ডাঃ সুরেন্দ্রনাথ মান্ডি
করোনা রেনগে আর মিৎ ভ্যারিয়েন্ট (রূপ) ওমিক্রন, তবে করোনা ভাইরাস হতেতে হোয়োঃ আজার (কোভিড) খন ওমিক্রন রেনাঃ লক্ষণ কদ নাসেনাঃ ভেগার গেয়া। ওমিক্রন রেনাঃ লক্ষণ কদ কানা হটঃ হাসো, লাঁগা ,বহঃ হাসো, নাসে রুওয়ৗ, তি-জাঁগা-হড়ম’ হাসো রহড় খোঃ এমান। ওমিক্রন, শ্বাসযন্ত্র দ কম গেকো তাঁড়গম (সংক্রমণ) এদা বরং চ লাচ্ সেন গে লজর তাকো, খৗতির রোগী কোওয়াঃ হোয়োঃ কানা লাচ্ হাসো,বেচ্ বেচ্ আইকৗউ,উলৗ, রেঁগেচ্ বাং আইকৗউ, পাতলা পায়খানা এমান। নোওয়া ক লক্ষণ সদর লেনখান গে আরটি –পিসিআর পুরিক্ষা করাও অচয় হোয়োঃমা।
ওমিক্রন রেনাঃ লক্ষণ ক ঞেল লেনখান গে আইসোলেসন, মেনমা এটাঃ হড় খন সাঁগিঞ রে তাঁহেন হোয়োঃমা আর ডাকতর বাডায় অচয়ে হোয়োঃআ। ওমিক্রন দ উনৗঃ বতর রেনাঃ আজার দ বাং কানা। লক্ষণ কঁহ হালকা মাছা গে, তবে অৗডি লগনতে আয়মা হড় ক তাঁড়গম অচঃআ। অড়াঃরে আইসোলেসন রে তাঁহে আর আপনারাঃ হড়ম’ রেনাঃ আজার টেকাও দারাম দাড়ে (Immunity) বাড়হাও তেগে ওমিক্রন খন রিহৗই ঞামঃ আ।
.webp)
