সিঁগি মাহা রেনাঃ সাকাম ‘চেরেচ্ আড়াং’ লেখা- ৭৩

 

“আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com । 

 

তেহেঞাঃ আখড়ারে যাঁহায় কো সেলেদ্‌ আকান- রিলৗমালা মুরমু, ᱥᱟᱨᱤᱫᱷᱚᱨᱚᱢ  ᱦᱟᱸᱥᱫᱟ,    ᱜᱟᱛᱮ ᱴᱩᱣᱟ.ᱨ, ᱥᱨᱤᱠᱟᱱᱛᱚ ᱥᱚᱨᱮᱱ, ᱥᱩᱵᱩᱫᱤᱭᱟᱹᱢᱩᱨᱢᱩ,   ᱜᱳᱯᱮᱥᱣᱚᱨ ᱢᱟ.ᱱᱰᱤ, ᱠᱤᱥᱠᱤᱱ ᱫ ᱷ ᱟ   ᱢ ᱩᱨᱢ ᱩ, বাড়তাঙ সরেন, রামলাল টুডু, সমর লাল টুডু, দুগাই টুডু, সীতেন মান্ডি ,  বিভূতি ভূষণ সরেন, দুলৗড় বিটি।

  

রিলৗমালা মুরুমু, ক্লাস- V
জেলা - পুরুলিয়া

১।।

ᱤᱯᱤᱞ ᱮᱸᱜᱮᱞ

ᱥᱟᱨᱤ ᱫᱷᱚᱨᱚᱢ ᱦᱟᱸᱥᱫᱟ

 

 

ᱥᱤᱧ ᱪᱟᱸᱫᱳ ᱢᱟᱭ ᱰᱩᱵᱩᱡ ᱮᱱᱟ
        ᱥᱤᱧ ᱫᱚ ᱵᱟᱹᱱᱩᱜ ᱟᱨ,
 ᱥᱚᱨᱚᱜᱽ ᱵᱟᱜᱟᱱ ᱛᱟᱨᱥᱮ ᱮᱱᱟ
        ᱤᱯᱤᱞ ᱛᱷᱟᱨᱮ ᱛᱷᱟᱨ ᱾

 

ᱮᱛᱚᱢ ᱠᱚᱸᱭᱮ ᱛᱟᱨᱥᱮ ᱢᱮᱸᱫ
           ᱟᱹᱰᱤ ᱞᱮᱻᱞᱮᱸᱜᱮᱫ,
ᱠᱚᱭᱚᱜ ᱟᱠᱟᱫ ᱫᱷᱟᱨᱛᱤ ᱥᱮᱫ
     ᱪᱟᱸᱦᱩᱴ ᱡᱮᱸᱜᱮᱫ ᱡᱮᱸᱜᱮᱫ ᱾

 

ᱟᱠᱟ ᱞᱮᱠᱟᱭ ᱥᱟᱡᱟᱣ ᱞᱮᱱᱟ
          ᱫᱟᱨᱮ ᱰᱟᱹᱨ ᱵᱟᱦᱟ,
 ᱥᱮᱨᱢᱟ ᱨᱤᱢᱤᱞ ᱥᱤᱱᱟᱹᱢ ᱥᱟᱹᱛᱮᱱ
            ᱥᱤᱜᱟᱹᱲ ᱞᱟᱦᱟ ᱞᱟᱦᱟ ᱾

 

ᱢᱮᱱᱟᱭ ᱢᱮᱱᱟᱭ ᱪᱟᱸᱫᱳ ᱢᱟᱢᱟ
            ᱟᱨᱦᱚᱸ ᱠᱟᱰᱟ ᱰᱟᱦᱟᱨ,
ᱡᱳᱞᱳᱜ ᱠᱟᱱᱟᱭ ᱵᱷᱩᱨᱠᱟᱹᱜ ᱤᱯᱤᱞ
           ᱟᱹᱜᱩᱭ ᱥᱳᱥ ᱥᱟᱦᱟᱨ ᱾

 

ᱚᱸᱰᱮᱜᱮ ᱢᱮᱱᱟᱭ ᱛᱟᱠᱳᱭ ᱵᱩᱰᱷᱤ
             ᱫᱤᱱᱜᱮ ᱥᱩᱛᱟᱹᱢ ᱜᱟᱜᱽ,
ᱪᱷᱩᱛᱟᱹᱨ ᱠᱟᱵᱟᱨ ᱠᱟᱢᱤᱨᱮ ᱪᱟᱹᱴᱤ
               ᱟᱨᱟᱬ ᱫᱚᱠᱚ ᱞᱟᱜᱽ ᱾

