“আবোওয়াঃ কাথা” ডিজিটাল ডেস্ক রে
সানাম সিঁগি মাহা হিলোঃ গে গিদ্রৗ সাঁওহেদ্ বাখরা গিদৗর বৗউলি ‘চেরেচ্ আড়াং’ লেতাড়
গে উছানঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp-
8942955829 : E-mail Id:- abowagkatha@gmail.com ।
ᱠᱟᱹᱨᱤ
ᱥᱮᱛᱟ
ᱥᱩᱵᱩᱫᱤᱭᱟᱹ ᱢᱩᱨᱢᱩ
ᱢᱮᱱᱟᱭ ᱛᱟᱞᱮ ᱥᱮᱛᱟ ᱵᱷᱩᱞᱤ
ᱟᱹᱭᱩᱵᱽ ᱟᱭᱩᱵᱽ ᱛᱚᱨᱟᱭ ᱠᱩᱞᱤ ।
ᱛᱮᱦᱮᱧ ᱧᱤᱫᱟᱹ ᱧᱤᱫᱟᱹ ᱯᱮᱲᱟ
ᱦᱤᱡᱩᱜ ᱜᱮᱭᱟᱠᱚ ᱧᱤᱫᱟᱹ ᱵᱮᱲᱟ ?
ᱠᱩᱰᱟᱹᱢ ᱨᱮᱫᱚ ᱵᱟᱹᱧ ᱜᱤᱛᱤᱪ
ᱠᱩᱢᱲᱩ ᱠᱚᱠᱚ ᱤᱛᱤᱪ ᱤᱛᱤᱪ ᱾
ᱮᱜᱮᱨ ᱟᱠᱚ ᱠᱟᱹᱨᱤ ᱵᱷᱩᱞᱤ
ᱮᱯᱮᱞ ᱟᱛᱮ ᱚᱛᱟ ᱦᱩᱞᱤ ᱾
ᱦᱟᱲᱟᱢ ᱥᱮᱛᱟᱭ ᱠᱟᱲᱵᱩᱝ ᱠᱚᱼᱼᱟ
ᱠᱩᱲᱵᱩ ᱧᱮᱞᱛᱮ ᱵᱟᱭᱜᱮᱭ ᱜᱩᱞᱟ ᱾
ᱠᱩᱰᱟᱹᱢ ᱨᱮᱜᱤᱧ ᱜᱤᱛᱤᱪ ᱠᱚᱜᱼᱼᱟ ?
ᱠᱩᱲᱵᱩ ᱧᱮᱞᱛᱤᱧ ᱵᱚᱨ ᱵᱚᱛᱚᱜᱼᱼᱟ ᱾
ᱵᱟᱹᱧ ᱜᱤᱛᱤᱪᱼᱼᱟ ᱠᱩᱰᱟᱹᱢ ᱨᱮᱫᱚ
ᱜᱩᱧ ᱨᱮᱦᱚᱸᱧ ᱵᱟᱠᱚ ᱧᱤᱨᱚᱜᱫᱚ ।
==========
ᱞ ᱧ ==========
ᱠᱷᱟᱸᱴᱤ
ᱦᱚᱲ
ᱠᱤᱥᱠᱤᱱᱫᱷᱟ ᱢᱩᱨᱢᱩ
ᱠᱟᱛᱷᱟ ᱥᱟᱹᱨᱤᱧ ᱨᱚᱲᱟ ,
ᱢᱟᱨᱟᱝ ᱦᱩᱰᱤᱧ ᱜᱩᱱ ᱢᱟᱱᱟᱣᱛᱮ
ᱢᱟᱱᱟᱣ ᱠᱚᱳᱭᱟ ᱦᱚᱲ᱾
ᱥᱟᱹᱨᱤ ᱥᱟᱹᱨᱤᱧ ᱢᱮᱱᱟ,
ᱮᱲᱮ ᱠᱟᱛᱷᱟ ᱫᱚ ᱥᱟᱱᱟᱢ ᱠᱷᱚᱱ ᱫᱚ
ᱵᱩᱜᱤ ᱵᱩᱜᱤᱛᱤᱧ ᱛᱮᱱᱟ ᱾
ᱟᱸᱡᱚᱢ ᱜᱚᱫ ᱛᱟᱠᱚ,
ᱦᱟᱱᱛᱮ ᱱᱟᱛᱮ ᱵᱟᱹᱧ ᱫᱷᱮᱭᱟᱱᱟᱜ
ᱠᱟᱹᱢᱤ ᱥᱚᱦᱚᱫ ᱟᱠᱚ ᱾
ᱵᱟᱹᱧ ᱦᱟᱞᱚᱵᱟᱛᱚᱜ-ᱟ,
ᱦᱟᱹᱱᱤ ᱱᱟᱹᱭ ᱞᱟᱹᱞᱟᱹᱭ ᱢᱟᱲᱟᱝ
ᱜᱩᱱᱤ ᱵᱷᱟᱹᱵᱤ ᱜᱚᱫᱚᱜ-ᱟ ᱾
ᱫᱮᱭᱟᱭ ᱵᱟᱹᱲᱤᱡ ᱨᱚᱲ ,
ᱥᱟᱱᱟ ᱢ ᱠᱚᱴᱷᱮᱱ ᱱᱟᱯᱟᱭ ᱦᱚᱨᱚᱜ
ᱵᱮᱱᱟ ᱜ ᱠᱷᱟᱸᱴᱤ ᱦᱚᱲ᱾
========== ᱞ ᱧ ==========
হিসিৎ হয়
বাড়তাঙ সরেন
দারেনাড়ী হিসিৎ হয়তে
হিলৌঃ দালায় দালায়।
একাল রিলেমালা
সাহেৎ হাতাও নাপায় নিরৌই
বাং তাহেকান জ্বালা।
জেম্বেৎ সিবিল সড়ম
মেনাঃ সারি দড়ম।
ফারচা তাহেকানা
আঝাট অটাঙ লেনা।
সাহেৎ রেদ মানমীকওয়াঃ
আঝাট তেয়ারেনা।
তিনৌঃ ধুয়ৌ অটাঙ
কৌরখানা, উডৌঃ জাহাজ
একাল বিষে অটাঙ।
হয়'দ বাড়িচ এনা
সারাক বাতি জেরেৎ তেহ
অরসঙ পাড়াও এনা।
নাহাঃ মাগঃ কানা
অনা তেহ হিসিৎ হয়রে
বাড়িচ সিরজৌও এনা।
এভেন হুয়ুঃ তাবোন
হয় দ নিরৌই তাহেন
দাঃ জাড়ি হয় হিসিৎ
সেদায় লেকা তাহেন ।
========== ᱞ ᱧ ==========
পিটুক্ পটয়া
সমর লাল টুডু
