সিঁগি মাহা রেনাঃ সাকাম ‘চেরেচ্ আড়াং’ লেখা- ১৯০

 

“আবোওয়াঃ কাথা”  ডিজিটাল ডেস্ক রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড় গে উছানঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com ।    

 

তেহেঞাঃ আখড়ারে যাঁহায় কো সেলেদ্‌ আকান-  ᱥᱩᱵᱩᱫᱤᱭᱟᱹ ᱢᱩᱨᱢᱩ, ᱨᱟᱢ ᱯᱚᱫᱚ  ᱠᱤᱥᱠᱩ,  সমরলাল টুডু, সীতেন মাণ্ডি, সনৎকুমার হাঁসদা,  সুরেন্দ্রনাথ হেম্ব্রম, বাবলু সরেন, আদরি হাঁসদা, দুগাই টুডু।

 

১।।

ᱚᱞᱪᱤᱠᱤ   ᱢᱤᱥᱚᱱ

ᱥᱩᱵᱩᱫᱤᱭᱟᱹ ᱢᱩᱨᱢᱩ

ᱚᱞᱪᱤᱠᱤ  ᱢᱤᱥᱚᱱ
ᱟᱵᱟᱵᱚ  ᱮᱡᱩᱠᱮᱥᱚᱱ ᱾

ᱞᱟᱦᱟᱜᱵᱚ  ᱦᱟᱯᱮᱱ
ᱱᱤᱛᱜᱮᱵᱚ     ᱟᱛᱮᱱ ᱾

ᱵᱟᱜᱮᱥᱟᱭ   ᱢᱚᱬᱮ
ᱟᱵᱚᱵᱚ       ᱚᱸᱬᱦᱮ ᱾

ᱚᱞᱪᱤᱠᱤ ᱢᱤᱥᱚᱱ
ᱟᱵᱚᱵᱚ ᱮᱡᱩᱠᱮᱥᱚᱱ ᱾

ᱦᱟᱲᱟᱢ  ᱵᱩᱰᱽᱦᱤ
ᱫᱷᱩᱨᱟᱹᱵᱚ   ᱟᱹᱰᱤ ᱾

ᱪᱮᱯᱮᱡᱡᱚᱝ ᱚᱞᱪᱤᱠᱤ
ᱡᱩᱜᱮᱡᱩᱜᱮ  ᱥᱟᱹᱠᱷᱤ ᱾

ᱛᱚᱨᱟᱣᱵᱚ  ᱥᱟᱱᱛᱟᱲᱤ
ᱵᱟᱜᱮᱵᱚ     ᱟᱹᱲᱤᱟᱹᱲᱤ ᱾

᱿᱿᱿᱿᱿᱿᱿ ᱞ ᱧ ᱿᱿᱿᱿᱿᱿

২।।

ᱞᱚᱞᱚ ᱥᱤᱛᱩᱝ

ᱨᱟᱢ ᱯᱚᱫᱚ ᱠᱤᱥᱠᱩ

  

ᱥᱤᱛᱩᱝ ᱞᱚᱞᱚ ᱱᱤᱨᱚᱱ ᱫᱤᱱ

ᱫᱟᱜ ᱜᱮ ᱛᱮᱛᱟᱝ ᱥᱟᱨᱟ ᱫᱤᱱ

ᱵᱟᱸᱫᱷ ᱯᱩᱠᱷᱨᱤ ᱟᱸᱡᱮᱫᱚᱜ

ᱡᱤᱭᱟᱹᱞᱤ ᱠᱚ ᱦᱟᱨᱠᱮᱛᱚᱜ ᱿

ᱦᱩᱰᱩᱨ ᱵᱤᱡᱞᱤ ᱛᱟᱨᱟᱥᱤᱧ

ᱦᱚᱭ ᱫᱟᱜ ᱦᱤᱡᱩᱜ ᱥᱤᱛᱩᱝ ᱫᱤᱱ

ᱟᱨᱮᱞ ᱧᱩᱨᱩᱜ ᱥᱮᱨᱢᱟ ᱠᱷᱚᱱᱟᱜ

ᱫᱟᱜ ᱨᱮᱭᱟᱜ ᱜᱮ ᱰᱷᱸᱮᱵᱟᱜ ᱠᱟᱱᱟ ᱿

 

