ গড়খা কানায়্
বাখান্ উদুআমাঞ বাঁদুক্ ।
আঁজম্ কাতেয়
লাঁদায়্ হাঁড়ু
তিনাঃ মারাং জধয়া,
চিকাঞ কানাম ঞেঁলেৎ্ মেয়াঞ
বাংগেঞ চালাঃ আদয়া ।
হাড়ুব্ কাতেয়্ তাওয়াঃ কেৎরে
বুঝাও তিয়োঃ কেদায়,
হাঁড়ুওয়াঃ চুপি বদলতে, বুসুব্
বড়গে লেবদা লেদায়্ ।
সিঁয়াড়্ ধারেতে রাঁজাও লাগিৎ
লেঁঞবঁঞ তাঁহেকান বড়দ,
জঁডরা চাওলেক বাঁদিয়েৎ তাঁহেন
সানামগে সেদায়রেন্ হড়দ ।
========= ᱞ ᱧ
=========
দেলা গাতে আলে আতু
ইঞিঞ ইদিমেয়া
তিনাঃ মজতে আলেলে তাহেন
আমেম ঞেল লেয়া।
কুলি ধুড়ি অড়াঃ তালে
চারেচ্ সেনের বাতা
বাহু কুড়ি জাঁওয়ায় কড়া
জাডা সাকাম ছাতা।
কিত কিত লখা গুটি
আলে দলে খেল
রাপুদ রচদ্ মেনাঃ রেহঁ
হেনাঃ হেল মেল।
সারণা ঝারণা গুলাচি
পহাল যুগ লদাম
ইতুন আসড়া অল চেমেদ্
অল পাড়হাও লে সেঁড়ায়।
কুসি রাস্কা ছেচ্ বেচ্
আনাট দলে এসেদ্
যত কতে কেনে কতে
বানুঃ ভেপেগেদ্।
হেঁ মেসে গাতেঃ মে
আলে যত ক সাঁও
গাতে কাতেলে তল মে
আলম আদা দাও।
========= ᱞ ᱧ
=========
মেনায় মিৎটৗং ডাংরা
জমায় চুলহৗ আংরা,
সেতাঃ অৗয়ুব এ তুপুন
সিয়ুঃ অকতো দয় উকুন |
মেনায় মিৎটৗং ডাংরা
হৗটিয়ৗই চালাঃ ট্যাংরা,
জাঁহায় ঞামা অনায় জমা
বি কাতে আদয় বুরমা |
মিৎটৗং মেনায় ডাংরা
ঞেল অৗগুয়ায় সকড়া,
হুড়ু গৗছি আকানা সে বাং
বায় তাঁহেনা উনি গট্ সাং |
মিৎটৗং মেনায় ডাংরা
ঠৗউকৗ আকাদায় চাংড়া,
অঁডেয় গাসাও তায়া হটোঃ
সাডে হচয়ায় চাটোঃ চাটোঃ |
মিৎটৗং মেনায় ডাংরা
বায় রঃ কওয়া পেড়া,
চালাঃ আয় উনকু হিরি
এড়ে দ বাং অকাল সৗরি |
মিৎটৗং মেনায় ডাংরা
জমায় আরদা মেরা,
জম কাতে বাংদয় বুলুঃ
দন অৗচুরায় চুড়ুঃ চুড়ুঃ |
========= ᱞ ᱧ =========
লাইকো কাথায়
অনলিয়া দ
উনিয় তাঁহে কানে,
অকা অনে
আঁজম গদঃ
অনড়হিঁয়া হঁ হানে।
ঞুতুম হাজাম
চরণ মুরমু
আপাত উগরাম বলে,
এঁগাত তায়গে
কর্মি গেদ
বাডায় গেকো ভালে।
জানাম আতো
জয়জোল ডিহ্যা
ডাক অড়াঃ রায়হরি,
ময়ূরভঞ্জ
জিলা পাড়াঃ কানা
উড়িষ্যা পনৎ সারি।
তায়ম তেদ
গিরাবাসি লেন
আচ্গে দুখু টোলা,
পি.ও. করনডি
পুরুব সিংভূম
ঝাড়খন্ড রেথ ভালা।
ডি.এইচ.এম.এস.
পাস তোরা
কামি পাঁজাও আনে,
টিস্কো
রেগে চাকরি গেথ
আদয় বল্ লেনে।
অল বেল
করে মনে আজাঃ
উনরে লাওয়ের লেনা,
‘প্রেম
রাসা’ আর ‘বুরসি সেঁগেল’
পতব ছাপাও আনা।
‘গোডেৎ’
পাথাম গেচো উনগেয়
সাপড়াও বাড়া কেদা,
আসেকা দারায়
তেগে অনা
উনদ পারসাল লেদা।
সাঁওহেৎ
চারচা খাতির তেদ
এনেম দহ লেদে,
উনখোন সান্তাড়
নেতার হঁচো
একাল দিসায় এদে।
========= ᱞ ᱧ
=========
মাঘ বঁগা
চাবাঃ সাঁওতে
ফাগুন বঁগা বলঃ
দারে নাড়ি
সাঁগেন সাঁওতে
দলব বাহা ঞেলঃ।
বাহা বঁগা
আডি জিয়াড়
গটাগে হাড়িয়াড় সাকাম,
লুতি ভাঁওয়ার
হিজুঃ লাগিৎ
বাহা কক দারাম।
আতো আতো
নেঁডায় আকো
সাগুন বাহা পরব,
বাহা দাঃতে
দাঃ দুলদ
আডি গেচং গরব।
========= মুচৗৎ =========
.webp)
.webp)
.webp)
