সিঁগি মাহা রেনাঃ সাকাম ‘চেরেচ্‌ আড়াং’ লেখা- ১৮৭

“আবোওয়াঃ কাথা”  ডিজিটাল ডেস্ক রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড় গে উছানঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com     

 

তেহেঞাঃ আখড়ারে যাঁহায় কো সেলেদ্‌ আকান-  ᱥᱩᱵᱩᱫᱤᱭᱟᱹ ᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟᱹᱱᱰᱤ, ᱨᱟᱢ ᱯᱚᱫᱚ  ᱠᱤᱥᱠᱩ,  ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ,  বাড়তাঙ সরেন, সীতেন মাণ্ডি, সমরলাল টুডু, সুরেন্দ্রনাথ হেম্ব্রম, দুগাই টুডু।

১।।

ᱟᱞᱟᱝ

ᱥᱩᱵᱩᱫᱤᱭᱟᱹ ᱢᱩᱨᱢᱩ

ᱟᱢ       ᱤᱧ
     ᱜᱟᱛᱮᱹ ᱾

ᱛᱟᱸᱦᱮ   ᱯᱟᱱᱛᱮ
      ᱯᱮᱛᱮ ᱾

ᱡᱷᱤᱱᱩᱠ    ᱚᱦᱚᱪ
           ᱟᱛᱮᱹ ᱾

ᱮᱱᱮᱪ         ᱠᱩᱰᱟᱹᱢ
        ᱥᱟᱛᱮᱹ ᱾

ᱥᱤᱛᱩᱝ       ᱫᱟᱨᱮᱹ
           ᱩᱢᱩᱞ ᱾

ᱵᱟᱱᱩᱜ       ᱪᱟᱢᱟᱞ
          ᱪᱩᱢᱩᱞ ᱾

ᱟᱞᱟᱝ         ᱠᱮᱱᱮ
          ᱠᱚᱛᱮ ᱾

ᱜᱟᱛᱮᱜ       ᱜᱟᱛᱮ
            ᱜᱟᱛᱮᱹ ᱾

======== ᱞ ᱧ ========

২।।

ᱱᱮᱣᱛᱟ

ᱜᱳᱯᱮᱥᱣᱚᱨ ᱢᱟᱹᱱᱰᱤ

  

ᱱᱮᱜᱟᱧ ᱱᱟᱹᱯᱩᱧ ᱱᱮᱰᱟ ᱟᱠᱟᱫ

ᱤᱧᱟᱹᱜ "ᱟᱺᱭᱴᱷᱟᱹ" ᱢᱟᱦᱟ,

ᱡᱚᱛᱚ ᱦᱚᱲ ᱮᱢᱟᱫ ᱯᱮᱭᱟ

ᱱᱮᱣᱛᱟ ᱥᱟᱠᱟᱢ ᱞᱟᱦᱟ ᱾

 

ᱱᱮᱰᱟ ᱢᱟᱦᱟ ᱫᱤᱥᱟᱹ ᱠᱟᱛᱮ

ᱦᱤᱡᱩᱜ ᱛᱟᱵᱚᱱ ᱯᱮ,

ᱤᱧᱟᱹᱜ "ᱟᱺᱭᱴᱷᱟᱹ" ᱧᱮᱞ ᱥᱟᱸᱜᱮ

ᱛᱟᱸᱦᱮᱱ ᱛᱟᱵᱚᱱ ᱯᱮ ᱾

 

ᱵᱚᱸᱜᱟ ᱵᱩᱨᱩ ᱧᱩᱢ ᱛᱟᱞᱟ

ᱢᱟᱹᱡᱷᱤ ᱢᱚᱲᱮ ᱦᱚᱲ,

ᱤᱧᱟᱹᱜ ᱥᱩᱞᱩᱠ ᱡᱤᱭᱚᱱ ᱞᱟᱹᱜᱤᱫ

ᱡᱚᱛᱚ ᱯᱮ ᱨᱚᱲ ᱾

======== ᱞ ᱧ ========

৩।। 

ᱯᱷᱟᱜᱩᱱ

ᱨᱟᱢ ᱯᱚᱫᱚ  ᱠᱤᱥᱠᱩ

  