 

ᱩᱱᱠᱩ ᱟᱹᱱᱤᱡ ᱮᱭᱟᱭ ᱵᱚᱠᱚ
                ᱛᱤᱨᱮ ᱵᱩᱸᱫᱤᱼ  ᱠᱩᱰᱤ,
ᱯᱩᱱ ᱦᱚᱲ ᱫᱚ ᱠᱳᱴᱮ ᱜᱚᱜ ᱠᱚ
            ᱢᱤᱫ ᱫᱚ ᱴᱷᱤᱞᱤ ᱵᱤᱸᱰᱤ ᱾

 

ᱩᱱᱠᱩ ᱜᱮᱠᱚ ᱧᱩᱛᱩᱢ ᱟᱠᱚ
    ᱴᱷᱟᱹᱭᱨᱮ "ᱵᱩᱰᱷᱤ ᱯᱟᱨᱠᱚᱢ",
ᱢᱟᱨᱦᱟ ᱜᱤᱫᱨᱟᱹ ᱜᱩᱯᱤ ᱴᱟᱺᱰᱤ
        ᱦᱟᱹᱱᱠᱩ ᱠᱚᱭᱚᱜ ᱠᱚᱢ ᱾

  

====== ᱞ ᱧ======

২।।

ᱜᱷᱮᱣᱨᱟ ᱪᱮᱬᱮ

ᱜᱟᱛᱮ ᱴᱩᱣᱟ.ᱨ

 

ᱜᱷᱮᱣᱨᱟ ᱪᱮᱬᱮ ᱜᱷᱮᱣᱨᱟ ᱪᱮᱬᱮ
ᱪᱤᱲᱤᱡ ᱪᱤᱲᱤᱡ ᱥᱮᱛᱟᱜ ᱛᱚᱨᱟ,
ᱥᱟᱲᱤᱢ ᱪᱮᱛᱟᱱ ᱫᱩᱲᱩᱵ ᱠᱟᱛᱮ
ᱵᱟᱝᱫᱚᱢ ᱮᱜᱮᱨ ᱵᱟᱝᱫᱚᱢ  ᱨᱚᱲᱟ ?

 

ᱨᱟᱪᱟᱨᱮ ᱢᱮᱱᱟᱜ ᱦᱳᱲᱳ ᱛᱟᱥᱮ
ᱴᱚᱯ ᱴᱚᱯᱟᱼᱴᱚᱯ ᱴᱩᱰᱟ.ᱜ,
ᱥᱳᱨᱛᱮ ᱡᱟᱸᱦᱟᱭ ᱥᱮᱱᱚᱜ ᱨᱮᱫᱚ
ᱯᱷᱩᱨ ᱢᱮᱱᱛᱮᱢ ᱩᱰᱟ.ᱜ ᱾

 

ᱥᱟᱲᱤᱢ ᱨᱮᱜᱮᱢ ᱳᱠᱳ ᱟᱫᱚᱜ
ᱜᱷᱟᱱᱮᱢ ᱠᱚᱭᱚᱜᱽ ᱫᱟᱱᱟᱝ ᱠᱷᱚᱱᱟᱜ,
ᱱᱚᱡᱚᱨ ᱟᱢᱟᱜ ᱠᱷᱟᱞᱤ ᱛᱟᱸᱦᱮᱱ
ᱚᱠᱟᱨᱮ ᱠᱷᱳᱫᱮ ᱦᱳᱲᱳ ᱢᱮᱱᱟᱜ ᱾

 

ᱫᱟᱞᱟᱱ ᱦᱳᱭᱳᱜ ᱠᱩᱸᱵᱟ. ᱦᱳᱭᱳᱜ
ᱦᱚᱠ ᱫᱚ ᱢᱮᱱᱟᱜ ᱟᱢᱟᱜ ᱟᱫᱷᱟ,
ᱚᱱᱟ ᱛᱮᱜᱮ ᱚᱠᱚᱭᱦᱚᱸ ᱯᱟᱞᱮᱱ
ᱮᱠᱟᱞ ᱵᱟᱝ ᱠᱚ ᱮᱢᱟᱢ ᱵᱟᱫᱷᱟ ᱾

 