ᱵᱚᱥᱢᱚᱛᱟ ᱨᱮ ᱧᱩᱨᱩ ᱠᱟᱛᱮ

ᱜᱚᱞᱟᱣ ᱪᱟᱵᱟᱜ  ᱵᱟᱹᱭ ᱵᱟᱹᱭᱛᱮ

ᱫᱟᱜ ᱨᱮᱜᱮ  ᱢᱮᱥᱟ ᱟᱫᱚᱜ

ᱫᱷᱟᱨᱹᱛᱤ  ᱦᱚᱸ  ᱨᱮᱭᱟᱲ ᱜᱚᱫᱚᱜ ᱿

 

 ᱩᱞ ᱠᱟᱱᱴᱷᱟᱲ ᱥᱤᱸᱡᱚ  ᱧᱮᱞᱮᱜ

ᱜᱤᱫᱨᱟᱹ  ᱠᱚ ᱫᱚ ᱡᱷᱳᱞᱮ ᱡᱷᱳᱞᱮ

  ᱚᱱᱟ  ᱠᱚ ᱠᱚ  ᱥᱮᱸᱫᱨᱟ ᱵᱟᱲᱟᱭ

ᱥᱤᱛᱩᱝ  ᱨᱮᱦᱚᱸᱭ ᱢᱟᱲᱟᱭ  ᱢᱟᱲᱟᱭ ᱿

 

᱿᱿᱿᱿᱿᱿᱿ ᱞ ᱧ ᱿᱿᱿᱿᱿᱿

৩।।

কুংকাল্ হাড়াম্

সমরলাল টুডু

  

টুকুচ্ চেলাং ভারিয়া গাডিরে

কুংকাল্ হাড়াম্ গাড়োওয়ান্,

আকরিঞ লাগিৎ ইদিয়েৎ কানায়

সাঁগিঞ বাজার বাঁন্দোওয়ান ।

 

কিরিঞ আকরিঞ আডিগে হড়ক

জারোওয়াআ বাজার হাটরে,

টুকুজ্ হাতাও তিরলা হপন্

ডপডেআকো ডাডি ঘাটরে ।

 

হাড়াম কুংকাল তিনাঃ বাংএ

থাসাড় বাজাড় টুকুজ,

তিরলা হড়ক ঠাকাড় ঠকড়

তি-কাটুব তেহঁক তুকুজ ।

 

দুড়ুব কাতেয় বেনাও টুকুজ

হাসা রেনাং চেলাং,

আমদ খেরোওয়াল কাঃমি কানাম

সারদি সিতুং এলাং ।

 

গাডিয় চালাও কুংকাল্ হাড়াম

আডি গেচয় চুতুর্,

বেগর মুলধনতে কাউডিয়-আরজাও

আবোওয়াঃ পাকিটে ফুতুর্ ।

  

 কামিদ তাবন  হাড়ায় ধাকায়

বাটিরেদ দাঃমাডি কুড়াই,

কুংকাল্ হাড়ামদ দুড়ুব দুড়ুব্

কাউডি বিঁডায় রাড়ায় ।

 

ঞেঁলতে বাবুই ভাড়ুম্ ভাঃএন

মনেতেয় মেনেৎ বাংগে,

লাবিৎ জিলদ হড়ক জমেৎ

খেরোওয়াল আমদ জাংগে ।

 

চেঁঘাওকো লাগিৎ বাবুই রিকায়

আকিল বাতি জেরেদপে,

আদ  আলোপে জাপিদ বয়হা

এভেনঃপে দেসে বেরেদপে ।

 