বাহুয়ায়ক মারাং গিদরা,
টেরেন্ চেতান্ বাপলাঃএ দুকান্
বাহুওয়াঃ অড়াঃ আদরা।
উনিয়াঃ তেহেঞ বাপলা,
রাসকাতে তেহেঁঞদ দদন্ কানাক
চপয়া পটয়া গপলা।
ছামডা বেনাও ধারতে,
ধিনাং আয়ুব্ ভজক মাসেড়্
ছামডা লাতার্ লাতারতে।
হড়ক খনদ জাসতি,
নেওতা মেনাআ সানাম্ কোওয়াঃ
আকোওয়াঃ গটা বাসতি।
মেরম্ খাসি জিলগে,
হড়ক খনদ সরেস্ তাকোওয়া
পারানিক্ কোওয়াঃ দিলগে।
ফুড়ুঃ সাড়ের্ জিলগে,
সুবজি উতুদ চেৎরেক হাতাও
পাতড়া দাকারেমা ডালগে ।
গামলায়্ দহকেৎ লাহারে,
ঞেঁলতে লাঁদায়েৎক সানাম্ গাতেগে
চালাও কাতেৎ্ সাহারে।
ফুড়ুঃরেদ ঞুঁরেন্ ঠঁড়েগে,
গামলা ধারেরেদ রহড়্ দাকাগে
এমঃ কানক এড়েগে।
ঠঁড়েগেয়্ চাটগ্ মড়েধাও,
নিতং বাংখান্ জুটুজদম্ ঞাঁমগে
জিউই তায়দয়্ বধাও।
পটয়া ঠঁড়েয়্ চাটগ্,
পটয়া ঞেঁলতে আচুর্ বিহুর্
চপয়া পানমুহরিয়্ কটগ্।
==========
ᱞ ᱧ ==========
আলে চুনু
সনৎ কুমার হাঁসদাঃ
হেনায় গায়াং গুয়ুং।
চুলহৗ চটরে ল-ল দাকা
চুঁডুঃ আতেয় উয়ুং।।
দাকা দয় মেনা কাকাঃ
ল-ল উতুয় লচা।
উলি দাঃ দ সির-সড়
ল আকান তায় মচা ।।
মারাং দৗই এ হ-হ আয়া
হাপে চুনু হাপে ।
আঁজম কাতেঃ আলে চুনু
ঞিরায় থিয়ৗ-থাপে।।
ঞিরাঃ তরায় হাড়াঃ এনা
উসুল গানাডি রে ।
ভিঁদৗড় কাতেয় রারাঃ কানা
সাতে লাতার করে।।
==========
ᱞ ᱧ ==========
গাড়ী এনেচ
বিরসা কিস্কু
আরহঁ মেনাঃ লাঠি
গাঁড়িক এনেচ অবাঁ তাবের
হিলৗও চেতান পাঁয়ড়া পাঁজন কাঠি ||
তওয়া তাবেন মি মিৎ বাটি
জম জহ দ একেন হাড়াম তাহের
এনেচ উদুঃ হুয়ুতাকো খাঁটি
উসৗদ রেদ দেয়া হারতা লাহের||
এনেচ দ লাহারে
মতি বানুঃ হাতাংরে
ভাগ জুড়ু আতাংরে
লুহুক আকো সাডে জড়াওরে ||
আরহঁ ক লাঁদাঁয়
ঞেলতে গাঁড়ী নাচনিয়ৗ
ইসিড় কাতেৎ জাঁগাঁ ক ছাঁদাঁয় ||
========== ᱞ ᱧ ==========
৭।।জিয়েৎ বঙ্গা
সীতেন মাণ্ডি
বাবা তারেন রে জাপিদ