====== ᱞ ᱧ======

৩।।   

ᱫᱟᱜ

ᱥᱨᱤᱠᱟᱱᱛᱚ  ᱥᱚᱨᱮᱱ

ᱫᱟᱜ ᱨᱮᱜᱮ ᱨᱮᱭᱟᱲ- ᱨᱟᱵᱟᱝ
             ᱫᱟᱜ ᱨᱮᱜᱮ ᱡᱤᱭᱤ
ᱫᱟᱜ ᱠᱷᱟᱹᱛᱤᱨ ᱢᱮᱱᱟᱜ ᱵᱚᱱᱟ
            ᱱᱚᱣᱟ ᱫᱷᱟ.ᱨᱛᱤᱨᱮ ᱛᱷᱟ.ᱭᱤ ᱾

ᱫᱟᱜ ᱜᱷᱟᱱᱴᱟ ᱟ.ᱛᱷᱟ.ᱲᱤᱪ ᱫᱚ
             ᱟᱭᱳ- ᱵᱟᱵᱟ ᱠᱚ ᱮᱜᱮᱨ
ᱯᱩᱥ ᱨᱮᱱᱟᱜ ᱥᱮᱨᱢᱟ ᱫᱟᱜ ᱫᱚ
          ᱠᱟᱴᱠᱚᱢ ᱞᱮᱠᱟᱭ ᱜᱮᱜᱮᱨ᱾

ᱟᱥᱟᱲ ᱨᱮᱱᱟᱜ ᱡᱷᱤᱯᱤᱨ ᱫᱟᱜ
           ᱢᱚᱱᱮ ᱼ ᱡᱤᱭᱤᱭ ᱞᱚᱦᱚᱫᱽ
ᱵᱟ.ᱤᱥᱟ.ᱠ ᱨᱮᱱᱟᱜ ᱫᱟᱜ ᱡᱟ.ᱲᱤ
          ᱫᱷᱟ.ᱨᱛᱤ ᱯᱩᱨᱤᱭ ᱥᱚᱵᱚᱫᱽ ᱾

ᱵᱷᱟᱫᱚᱨ ᱨᱮᱱᱟᱜ ᱫᱟᱜ ᱡᱟ.ᱯᱩᱫ
          ᱦᱟᱠᱳ- ᱠᱟᱴᱠᱚᱢᱟᱜ ᱥᱟᱸᱣᱭᱟᱭ
ᱵᱟ.ᱫ - ᱵᱟ.ᱤᱦᱟᱲ ᱜᱟᱰᱟ ᱟᱲᱮ
           ᱛᱟᱸᱜᱤ ᱟᱠᱟᱫᱟᱭ ᱫᱟᱥᱟᱭ᱾

ᱛᱮᱛᱟᱝ ᱡᱚᱠᱷᱚᱡ ᱡᱷᱟᱨᱱᱟ ᱫᱟᱜ
            ᱨᱮᱸᱜᱮᱡᱨᱮ ᱡᱚᱢ ᱫᱟᱠᱟ
ᱫᱟᱜ- ᱫᱟᱠᱟ ᱥᱟᱸᱦᱮᱫ ᱟᱛᱮ
             ᱟ.ᱪᱩᱨᱚᱜ ᱡᱤᱭᱚᱱ ᱪᱟᱠᱟ᱾᱾

  

