আবোওয়াঃ
ডিজিটাল ডেস্ক - ভারত জাকাত অনলিয়ৗ গাঁওতা পছিম বাংলা চাঁগা রেনাঃ ১৬ আনাঃ সেরমা
পুরৗও সেনেলেদ্ সৗহিজুহি লৗগিদঃ কানা দারায় কান ২৯ আর ৩০ জানুয়ারী,২০২২ পছিম বর্ধমান
রেয়াঃ আসানসোল রবীন্দ্র ভবন রে।
ইনৗহিলঃ মারাং পেড়া, নেঁওতা পেড়া আর মৗনৗন পেড়া দারাম সাঁও সাঁওতে আখড়া কৗমিহরা
এহবঃআ। সৗগুন দারাম বাঁখেড় দহয়ায় গাঁওতা রিনীচ্ সেক্রেটারী মানতান দ্বিজপদ হাঁসদা।
আখড়া দয় উঢৗও আ পছিম বাংলা সরকার রেন আইন মন্ত্রী মানতান মলয় ঘটক, আখড়ারে মারাং পেড়া
লেকাতে সেটের এ তাঁহেন কানা মানতান অমরেন্দ্র নাথ চ্যাটার্জী (মেয়র, আসানসোল পৌরসভা),
নেঁওতা পেড়া লেকাতে সেটের তাঁহেন কানা মানতান সন্দীপ টুডু, এডিএমএলআর সাঁওতে আরহঁ আয়মা
মৗনৗন পেড়াকো।
বাডায় আকানা অনা আখড়ারেগে গাঁওতা পাহটা খন শিরপৗ কো আতাং আ অনলিয়ৗ, অনড়হিঁয়ৗকো।
মঙ্গল চন্দ্র সরেন ( তুড়কু লুমাং) শিরপৗ সিংরায় টুডু, গুহিরাম হেম্ব্রম (রুসিকৗ) শিরপৗ
রামপদ কিস্কু, ডঃ ধীরেন্দ্রনাথ বাস্কে শিরপৗ ডঃ শচীন মান্ডি, যদুনাথ টুডু শিরপৗ কালীচরণ
মুরমু (মুরমু ঠাকুর), রূপচাঁদ হেম্ব্রম (কাথা বাডোহি) শিরপৗ গৌউর চন্দ্র মুরমু, ইউ.সি.
মান্ডি শিরপৗ ইতি মুরমু আর রামসুন্দর বাস্কে শিরপৗয় ঞামেদা অঞ্জন কর্মকার।
আরহঁ বাডায় আকানা বাংমা দশার মাহা
হিলোঃ সান্তাড়ি পৗরসি আর সাঁওহেদ্রে তিরলৗ কোওয়াঃ এনেম নোওয়া আখড়ারে পেড়া লেকাতে সেটের
এ তাঁহেন কানা পছিম বাংলা পনৎ রেন বির-বুরু মন্ত্রী মানতানিয়ৗ বিরবাহা হাঁসদা।
নোওয়া বার মাহা রেনাঃ অনলিয়ৗ হেলমেল রে ভারত জাকাত অনলিয়ৗ গাঁওতা পছিম বাংলা
চাঁগা পাহটা খন সভাপতি টি.সি. বাস্কে আর সেক্রেটারী মানতান দ্বিজপদ হাঁসদা গোমকে তিকিন
সানাম সাঁওহেদ্ দরদিয়ৗকো সহর সেটের কাতে আখড়া কৗমিহরা সৗখি সভায় লৗগিৎ আরদাশ কিন দহ
আকাদা।
.webp)
