অনলিয়ৗ বাবুলাল মুরমু ‘আদিবাসী আঃ জানাম মাহা দিশৗতে
মহাদেব হাঁসদা
তেহেঞ দ ১২ জানুয়ারী। তেহেঞাঃ দিন রেগে সান্তাড়ী সাঁওহেদ্ বাগাওয়ানরেন মিৎ
জোলোঃ ইপিল এ উপেল লেনা। উনিদ অনলিয়ৗ বাবুলাল মুরমু ‘আদিবাসী’। উনিয়াঃগে তেহেঞ দ ৮৩
সেরমা আনাঃ সৗগুন জানাম মাহা।
১৯৩৯ সাল রেয়াঃ তেহেঞাঃ মৗহিৎ রে ভাগলপুর জিলৗ রেনাঃ দুধসিমার আতোরে উনিদ ধৗরতি
রেয়াঃ পৗহিল মার্শাল এ ঞেল লেৎ তাঁহেনা। আচ্ বাবা আঃ ঞুতুম দ সুজন মুরমু আর আয়ো আঃ
ঞুতুম দ হিসি মুরমু (সরেন)।
বাবুলাল মুরমু তেকো দ তুরুই বয়হা আর বার মিসেরা কিন তাঁহেকানা। উনিয়াঃ পৗহিল
ঞুতুম দ তাঁহেকানা বাবুরাম মুরমু। ‘আদিবাসী’ দ আয়াঃ বাহ্না ঞুতুম কানা। উনিদ পায়রা
মিডল্ স্কুল খন এতহব শিখনৗৎ তায়। ইনৗতায়ম ডুমকৗ জিলৗ স্কুল খন মেট্রিক (১৯৫৮) আর গড্ডা
কলেজ খন বি.এ. অনার্স (১৯৬৩) এ পাস লেদা। অনা কাতেৎ ঢের দিন তায়ম ভাগলপুর উনিভার্সিটি
খন এম.এ. (১৯৮৫) হঁয় পাস লেদা।
বাবুলাল মুরমু দ মাড়াংতে মিৎ জুনিয়র হাই স্কুল রে অনা তায়ম দিশম রখিয়ৗ (মিলিটারী)
হৗটিঞ রে আর মুচৗৎ হৗবিচ্ দ ‘হড় সম্বাদ’ পত্রিকা রেন সাসাপড়াওয়িচ্ লেকাতেয় বাহাল
লেন তাঁহেনা।
মঁড়ে ক্লাস রে পাড়হাঃ বিদৗল খন উনি দ সান্তাড়ি সাঁওহেদ্ চারচাওরে ফেড আকানা।
উনিয়াঃ পৗহিল উতৗরাঃ অল ‘ বয়হা বাবোন ভেগারঃ’ অনল দ ১৯৫২ সালরে ‘হড় সম্বাদ’ রে ছাপা
সদর লেনা।
উনিয়াঃ উছৗন আকান আর পুঁথি কদ হোয়োঃ কানা-
১২। অনলিয়ৗ হৃদয় নারায়ণ মন্ডল
১৩। গুরু গোমকে ডোমান সাহু সমীর
১8। গুরু গোমকে আদিত্য মিত্র সানতালি
১৫। সানতালি সাঁওহেদ রেয়াঃ ইতিহাস
১৬। সানতালি ভেন্তা কাথা আর কায়তুক
১৭। আকিল মার্শাল(খন্ড ১,২,৩,৪,৫,৬)
নোওয়া কো মুদ্রে ‘কয়ঃ হর’ দ অনড়হেঁ পুঁথি আর ‘দিসম ভক্তা’ ‘ঝৗলি’ নোওয়াকিন
দ কৗহ্নি পুঁথি কানা। দিশম সমাজ আর অক্তে রেয়াঃ দলিল লেকাতে নোওয়া কো অনল দ আডি সরেশ
সিরজন কানা। অনকাগে পোনয়া দ সেরেঞ পুঁথি কান তায়া। অনাবেগর আরহঁ গেল পে গটেন দামান
পুঁথি ‘আদিবাসী’ দয় অল অটো আকাদা মেনতে বাডায় আকানা।
বাবুলাল মুরমু ‘আদিবাসী’ দ অনলিয়ৗ, অনড়হিঁয়ৗ সুমুং দ বাং, উনিদ এনেচ্ সেরেঞ
রুসিকৗ লেকাতে হঁ ঞুতুম এ হৗ্র লেৎ তাঁহেনা।
তেহেঞ উনিয়াঃ জানাম মাহারে উনি দিশৗতে তাঁহেয়েনা অন্তর রেয়াঃ সোহাগ দুলৗড় আর
গুণ মানাও জোহার।
.webp)