====== ᱞ ᱧ======

৪।। 

ᱡᱟᱱᱟᱢ  ᱟᱭᱳ

 ᱥᱩᱵᱩᱫᱤᱭᱟᱹ ᱢᱩᱨᱢᱩ

ᱥᱤᱸᱜᱟᱹᱲ  ᱛᱮᱫᱩᱧ
ᱞᱟᱸᱜᱟ    ᱜᱚᱫᱚᱜ ᱿

ᱮᱱᱮᱪ    ᱵᱷᱟᱜᱟᱣ
ᱛᱮᱹ ---      ᱫᱚᱜ ᱿

ᱫᱩᱞᱟᱹᱲ   ᱠᱟᱛᱤᱧ
ᱦᱚᱵᱚᱨ   ᱜᱚᱫᱚᱜ ᱿

ᱟᱭᱳ   ᱜᱚᱪᱷᱟ
ᱨᱮ  ---   ᱫᱚ ᱿  

ᱥᱮᱛᱟᱜ   ᱟᱹᱭᱩᱵᱽ 
ᱥᱤᱸᱜᱤ      ᱧᱤᱸᱫᱟᱹ ᱿

ᱡᱚᱦᱟᱨ    ᱟᱛᱟᱝ
ᱢᱮ -----    ᱭᱳ  ᱿

ᱟᱭᱳ        ᱟᱭᱳ
ᱡᱟᱱᱟᱢ     ᱟᱭᱳ ᱿

ᱟᱹᱥᱤᱥ   ᱤᱢᱟᱹᱧ
ᱢᱮ ---      ᱭᱳ ᱿

====== ᱞ ᱧ======

 ৫।।

ᱦᱟᱠᱳ ᱠᱟᱴᱠᱚᱢ

ᱜᱳᱯᱮᱥᱣᱚᱨ ᱢᱟ.ᱱᱰᱤ

 

ᱯᱩᱥ ᱪᱟ'ᱫᱚ ᱢᱩᱪᱟ.ᱫ
ᱱᱟᱶᱟ ᱥᱮᱨᱢᱟ ᱵᱩᱥᱟ.ᱜ |
        ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲ
        ᱥᱟᱠᱨᱟᱛ ᱢᱟᱱᱟᱣ ᱢᱟᱱᱛᱟᱨ ||

 

ᱦᱟᱠᱳ ᱠᱟᱴᱠᱚᱢ ᱦᱤᱞᱳᱜ
ᱥᱤᱲᱤᱡ ᱡᱚᱢ ᱢᱤᱞᱟ.ᱜ|
         ᱤᱛᱟ.ᱫ ᱦᱩᱭᱩᱜ ᱫᱟᱠᱟ
         ᱪᱟ'ᱫᱚᱭ ᱦᱤᱡᱩᱜ ᱞᱮᱠᱷᱟ ||

 

ᱛᱷᱟᱨᱮ ᱛᱷᱟᱨ ᱯᱟᱛᱲᱟ
ᱫᱟᱠᱟ ᱤᱛᱟ.ᱫ ᱟᱛᱨᱟ|
          ᱦᱟᱯᱲᱟᱢ ᱠᱚᱠᱚ ᱞᱟ.ᱭ
          ᱥᱟ.ᱨᱤ ᱱᱟᱥᱮ ᱵᱷᱟ.ᱭ ||

 

ᱛᱤ,ᱡᱟ'ᱜᱟ ᱛᱟᱞᱠᱟ
ᱥᱩᱱᱩᱢ ᱚᱡᱚᱜ ᱡᱷᱟᱞᱠᱟᱜ |
          ᱧᱤᱫᱟ. ᱡᱟ.ᱯᱤᱫ ᱢᱟᱬᱟᱝ
           ᱠᱟ.ᱢᱤ ᱦᱩᱭᱩᱜ ᱮᱱᱟᱝ ||

 

ᱛᱤᱞᱢᱤᱧ ᱡᱚᱢ ᱠᱟᱛᱮ
ᱡᱟ.ᱯᱤᱫ ᱦᱩᱭᱩᱜ ᱡᱟᱛᱮ |
           ᱢᱤᱫ ᱛᱤᱞᱢᱤᱧ ᱫᱤᱱ
           ᱢᱟᱨᱟᱝ ᱤᱫᱤᱜ ᱥᱤᱧ ||  

            

====== ᱞ ᱧ======

৬।।

ᱱᱟᱯᱟᱭ  ᱛᱟᱸᱦᱮᱱ

ᱠᱤᱥᱠᱤᱱᱫᱷᱟ  ᱢᱩᱨᱢᱩ

 

  ᱟᱭᱳᱭ ᱢᱮᱱᱟ .......
   ᱥᱮᱛᱟᱜ ᱛᱚᱨᱟ ᱵᱮᱨᱮᱛ ᱠᱟᱛᱮ
   ᱦᱩᱛᱩᱢ ᱯᱷᱟᱨᱪᱟ ᱫᱟᱹᱛᱟᱹᱱᱤ ᱠᱟᱛᱮ
  ᱢᱩ ᱢᱮᱫ ᱢᱚᱪᱟ ᱥᱟᱯᱷᱟ ᱥᱟᱯᱷᱤᱜ ᱢᱮ᱾

  

   ᱛᱤ ᱡᱟᱝᱜᱟ ᱠᱟᱴᱩᱯ ᱨᱟᱢᱟ ᱠᱚᱫ
  ᱦᱟᱨᱟ ᱞᱮᱱᱠᱷᱟ ᱜᱮᱫᱚᱜᱢᱮ ᱟᱫᱚ
  ᱵᱟᱝᱠᱷᱟᱱ ᱢᱟᱹᱭᱞᱟᱹ ᱥᱚᱜᱮ ᱟᱢᱟ  ᱾

  

