রোগ-আজার রে প্লাস্টিক

রোগ-আজার রে প্লাস্টিক

তুমৗল রে – ডাঃ সুরেন্দ্রনাথ মানডি

দিনৗম দিন জিয়ন রে নাহাঃ দ প্লাস্টিক রেনাঃ আডিতেৎ গে বেওহার হোয়োঃ কানা। এনতেৎ প্লাস্টিক রেনাঃ নানাহুনৗর জিনিস–পৗতি তেয়ারঃ কান খৗতির, আর অনা ক বেওহার তে আবোওয়াঃ জিয়নধারা-বিতৗও চেৎ লেকা রাওয়ালাকানা, অনকাগে আবোওয়াঃ হড়ম’রে পুরিবেশ রে আনাট-এঁটকেটড়ে হঁ তেয়ারঃ কানা। জাওগে ট্রেন-বাসরে, হর-ডাহাররে, আর বাংখান দকান-অড়াঃরে আডি হড় গে প্লাস্টিক রেনাঃ কাপ গিলৗস-থৗরি প্যাকেটরে জমাঃ ঞুওয়াঃ বো জম ঞুয়ৗ। ডাকতর ককো মেনেদা জাঁহান প্লাস্টিক আধান রে লল-লল জমাঃ ঞুওয়াঃ জম ঞু লেখান মায়ামকুঁডি, রাচাকুঁডি, ইনবর, আঁগাসপঁগাস আর হড়মহারতা রেনাঃ আডিগে খুতি হোয় দাড়েয়াআ, এমন চেৎ কড়ামতওয়া (Breast) রেনাঃ ক্যানসার হঁ হোয় দাড়েয়াআ, বাবা হড় কোওয়াঃ দ শুক্রানু ক কমঃ আ।

খঁদরদিয়ৗ ককো বাডায় অচ কানা, প্লাস্টিক রে তাঁহেন বিসফেনল ঞুতুমান বিষ জমাঃ ঞুওয়াঃ সাঁও মেসা কাতেৎ জাওগে আয়োহড় কোওয়াঃ হড়ম’রে বল’ লেনখান ওনকোওয়াঃ ইস্ট্রোজেন হরমোন ঠিকমাছা বায় কৗমি খৗতির লাঁগা আর বহঃ হাতাং রেয়াঃ কৗমি দাড়ে কম সাঁও সাঁওতে আয়মা লেকান রোগ আজার হঁ হোয় দাড়েয়াঃআ।

প্লাস্টিক রেনাঃ কাপ, গিলৗস, বতল, তেয়াররে পলিভিনাইন ক্লোরাইদ (পিভিসি) নরম অচয় লৗগিৎতে ‘থ্যালেট’ বেওহার হোয়োআ। নোওয়া থ্যালেট আবোওয়াঃ হড়ম’ লৗগিৎ দ বিষ কানা। খঁদরঁদ রে ঞেলাকানা হড়ম’রে নোওয়া রাসান (রাসায়নিক) জাওগে বল’ লেনখান সাঁহেদ্‌ কষ্ট, মটা, টাইপ ২ ডায়াবিটিস কম বুরধি, হাবাগোবা, এমান লেকান আজার হড়ম’-মনেরে বাসাঃআ। অনাতে প্লাস্টিক রেনাঃ কাপ রে চা, কফি সে লল জাঁহানাঃ জম-ঞু লাহা মিৎ ধাও বোন উইহৗর অৗচুর মা।