গুড় গতম খন বাড়তি হেড়েম
তুলাম আটেৎ খন হঁ লাবিদ।
বাবা দারেতে উমুল
রাবাং সিতুং হয় দাঃ
চেৎ রেহঁ বানুঃ চুমুল।
ঞাম আঃ হঁ আদঃ
জিয়েৎ জিয়ন ভর আমরে
গ বাবা দুলাড় বাং ছানঃ।
বাম আজম আয়ো বাবা কাথা
আখির দিন রে তাড়াম হর রে
অকয় হঁ বাং ক ঞামঃ সঙ্গেরে।
গিদরা আঃ আগাম সুখাল জিয়ন
আমাঃ কষ্ট রে কষ্ট ক ঞাম
সুর রেক তাহেন এটাঃ হড় দ বাং।
ধারতি পুরিকিন আগুমেয়া
উনকিন বেগর জানাম মিছা
নোওয়া কাথা আলম হিড়িঞা।
========== ᱞ ᱧ ==========
৮।।সান্তাড়ি লিমেরিক
অনলবিঁদি
এড়ে গাসিচ পেড়ে দাং গুমদৗই গাসিচ সগয়
বারাৎ এ গাসিচ বারুডাং পুস গাসিচ দ দঁগয় !
`শ´ মাতো ঢান ঢান
সিম বিলি আলে হিলি সিবিল উতুয় রঁগয় !!
বারুডাং ক বাপ্লায়েকান দৗউড়ৗরে রটে বাহু
মুজ বৗরয়ৗত পুঠি বারেত হিলিৎ হেঁদে কাহু !
বানায় রুয়া টা--মাক
নাচনিয়ৗ হামাক - দামাক
কঁঃ রায়বার কাবাং কুবুং গটা দেয়াতায় ডাহু !!
==========
ᱞ ᱧ ==========
এ পিপিড়জাং
পিপিড়জাং
সু রে ন্দ্র না থ হে ম ব্র ম
তাঁহেনাম সেবাং ইঞ সাং |
ইঞ আয়ো এমামায় দাকা উতু,
ইনৗ তায়ম খেল আলাং কাতা কুতু ||
আমদম গাতেঃ বাহা সাং |
ইঞহঁ ইদিঞমে আম সালাঃ ,
কিরিঞ অৗমৗঞ লৗডু মিৎখালাঃ ||
দেলা রড় রপড়মে ইঞ সাং |
চেৎ অৗমৗঞ অল পাড়হাও,
তাঁহেনা লাং সেচেৎহরা সাঁও ||
========== ᱞ ᱧ ==========
১০।।কালু মাঝি
দুগাই টুডু
তাঁহে কানে আদ,
আপাত তায়দ রামড়ায় মাঝি
সানামকো বাডায় গেদ।
আফজলপুর গেচো থানা,
বীরভূম জিলা রেথো অনা,
একাল্ পাড়াঃ কানা।
পোন ফিট উসুল লেকা,
মেনকো ভালা জত কোগে
ঞেলতে গেথ নংকা।
উনদ সেলেদ লেদে,
আঃসার সাব আর লুটপাট খাতির
ইংরাজকো পাকড়াও কেদে।
উনিয় বিচার এনা,
মঁড়ে সেরমা জিহল লাগিৎ
উনগে হুকুম লেনা।
উনরে দহ আনে,
সান্তাড় তালা মালা রেদ
উনখন দিসায় এনে।
==========
মুচৗৎ ==========
.webp)
.webp)
.webp)