ᱵᱚᱦᱚᱜ ᱠᱚᱨᱮᱱᱟᱜ ᱩᱯ ᱠᱚᱛᱟᱢ
ᱦᱟᱨᱟ ᱵᱟᱲᱛᱤᱜ ᱨᱮᱫ ᱜᱮᱫ ᱛᱟᱢ
ᱫᱟᱜ ᱡᱟᱯᱩᱫᱨᱮ ᱵᱮᱥ ᱛᱟᱸᱦᱮᱱᱟᱢ ᱾

  

 ᱦᱚᱲ ᱦᱚᱲᱢᱚᱨᱮ ᱫᱷᱩᱲᱤ ᱡᱚᱵᱚᱨ
ᱟᱞᱚ ᱟᱢᱮᱢ ᱦᱟᱹᱨ ᱦᱚᱵᱚᱨᱟ
 ᱢᱟᱹᱭᱞᱟᱹᱛᱮ ᱟᱡᱟᱨ ᱦᱩᱭ ᱟᱢᱟ ᱾

  

 ᱥᱮᱭᱟ ᱵᱟᱥᱠᱮ ᱡᱚᱢ ᱧᱩᱫᱚ
 ᱞᱟᱪ ᱦᱚᱲᱚᱢᱚᱭ ᱵᱟᱹᱲᱤᱪ ᱛᱟᱢᱫᱚ
 ᱟᱡᱟᱨ ᱥᱤᱨᱡᱟᱶ ᱟᱢᱟ ᱾

  

 ᱢᱟᱭᱞᱟ ᱠᱟᱞᱴᱷᱟ ᱦᱚᱨᱚᱜ ᱠᱚᱫᱚ
 ᱫᱤᱱᱟᱢ ᱟᱞᱚᱢ ᱦᱚᱨᱚᱜ ᱜᱮᱫ
 ᱚᱡᱚᱨᱟᱨᱮ ᱟᱡᱟᱨ ᱦᱩᱭ ᱟᱢᱟ ᱾

  

 ᱛᱩᱯᱩ ᱯᱷᱟᱨᱪᱟ ᱟᱢᱮᱢ ᱛᱟᱸᱦᱮᱱ
 ᱢᱚᱡᱽᱜᱮ ᱫᱤᱱ ᱱᱟᱯᱟᱭ ᱛᱟᱸᱦᱮᱱ
 ᱦᱚᱲᱚᱢ ᱛᱟᱢ ᱱᱤᱯᱷᱩᱴ ᱟᱢᱟ  ᱿

 

====== ᱞ ᱧ======

৭।।       

খুড়য়ৗ কোহল

বাড়তাং সরেন

  

আম দ কোহল খুড়য়ৗ কোহল
                   আডি গেচম খুড়য়ৗ
কৗমি কোদ বাম বাডায়া
                     একেন চিগৗরিয়ৗ।

 

হানা দারে নওয়া দারে
                 একালেম দন বাড়ায়
সাকাম তালা জ তাঁহেনা
                 অণ্ডেম উয়ুং বাড়ায়।

 

তারব তিরিল ঞাম লেখানেম
                  অনাকোয়েম ঠটরাও
দারে রেনাঃ জ -বিলিকো
             সানামেম জম সামটাও।

 

হটঃ পেরেচ জম লেখানেম
                    সেরেঞগে সানামে
জাঁহাঁয় তৗনিচ আতাং লেখান
                    বে- বেসাও সানামে ।

 

অড়াঃ দুয়ৗর বৗনুঃ তামা
                কাঁহুঁ তুকৗম সেঁদরায়
গিদৗর পিদৗর হারা লৗগিৎ
                 অণ্ডে গেচম পাশকায়।

 

কাঁহু এঁগা যতন কাতে
              হপনকোয় হারাকো
হারা কাতেয় বুজ তিয়োগা
               জুদৗগে রাহাকো।

 
বাহা বঙ্গা হিজুঃরেদ
              আডি মজেম সেরেঞ
আম সাঁও জমক আতে
               আড়াং আকো রেরেঞ।

 

