আবোওয়াঃ ডিজিটাল ডেস্ক – হলা ১৩ জানুয়ারী, ২০২২ পছিম বর্ধমান দুর্গাপুর এসডিও ঠেন স্মারকলিপি কো জমা কেদা পশ্চিমবঙ্গ আদিবাসী কল্যাণ সমিতিরেন রৗসিয়ৗকে। অনাবেগর পছিম বর্ধমান আদিবাসী গাঁওতা, আদিবাসী অধিকার মঞ্চ এমান গাঁওতা পাহটা খনহঁ রৗসিয়ৗকো সেটের তাঁহেকানা। দুর্গাপুর এসডিও ঠেন খন যাঁহায়কো সন্দেহজনক আদিবৗসী লেকাতে এসটি সার্টিফিকেট এম হোয় আকানা ওনকোওয়াঃ হেয়ারিং রেনাঃ বন্দেজ আর অনা সাঁওতে ওনকোওয়াঃ সার্টিফিকেট কো বৗতিল রেনাঃ দৗবি লৗইতে রৗসিয়ৗকো আধিকারিক সাঁও কো ঞাপাম এনা।
মহকুমা শাসনিয়ৗ সানামাঃ অৗডি গৗহির সালাঃ আঁজম কাতে নোওয়া চেতান স্টেপ হাতাও লৗগিৎ কাথায় এম আকাদ্ কোওয়া মেনতে সমিতি পাহটা খন বাডায় আকানা। তবে বার হাপ্তা মুদ্রে আধিকারিক যুদি চেৎ স্টেপ হঁ বায় হাতাও আ এনখান আরহঁ দহড়া উনি ঠেন সেন কাতে মিৎ লেতাড় গে আঁদোড় হোয়োঃ আ মেনতে সমিতি পাহটা খন হুঁশিয়ৗরী এম হোয় আকানা।
মহকুমা শাসনিয়ৗ ঠেন স্মারকলিপি এমঃ অক্তে পশ্চিমবঙ্গ আদিবাসী কল্যাণ সমিতিরেন পনৎ সুৎরেৎ পার্শাল কিস্কু, পছিম বর্ধমান জেলা চাঁগারেন কেশিয়ার ডমন কিস্কু, পছিম বর্ধমান আদিবাসী গাঁওতা পাহটা খন শৈলমান মান্ডি, অসিত হাঁসদা, আর আদিবাসী অধিকার মঞ্চ পাহটা খন শিবন কিস্কু এমান গোমকে কো সেটের তাঁহেকানা।
.webp)