পাড়াও তেবোন আকিলঃআ খেরোওয়াল

দুড়ুব তেবন রজগার্,

গিদার পিদার এরা হপন্

হাপেন জমাবন আগামগার্ ।

 

পাড়হাও তেবন আকিল লেনখান

মটর গাডিবন লাগায়,

অলঃ বাতি যাঁহায় জেরেদ

উনিগে সরগপুরি তিয়োগায় ।

᱿᱿᱿᱿᱿᱿᱿ ᱞ ᱧ ᱿᱿᱿᱿᱿᱿

৪।।

হাড়িয়ার

সীতেন মাণ্ডি

 

ইঞ দ হাড়িয়ার সাকাম

নিত দ মেনাঞ বালে

রেয়াড় রেঁগেচ লল সিতুং

ঠাঁও দ আয়ো কলে।

 

বালে রে হঁ কচি রে হঁ

আগাম দিন রেন কুকমু

অন্তর তালা জুলুঃ কানা

ঞুতাত সাহা বাগজুনু।

 

হাড়িয়ার সাকাম লেগেচ লেগেচ

ধারতি উমুল জিউয়িঞ বাঞ্চাও

ইঞ বেগর সানামাঃ গে

চিকা বাঞ্চাও তাহেন।

 

ইঞাঃ মনে হঁ হাড়িয়ার গে

রং তে আল পে গাবাও তিঞা

থুম আসিস দাড়ে এমাঞ পে

ধারতিঞ হাড়িয়ার দাড়েয়াঃ মা।

 

ইঞ গে হাড়িয়ার ইঞ গে জিউয়ি

হাড়িয়ার রেগে বাঞ্চাঃ আস

ইঞ হাড়িয়ার বাঞ্চাও ইঞ পে

মনে রেনাঃ হেঁদে আরাঃ হাড়িয়ার পে।

᱿᱿᱿᱿᱿᱿᱿ ᱞ ᱧ ᱿᱿᱿᱿᱿᱿

৫।।

যুগ বদলঃ

সনৎ কুমার হাঁসদাঃ

     সাদ কাতেৎ ইং আসুল লেদে
                                মায়ন মিরু চেঁড়ে।
     জম বাং তেয় উসুঃ লেনা
                             একাল ঢেপেঁ- ঢেড়েঁ।।

     সারা ঘাড়িয় ফাদ- ফাদাঃ আ
                             বায় তাহেঁনা থির।
      উডৗও কাতেৎ বায় উডৗঃ আ
                           হেনায় খাঞ্চা ভিতির।।

     মনেরে ইঞাঃ গুনি ভাবিয়েন
                            সিরজৗও এনা দুঃখ।
     খাঞ্চা খনাঞ আড়াঃ কাদে
                           উডৗও এনে আজ সুখ।।

      যুগ দ নাহাঃ বদল এনা
                          উডৗঃ চেঁড়ে  বিররে।
      মানমি আব মেনাঃ বনা
                          অড়াঃ কুঁবে কুনরে।।

        সেতাঃ খনাঃ সারা বেড়া
                         জম ঞু হিড়িঞ কাতেৎ।
        গিদরৗ ক ক ছুটৗও আকান
                        মোবাইল ফোন আতেৎ।।
   
         বাক পাড়হাঃ বাক খৗলা
                         সারা ঘাড়িজ ছৗড় ।
        বাং আজমঃ পাহিল লেকা
                          পাড়হাঃ রেনাঃ রৗড় ।।

          দিন পারমঃ সময় চালাঃ
                          মানমি আঁবঃ ডাঁবঃ।
           মায়ন মিরু চেঁড়ে লেকা
                          খাঞ্চা ভিতির আব।।