সেরেঞ কোদ সেরেঞ মেসে
                      বাংগিলে মানামে
কাঁহু কিসনি লেকা আম হঁ
                 তুকৗ তেয়ার চেৎ মে।

 

====== ᱞ ᱧ======

৮।।

সাকরাত

রামলাল টুডু

 

  সাকরাত রেদ সুনুম পিঠৗ
         ছঙ গড গড ছঙ ।
  লল ল-লম জ- জম খানদ
         লাগাঙ মেগে অঙ ।।

 

  আদম কদ জিল ক পিঠৗয়
          বেরেল পাতড়ারে ।
  হলঙ তেক টিডৗগ্ মাড়াং
           ইসিন চুলহৗরে ।।

 

  গিদৗর কদ ভোররে তুপুন
          রাবাং টারাঃ টুরুঃ ।
  জেরেদ্ কাতে কুঁবৗ ঢৗউ ঢৗউ
          সেঁগেল রেক জুরুঃ ।।

 

  সেঁদরাক চালাঃ সেঁড়ান কদ
          কুলৗই, রুঁডৗ , গুডু ।
  আদম খানদ তুপুৎ সিম
           চেতান টলা মুডু ।।

 

  মাজান বেড়াতে বেঝা তু-তুঞ
           চালাঃ ক গাদেল কড়া ।
  শিরপৗ তেক সারহাও এয়া 
           সরেশ্ শিকৗরি কড়া ।।

 

====== ᱞ ᱧ======

৯।।

মামা ভাগনা

সমরলাল টুডু

 

মামা  ভাগনা  তুয়ু  মেরম
আডি   জিয়ৗড়    দহরম  মহরম
বানাম    আর      তিরয়ো  অরম
চাঁদো       ইপিল     লেকা   বরম  ।

 

তুয়ু     চালাক     মেরম     সরল
তেরেল   তারব্      মেরাল    রল্
মিৎ     হড়দ       হেওয়ের    গরল্
আরদ     মেনমে   দাঃগে  তরল  ।

 

হড়ক   মেনা   উতি   চালাক
ডঁডেক     হিলাঃ   দালাক  দালাক
বিজলি      লেকা   আমাঃ ঝালাক
তায়ম   তেদ   নিরিঘিন  হালাক  ।

 

বার্   কাটা   চালাক   মামা
মিৎ   বার্     মাহায়     এমামা
আদোম মেনা  জোহার চাঁদোমামা
তায়ম  তেদয়   জম্    চাবাকামা  ।

 

মিৎদিনদ   মেরম   হপন   এঁগা
নেওতা    কেৎ কোয়   বার্  জাঁগা
জিলদাকা    জজম্  সহরায় বঁগা
বাক রুওয়ৗড়লেন তিনাঃ আয়ুব্আঁগা ।

 

রেয়াড়   দাঃ   লল   লেনখান
লতে   পুটুরঃ    দিশোম  এনখান
হুরুমে ডিগির জিউয়ী লঃকান
চেৎএ  চেকায় আপাতে ঠানমান ।

 

এঁগাহপন  যেতে   সাবাড়    কাতে
মামায়    হিজুঃ     হর   হানাসাতে
ভাগনা   কৗপি দেরেঞ তারোওয়াড়াতে
হুবাঃ  ঝিরঝর   কেদেয়ায়   অনাতে  ।

 

এহো   বাবু   খেরোওয়াল   বিরৗদৗলি
উরুম্    হড়ক     সাঁওতে  মেসাঃভৗলি
হাডগারদ   হডচ্ রুপে   বদলখৗলি
আম  জাঁগে থৗলিয়  তেয়ার  ঝৗলি  ।

 

====== ᱞ ᱧ======

১০।।

লস মাঝি

দুগাই টুডু

 

আঁজম আকান কাথা বলে
          গায়ানিয়ৗয় কানা,
গোটা টাঁডি তারকো কাতে
          অৗচুর বিহুর মেনাঃ ।

 
ঞুহুম তায়দ লস মাঝি
            সানাম কো লৗই অনা,
আপাৎ তায়দ শ্রীরাম মাঝি
            সরেন পৗরিস কো মেনা।

 

জানাম ‘সামাং বেডা সাহি’
       ‘নয়াগান’ হঁ মেতাঃ গেদঃ,
ময়ূরভঞ্জ গে জেলা গেথ
       উড়িষ্যা পনৎ রেদ।

 