ᱯᱷᱟᱜᱩᱱ  ᱵᱚᱸᱜᱟ  ᱫᱟᱨᱮ ᱥᱟᱠᱟᱢ

ᱯᱟᱸᱰᱩ   ᱠᱟᱛᱮ ᱧᱩᱨᱩᱜ

 ᱚᱱᱟ ᱛᱟᱭᱚᱢ ᱱᱟᱣᱟ ᱥᱟᱠᱟᱢ

ᱥᱟᱜᱮᱱᱚᱟ  ᱵᱩᱨᱩᱫᱽ  ᱵᱩᱨᱩᱫᱽ ᱿

ᱵᱤᱨᱵᱩᱨᱩ  ᱜᱚᱴᱟ ᱯᱟᱠᱟᱲ

ᱦᱟᱞᱤ ᱦᱟᱹᱨᱭᱟᱹᱲ  ᱧᱮᱞᱚᱜ

ᱡᱮᱸᱜᱮᱫᱽ  ᱡᱮᱸᱜᱮᱫᱽ  ᱢᱩᱨᱩᱫᱽ  ᱵᱟᱦᱟ

ᱟᱰᱤ  ᱱᱟᱯᱟᱭ ᱧᱮᱞᱚᱜ ᱿

ᱯᱳᱨᱳᱭ ᱯᱳᱨᱳᱭ ᱥᱟᱨᱡᱚᱢ  ᱵᱟᱦᱟ

ᱛᱷᱳᱯᱮ ᱛᱷᱳᱯᱮ ᱢᱟᱛᱠᱚᱢ ᱜᱮᱞᱮ

ᱩᱰᱟᱹ ᱟᱠᱚ  ᱛᱮᱨᱚᱢ ᱧᱮᱞᱮ᱿

 

ᱟᱛᱳ  ᱟᱛᱳ  ᱵᱟᱦᱟ ᱵᱚᱸᱜᱟ

ᱵᱟᱦᱟ ᱮᱱᱮᱡᱽ ᱥᱮᱨᱮᱧ ᱦᱳᱭᱳᱜ

ᱡᱟᱦᱮᱨ ᱛᱷᱟᱱ ᱠᱚ ᱥᱟᱡᱟᱣ   ᱠᱟᱛᱮ

ᱵᱚᱸ ᱜᱟ  ᱵᱩᱨᱩ ᱠᱚ ᱢᱟᱱᱚᱛ

ᱦᱳᱭᱳᱜ ᱿

======== ᱞ ᱧ ========

৪।। 

ᱟᱭᱳ ᱟᱜ ᱠᱟᱹᱨᱫᱷᱟᱹᱱᱤ

ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ

 

ᱟᱭᱳ ᱤᱧᱤᱡ ᱮᱞᱟᱢ ᱜᱷᱩᱲᱤ

ᱵᱷᱳᱨᱛᱮᱭ ᱦᱚᱦᱚ ᱤᱧᱟ ᱾

ᱟᱹᱣᱨᱤ ᱥᱮᱛᱟᱜ ᱨᱮᱜᱮ ᱩᱱᱤᱭ

ᱵᱮᱨᱮᱫ ᱥᱟᱹᱨᱤ ᱠᱤᱧᱟ ᱿

  

ᱦᱩᱛᱩᱢ ᱯᱷᱟᱨᱪᱟ ᱠᱟᱛᱮ ᱩᱱᱤ

ᱚᱞᱚᱜ ᱮ ᱫᱩᱲᱩᱵ ᱤᱧᱟ ᱾

ᱮᱞᱠᱷᱟ ᱨᱚᱱᱚᱲ ᱥᱟᱱᱟᱢᱟᱜ ᱮ

ᱞᱟᱹᱭ ᱵᱩᱡᱷᱟᱹᱣ ᱤᱧᱟ ᱿

  

ᱱᱤᱛ ᱡᱟᱸᱦᱟᱢ ᱩᱭᱦᱟᱹᱨ ᱠᱟᱱᱟ

ᱦᱟᱯᱮᱱ ᱫᱤᱱᱨᱮ ᱩᱱᱤᱢ ᱵᱮᱱᱟᱜᱼᱟ ᱾

ᱫᱤᱱᱟᱹᱢ ᱦᱤᱞᱳᱜ ᱱᱚᱣᱟ ᱠᱟᱛᱷᱟ

ᱟᱭᱳᱭ ᱢᱤᱛᱟᱹᱧᱟ ᱿

  

ᱥᱮᱛᱟᱜ ᱥᱮᱛᱟᱜ ᱵᱮᱨᱮᱫ ᱞᱮᱱᱠᱷᱟᱱ

ᱱᱟᱯᱟᱭ ᱵᱩᱡᱷᱟᱹᱜᱼᱟ ᱾

ᱦᱚᱲᱢᱚ ᱢᱚᱱᱮ ᱡᱤᱣᱤ ᱠᱚ

ᱱᱟᱯᱟᱭ ᱛᱟᱸᱦᱮᱱᱟ ᱿

  