᱿᱿᱿᱿᱿᱿᱿ ᱞ ᱧ ᱿᱿᱿᱿᱿᱿

৬।। 

দাঃ জরোঃ আ

সু রে ন্দ্র না থ হে ম ব্র ম

 দাঃ জরোঃআ ঝিপির ঝিপির

বাং পেরেজ লেন আলে গাডা,

অৗতিঞ কানা ক কঁঃ কিসনি কিকির

অৗতিঞ কানা ক মেরম ডাংরি কাডা |

 

হানতে নাতে লাটা পাটা

অত্ হৗঁরিয়ৗড় গটা পাকাড়,

ঝতম লেকানাঃ গে অমনঃ

হৗঁরিয়ৗড়তে সাজাব কানা গাড় |

 

দাঃ জরোঃ আ দাঃ জরোঃআ

থিরগে বৗনুঃআ তেহেঞ গাপা,

লসদ লেঁজেদ তে জরক জপগ

চিকিজ ভিঁদৗড় দিড়ৗম রাপরাপা |

 

গটা গেথ লহদ এনহঁ রৗসকৗ

দৗড় বাড়াগে সানা হানতে নাতে,

বাং সানাহা অড়াঃ রে তাঁহেন অলঃহঁ বাং

আয়োয় হৗজুঃ হৗনি হাপা আনতে |

᱿᱿᱿᱿᱿᱿᱿ ᱞ ᱧ ᱿᱿᱿᱿᱿᱿

৭।।

হাড়াম পুসি

বাবলু সরেন

 

মেনায় তালে অড়াঃ রে

মিৎ হাড়াম পুসি

গটা টলা ক লাগা ঞিরে

আলে উনি দুসি ৷

 

জিল কুটি, হাকু কুটি

জম তেমা লাঁগা

ঞুঞু সানা তওয়া বাটি

রৗপুদ পুসি জাঁগা ৷৷

᱿᱿᱿᱿᱿᱿᱿ ᱞ ᱧ ᱿᱿᱿᱿᱿᱿

৮।। 

ঝিপির জৗড়ি

আদরি হাঁসদা

 

ঝিপির ঝিপির দাঃ এ জৗড়ি

ইস্কুল বাং সেনঃ উনি

আলে মৗই ঘানে অৗড়ি

মেতায় আক সোনামনি ৷

এঁডে খান আডি খুশি

লাঁদায় আয় খিটিখিটি

মেতায় আক দেলা বিটি

ইস্কুল ব্যাগ গঃ কাতে

সেনঃ আয় ইস্কুল তে

ঝিপির জৗড়ি দাঃ রেহঁ ৷৷

᱿᱿᱿᱿᱿᱿᱿ ᱞ ᱧ ᱿᱿᱿᱿᱿᱿

৯।।

কাঞ্চন মাঝি

দুগাই টুডু

 

কাঞ্চন মাঝি মিৎটাং হড়গে

    ঞুতুম তায়দ ভালা,

নোওয়া তেগে সানাম কোগে

   বাডায়েকো সাঁওতা তালা।

 

জানাম লেনে তিলাবিনী আতোরে

   হেনাঃ আকাৎ অনা,

আফজলপুর থানা বীরভূম জিলা

    রেগে পারাঃকানা।

 

উসুল মঁড়ে ফিট লেকানগে

    সাঁওলাগে রং গেদ,

পে গেল মঁড়ে লেকা উমের

   তাহেঁ লেনতায় আদ।

 

সিধু-কানু হুল জখান

   আঃসার এ সাব্‌ লেৎএ,

কাটনা আতো লুটপাট খাতির

ব্রিটিশকো সাব্‌ কেদে।

 

দিশম দুলাড় জাতি ভালাই

   কামি সদর আনে,

অনে উনখন হড়কো নেতার

   দিশায় একো হানে।

᱿᱿᱿᱿᱿᱿᱿মুচৗৎ ᱿᱿᱿᱿᱿᱿