বালাসোর মিশন হাই স্কুল খনাঃ
      ম্যাট্রিক পাস আনায়
হরিজন এন্ড ট্রাইব্যাল খন্ড্‌ রেগে
     ডেপুটি ডিরেক্টর লেনায়।

 

গামাম সেরেঞ  তরজমা উনরে
      অল বাড়া কেদা,
হড়কো আদ উনরে গেচো
        দমেকো পাড়হাও লেদা।

 
গায়ান পুঁথি ‘অলং’ গেদ
      ছাপা সদর হেনাঃ
‘কৗরধৗনি জানি মন ঞাপাম’
       গায়ান পতব কানা।

 

সান্তাড় সাঁওহেৎ চারচা লৗগিৎ
       হানেয় লাহা লেনায়,
এনেম খৗতির তেগে উনি
        দিসৗ তাঁহে এনায়।

 

====== ᱞ ᱧ======

১১।।

রাবাং রিতু

সীতেন মাণ্ডি

 

পুষ মাঘ রাবাং রিতু
বৗবুয় পাড়হাঃ আ
 জৗপুদ হঁ মেশা মেনাঃ
    ‌ বিটিয়ে মেনা।।

 

বৗবুয় মেনা বাম বাড়ায়া
অকা চাঁদ অকা রিতু
মৗই এ মেনা পাড়হাও আকাদাঞ
সিঞ ঞিদৗয় দাঃগ অনাগে জৗপুদ রিতু।।

 

হানকু ঞেল কম রাবাং রিতুরে
আযোদিয়ৗ,পাঞ্চেৎ দুয়ৗরসিনী
তিনাঃক চালাঃ বির সড়ে জম
নাপায় হর বাঁদে অকয় হঁ বাংক কম।।

 

আলু খেত রে তুড়ি বাহা ঞেল
শাশাং পৗতনি উডৗঃ লেকা
সেতাঃ বেড়া কুহুড়ৗ ঞুত
উত্তর নাখা রাবাং হয়।।

 

গুপি গিদৗর সেতাঃ বেড়া
গট টাঁডি রে সেঙ্গেল ক জুলৗ
ডাংরি মেরম গৗই কাডা
তিঙ্গু থির মিৎ গডা।।

 

রাবাং রিতু রে দাঃ জৗপুদ
সানাম কোওয়া মনে রৗপুদ
তুরুই গটাং রিতু রেগে চেদাঃ
দাঃ জৗপুদ মেনাঃ গে।।

 

====== ᱞ ᱧ======

১২।।

সাকরাত কুঁবৗ

বিভূতি ভূষণ সরেন

 

রানী মানী নানী সানী
        সাকরাত কুঁবৗক যুত,
বাড়গে লাতার গাডয়া ঢিপরে
        বুসুবতে আডি মজবুত।

 

পুষ মুচৗৎ হিলোঃ ভোরতে
         সাকরাত তুপুনক চালাঃ,
কেনেকতে আতেঃ সানাম গিদৗর
        সেনঃক গাতে সালাঃ।

 

তুপুন ঘাটরে সেন কাতেঃ
       অকয় কদক মেন,
' সাকরাত কুঁবৗ ' ধরাও তাবন
            তুপু হদঃব দেন ।

 

ঠুটু ঠুটু রাবাং রেঁহ
       দৗড় খাঁজঃ আক,
ঝুপ ঝাপ ডুবুচ্ রাকাব
       ঝত গাতে তাক।

 

কুঁবৗ জুলুঃ ধাও ধাও
      সেকাঃক সানাম গাতে,
অড়াঃক হিজুঃ ঝত কগে
      জুরুঃ টেনকা কাতে ।।

 

====== ᱞ ᱧ======

 

১৩।। 

পেড়া হিরি

দুলৗড় বিটি

 

সেদায় লেকা পেড়া হিরি
      নিৎহঁ মেনাঃ সৗরি,
হিজুঃ সেনঃ হিরি-হিপিরি
      অৗডি মারে অৗরি।

 

গুড় তাবেন তওয়া দাহে
       ঘেঁট পটম কাতে,
জ-বিলি দৗতৗনি সাকাম
      খালাঃ লৗডু আতে।

 

বাহা সহরায় বাপ্‌লা বিহৗ
      হিজুঃ নেঁওতা গিরৗ,
ভাঁডান কারামরে সেন কাতে
      মিৎ-বার দিনক জিরৗঃ।

 

ঁঁঁঁঁ=মুচৗৎ=ঁঁঁঁঁ