ᱟᱭᱳ ᱤᱧᱤᱡ ᱮᱞᱟᱢ ᱜᱷᱩᱲᱤ

ᱵᱷᱳᱨᱛᱮᱭ ᱦᱚᱦᱚ ᱤᱧᱟ ᱾

ᱟᱹᱣᱨᱤ ᱥᱮᱛᱟᱜ ᱨᱮᱜᱮ ᱩᱱᱤᱭ

ᱵᱮᱛᱮᱫ ᱥᱟᱹᱨᱤ ᱠᱤᱧᱟ ᱿

======== ᱞ ᱧ ========

৫।।

নেশ দ বালে বাহাঃ

বাড়তাঙ সরেন 

  

সেদায় দ লে তাহেকানা আডি রিলামালা

বাংগেচ তাহেকান জিয়ন জিউয়ী জ্বালা।।

হানে তিস বিদাল রেচ, বীরপাকাড় তালা 

গড়ম হাড়াম দুলাড়তে, নাপায় গেচ ভালা,

হারাবুরু লেনলে সারি, চঃচেরেচ আতে 

মাতকম, সারজম, আলে দ গাতে গাতে।

মাঘবঙ্গা মুচাৎ রেদ মারে সাকাম ভান্দুড়,

বালে সাকাম সাগেনরে চেড়েগেক আন্দুড়

ফাগুনবঙ্গা হিজুঃরে আডি হেসেচ সেকেচ

বাহাঃ রেদ সারি, হয়তে লেগেজ লেগেজ।

বাহাঃ আকো দিশম হড় জাহেরথান তালা

বঙ্গাবুরু সেরেঞ রাহা রাস্কা রিলামালা।

বাহারেনাঃ হেড়েম স হয়তে অটাঙ বাড়ায় 

গিদরাকো বীররে মাতকম হালাঙ বাড়ায়,

উনকো আতে উনদিন আলে আডি মজ

দুকদিন সেটের সারি অকয় হাতাও খজ ?

 

অকয়কুচো অকা খন সেটেরেনকো দমেল

চেৎকুক মেমেনকান উনকো ভালা হেরেল 

গোঁডা রেনাঃ সানাম হাসা মিমিৎতেক লায়

হাসা লাতার রেহেৎতিঞ যতগেকু সাফায়।

মাঃএনা সানাম ডার একেন দারি গোঁডা,

বাং সাহপলেন দিশমরে লালচরেনাঃ সণ্ডা

বাংমা হায় সোনা মেনাঃ অনা অত লাতার,

সোনাতেক সাজাওতাক অতহাসা বাজার।

 

বাবেরতেকু তলকিদিঞ মেসিনতেক অর

অচঃকিদিঞ অণ্ডেখন, বানুঃ বাঞ্চাঃ হর।

একেন দারে ভুটুঙগেচ বানুঃতিঞ সাকাম

মনেরেনাঃ দুক কাথা, অকয়ে রড় দারাম !

বীরপাকাড় পেরেচএনা মানমীদকো বাহাঃ

ইঞাঃ দারেরেদ নেশ, চেৎগেচ বাং বাহাঃ।

======== ᱞ ᱧ ========

৬।।

মুরুত দারে

সীতেন মাণ্ডি

 

মুরুত বাহা জেঁগেৎ জেঁগেৎ

কাপি লেকা লাসের

ঞেলে ভাঁওয়ার আবঃ আক

রাসা চেপেচ্ সেসের মাসের।

 

মুরুৎ দারে রহয় আবন

যতন হারা কষ্ট বানুঃ

বাহা বঙ্গা ধারতি সভায়

সেলফি হাতাও মনে আটু পাটুঃ।

 

 এটাঃ দারে রেনাঃ তিনাঃ কদর

        মুরুত দারে বায় অজে

টাঁডি টিকর আড়ে ধারে তিঙ্গু মেনায়

আচ্ কুসি সঝে লাডে বাহা বঙ্গা রূপে সদর।

 

হড় সাঁও বায় তুলুজঃ মনে বায় খাটয়

  ‌আচ্ রেগে কুসি রাস্কা তাড়াম আকায় তাহেন

সেরমা সেরমা যাও সেরমা গে কাপি বাহাতে

বাহা বঙ্গায় সাগুন দারামে অহায়।

======== ᱞ ᱧ ========

৭।।

আদিবাসী

সমরলাল টুডু

 

সহর্ বাজার যতগে দালান

বুরুদ্ বুরুদ্ হড়দ,

দালান্ রেনাং পুনুন্ ধারেগে

উসুল্ উসুল্ বেড়দ ।

 

হড়দক এসেল্ পেঁড়রা পুঁড়গে

নানা হুনার্ উপদ,

লগন্ চুগুড়্ তাড়াম্ তাকোদ

লাফাং লাফাং লাপদ ।

 

চেহারা নাপায় উপরুমদ নাকাল্

সুপুর্ সুপুরক আতিঞ,

সেরমা রিনিজ্ যেমন ইপিল্

ঞিঁদা সাড়া সাতিঞ্ ।

 

চরক চেহারা হড়ক নাপায়্

গুনদ উকুর আনাং ?

