(হুডিঞ কৗহ্নি)
কুড়ৗই
আকাশ
মুর্মু
আবো আতো দিশোম করে দ বেড়া হাঁসুর তরা ইসিন বাসাং সাৎ বাড়া লেখান গে জম কাতে ক ঠৗইয়ো: আ জৗপিদ লৗগিদ,জৗস্তিগে কৗমি জম হড়দ উসৗরাকো বেরেদা বেড়া রাকাব মাড়াংরে । মঙ্গলবার বলরামপুর হাটদ হড়তে বল্লাম হাট হকো মেতাঃ গেয়া। আরদিন লেকাগে বুসুব সৗড়িমতে দালোব আকান মুর্মু বাখোল রে সুসৗর মুর্মু ডিবরি বৗতিতে ১২ ক্লাস বিনিড রেনাঃ পাড়হাও কয় ঞেলেদা আডি গৗহিরতে। আচ আয়ো আর সাদের মিসরৗ দকিন জৗ
পিদাকাদা , নতে ঞিদৗ
বৗড়তিঃ কানা আচ বাবা দ নিত হ আওরিয় হিজুঃ আ,পালে ঞু বুল কাতেয় গিতিজ আকানা জাহারে ।বায় ভৗবিৎ লেনা জাহানাঃ বাড়ায়ায় নংকান গেয়ায় ,অনাতে ঞুড়ু ঞুড়ু বৗতি সামাংরেগে দুড়ুব কাতে পুথি চেতান রেগে মনেয় গৗডিয়াও দহ কেদা । খানিক তায়ম খানগে মাৎ সিলপিং সাড়াট কারতে ঝিজ কাতেৎ সুসৗর আচ বাবায় হহ কেদা আডি জোরতে ,হেঁদায়া জৗপিদ কেদা পে সেচেদ ;শালা নুনাঃ উসৗরা জৗপিদ ? অকয় হ বাকো গঙ লেদেয়া ,বাড়ায়াকো উরুমেয়াকো ঞু লেখান অকয় হ বায় চিনহাও কোওয়া, মেনদ ভেটোরাকানাকো ,অনাতে নিজেরাঃ মনেতেগে সাইকেল ক থাসাড় বাজাড় কাতে দাকা টুকুজ ক হান্তে নান্তে কাতে গুন গুন কাতেয় জাপিদ কেদা । নতে পুথি সামাংরে সুসার দ ঠৗয় গেয় দুড়ুব তাঁহেয়েনা। ঞিদৗ আঙ্গা মার্শালেনা ,নংকা কাতে গে চাঁদো পারোম সাঁওতে বিনিড হ সেটেরেনা ।
অড়াঃরেনাঃ আনাট মা লেতাড় গেয়া আর আচ বাবাহাঃ বেহিসাবী জিওন গোটা অড়াঃগে আজার কাতেয় দহ আকাদা ,আচ আয়োঃ আ হানি নৗই অড়ারে কৗমি ধনগে ধন তাকো । আচ আয়ো গড়ো খৗতির পে চাঁদো লৗগিদেয় ধুরৗওয়েনা বাজার কৗমি আর হড় সাঁওতে । সংসারে চালাও আ মিসরাৎ লৗগিদ নাপায় নাপায় লুগড়িয় কিরিঞা ,লাঙ্গা হড়মো রেহ জৗপিদ বাং কাতে রহড় মৗরিচ জটেদ কাতেৎ মেৎ এয় ইতকিজাঃ আর চৗকরি বিনিড রেনা পুথিয় পাড়হাও আ ,বাড়ায়ায় চৗকরি বেগর আকো অড়াঃ বায় সুসৗর দাড়েয়াঃ আ । বিনিড রেজাল্ট অডকেনা ,৮৭% ঞাম কাতে স্কুল টপার মেনতেয় সিলেক্টেনা । আচ বাবা হাঃ গরবতে কড়াম অসারেন তায়া মেনখান ঞু বুলুঃ দ বাং কমলেন তায়া । নিয়ৗ
অক্তগে স্টেট সরকার পুলিস রে হড়ে হাতাও কোয়া মেনতে অ্যাডভেটাজে অঁডক কেদা।সুসার হয় পেরেজ কেদা। আডি হড়কো মেতাদেয়া ভাগে স্টুডেন্ট কানাম আরহঁ পাড়হাঃমে ,মেনখান রেঙ্গেজ জ্বালাদ সুসৗর বেগর অকয় ক বাড়ায়া !বায় আঁজম লেদ তাকোয়া। গডারেয় দাড়েয়েনা ,বিনিডেয় দাড়েয়েনা ,ইন্টারভিউ আর মেডিক্যাল রেহয় ফিটেনতে পুলিসরেয় বলয়েনা। ট্রেনিং মুচৗদ কাতে অড়াঃ এ হেজ এনা ,মেনখান নিৎ হ থির দ বৗনুঃ আকাদেয়া ,ডিসট্যান্স খন গ্র্যাজুয়েশন কমপ্লিট কাতে অফিসার বেনাঃ রেনাঃ কুকমু মেনাঃ তায়া ।
.webp)
.webp)
