সিঁগি মাহা রেনাঃ সাকাম ‘চেরেচ্ আড়াং’ লেখা- ১৮৬

 

“আবোওয়াঃ কাথা”  ডিজিটাল ডেস্ক রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড় গে উছানঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com।  

 তেহেঞাঃ আখড়ারে যাঁহায় কো সেলেদ্‌ আকান-  ᱠᱤᱥᱠᱤᱱᱫᱷᱟ  ᱢᱩᱨᱢᱩ,  দুগাই টুডু,  সুরেন্দ্রনাথ হেম্ব্রম, দুলৗড় বিটি

১।।

ᱯᱷᱟᱹᱜᱩᱱ ᱠᱩᱭᱞᱤ

ᱠᱤᱥᱠᱤᱱᱫᱷᱟ  ᱢᱩᱨᱢᱩ

  

ᱡᱷᱩᱲ ᱫᱟᱱᱟᱝᱨᱮ ᱨᱟᱨᱟᱜ ᱠᱟᱱ

         ᱟᱢ ᱯᱷᱟᱹᱜᱩᱱ ᱠᱩᱭᱞᱤ ,

       ᱟᱛᱮᱱ ᱠᱟᱛᱮ ᱜᱚᱯᱚᱲ ᱠᱟᱱ

          ᱥᱟᱫᱷᱮᱨ ᱵᱤᱴᱤ ᱴᱩᱭᱞᱤ ᱾

  

ᱫᱟᱨᱮ ᱥᱟᱠᱟᱢ ᱧᱩᱨ ᱮᱱᱟᱨᱮ

             ᱵᱤᱨᱵᱩᱨᱩᱨᱮ ᱦᱟᱱᱮ ,

ᱵᱤᱨ ᱡᱤᱭᱟᱹᱞᱤ ᱥᱚᱫᱚᱨ ᱠᱚᱨᱮ

       ᱫᱟᱹᱲ ᱩᱰᱚᱠᱚᱜ ᱜᱷᱟᱱᱮ ᱾

  

ᱰᱟᱹᱨᱨᱮ ᱢᱚᱦᱮ ᱵᱟᱦᱟ ᱧᱮᱞᱛᱮ

            ᱠᱚᱭᱚᱜ ᱫᱟᱨᱟᱢ ᱪᱮᱲᱮ ,

ᱩᱨᱩ ᱵᱷᱟᱱᱣᱟᱨ ᱢᱮᱱᱟᱜ ᱠᱚᱜᱮ ᱫᱚ

    ᱪᱮᱫᱟᱜ ᱟᱫᱚ ᱠᱚ ᱪᱷᱚᱲᱮᱜ ?

  

ᱯᱷᱟᱹᱜᱩᱱ ᱫᱤᱱ ᱥᱮᱛᱟᱜ ᱥᱤᱝᱜᱟᱲ

            ᱠᱩᱭᱞᱤ ᱴᱩᱦᱩᱭ ᱴᱩᱦᱩᱭ ,

ᱥᱟᱫᱷᱮᱨ ᱵᱤᱴᱤ ᱠᱚᱭᱚᱜ ᱡᱤᱜᱤᱲ

           ᱜᱷᱟᱱᱮ ᱨᱩᱦᱩᱭ ᱴᱩᱦᱩᱭ ᱾

=O=O=O=O=O=O=O=O=O=O=

২।।

লাল মুর্মু

দুগাই টুডু

 

মেনাকো কাথায় অনলিয়ৗ গেচো

    উনি তাঁহে কানে,

ঞুতুম তায়দ লাল মুর্মু

   বাডায় গেকো হানে।

 

আপাত ঞুতুম ধুনু মুর্মু

    এঁগাত মায়া গেদ,

আডে পাশে হড়কো ভালা

   লাই গেয়াকো আদ।

 

জানাম আতো ভূরসা মেনা

    পি.ও. রাজনগর অনা,

জিলৗ সেরাইকেলা খারসওয়ান থর্‌

   ঝারখন্ডরে পাড়াঃ কানা।

 

মিডল ক্লাস পাস কাতে

   চাষরে ধুরৗও লেনে,

অল বেলগে রেগে উনদ

মনগে লাওয়ের আনে।

 

‘সারনা বাঁখেড়’ পতব তায়গে

  উনরে উছান কেদা্,

‘লিটৗ সৗগুন সারনা আড়াং’

   ছাপা সদর লেদায়।

 

সাঁওহেৎ চারচা লৗগিৎ তেদ

    এনেম দহ লেদে,

অনা থেড়ং সান্তাড় নেতার

   বেবাক দিশৗয় এদে।

=O=O=O=O=O=O=O=O=O=O=

৩।। 

লিল সেরমা , সেরমা

সু রে ন্দ্র না থ  হে ম ব্র ম

 

লিল সেরমা লিল সেরমা সেরমা,

সানাঞ কানা আম সালাঃ রড়মা |

মানাঞ কানায় কেনে কতে হৗরিয়ৗড় ,

আঁজমৗঞায় কুদুম কৗহিনি তেহেঞ সিঁগৗড় |

লেগেজ লেগেজ ঞেলঃ দারে সাকাম,

চেরেজ আড়াং লেকা সেতাঃ গামাম |

সনা মিরুহঁ তেহেঞ দয় সেরেঞ,

পাসনাব কানা গটা লেমেঞ লেমেঞ |

উসৗৎ পুসি অড়াঃ এ রুউয়ৗড় কানা,

রাহা রেতা কাতে তাঁহারেতা নানা তারনা |

গাডা পারম রে পুঁড কঁ ক এনেজ,

ঢেংকা চেঁহের চেঁহের গটাডৗহি পেরেজ |

লিল সেরমা লিল সেরমা সেরমা,

আমরিন গাতে তিনৗঃ মেনাঃ ক তামা ??

=O=O=O=O=O=O=O=O=O=O=

৪।।

মুরুৎ বাহা

দুলৗড় বিটি

 

ফৗগুন বঁগা বলঃ সাঁওতে

   যাঁহা সেনগেম বেঁগেৎ,

দারে নৗড়ি সাগেন সাঁওতে

    বাহা জেঁগেৎ জেঁগেৎ।

 

বাহা রেবেদ্‌ বাহা চেপেজ্‌

   চেঁড়ে চিপরুৎ সাঁওতে,

তিনৗঃ রৗস্কৗ বৗনু হিস্কৗ    

   সানাম গাতে সাঁওতে।

 

দেসে দেলা হিজুঃ পেসে

  চেপেজ্‌ বাহা রাসা,

গাতে গাতে পান্তে পান্তে

  মেটাও মনের আশা।

=O=O=O=O=O= মুচৗৎ=O=O=O=O=O=