হিঁসকা হুলুং গায়ুর্ টাপুর্

অঁজরা মেনাঃ দানাং ।

 

দুকরে বাংক রপড়্ গপড়্

বিররেন উনকু জিয়ালিগে,

ফুলাও কাতেৎ কড়াম্ তাকদ

উদুগাক হড়ঠেন্ বাবুওয়ালিগে ।

 

উনকু চেতান্ দিশোম্ শাসন্

ভারয়া দবন্ চালেৎ,

ডিহাত্ রিনিজ্ হড়দ অনাতে

কাঁতরে ঠেলাও জিলেৎ ।

 

ডিহাৎ্ রেনাং দুওয়ার্ সিলপিঞ

সারাবেড়া ঝিজগে ঞাঁমাম্,

অকয়গে উরুম চিনহাপ্ বাংরেহঁ

দুলাড়্ চেরেজদক এমাম্ ।

 

মানমিদ  মানমি সাঁওক রপড়্

ডিহাতরেন্ হড়ক বাডায়

সভ্য সমাজ বাজার মানমি

নরক্ সেনঃক গাডায়্ ।

 

হিরখা আলম্ মনেক মুরুখ্

আতুরেন্ উনকু আদিবাসী,

মানমি সাঁওতা দহয়াক জিয়াড়্

যায়যুগ্ আদুরে গিরাবাসী ।

======== ᱞ ᱧ ========

৮।।

মিৎটৗং বুঢি

সু রে ন্দ্র না থ  হে ম ব্র ম

 

আলে মারে আতোরে মিৎটৗং বুঢি তাঁহে কানায়,

দাল দালতে দাল ঞির লেদেয়ায় হাড়াম তায় |

গেঁদাঃ কদো তাসে তায়ায় সেঁগেল আংরা চেতান চুলহৗরে,

টুকুজ কদো আকা কাঃআয় কেতেরকেৎ আকা আনাক্ রে |

জাঁহায় ক মেতায় খান চেৎ এম চিকৗয়েদা নওয়া দ ?

আঁজম তরা উসৗরা বলোবায় গদোঃ আয় দিড়মিরে উন দ |

টাকা পুইসৗয় চাপাদ অৗচুরা গটাগে ছানাঃ ছানাঃ,

বিন উতুতে দাকায় জমা দিনৗমগে বুলুং সালাঃ |

রৗঁসুড় পেঁয়াচ্ মৗরিচ আতেয় জমা লেতাড় লেতাড় হাড়হাৎ পান,

জাঁহাতিস করেয় তুপুন ইসিড় ইসিড় রুউয়ৗঃ রেদো বায় জমা রান |

 

======== ᱞ ᱧ ========

৯।।

ডাঃ কস্তুরিমুরমু

দুগাই টুডু

 

লাইকো কাথায় জাতি দুলাড়

    একাল হুদিশ আনায়,

সাঁওতা লাহান্তি ছুটাও লেনতে

    সুসারিয়ায় ঞুম এনায়।

 

ঞুতুম তায়দ কস্তুরি মুরমু

    বাডায় তেকো সানাম,

আপাত মানসিং এঁগাত মায়া

      রাজদোহা রেদ জানাম।

 

সিংভূম জিলা বিহার গেথো

   উনদ অনা কানগে,

নাহাঃ পুরুব সিংভূম গেদ

   ঝাড়খন্ড পনত মেনগে।

 

জামসেদপুর ওয়ারকার্স কলেজ খনগে

      ইন্টার মেডিয়েট কেদায়,

হোমিয় প্যাথি ডিগ্রী হঁচো

    অনে হামেট লেদায়।

 

পাহিল পাহিল কাতু বাহনাতে

   হানে অলগে আনে,

 ‘আরশাল’ ‘এভেন আড়াং’ রেগে

       অলকো উছান লেনা।

 

‘আরশাল’ ‘তিরলা’ ‘আরিচালি’

    উনিয়াঃ পুঁথি কানগে,

‘সেরেঞ হালাং গালাং’ পতব

    আচাঃ গেকো মেনগে।

 

‘সানতাল জাতিয়াঃ সাগুন বাপ্লা’

   গেতায় ছাপাও সদর,

পারশাল বুহি কানতে বলে

  সাঁওতে শোভা গেথর।

 

ভালাই কামি দহ লেদে

    লাহা তায়ম বাতার,

সাঁওতা তালা হড়কো বেবাক

    উইহার ইদিয়ে নেতার।

======== মুচৗৎ ========