ফেক এসটি সার্টিফিকেট ইস্যুতে ওয়েস্টবেঙ্গল সিডিউল্ড ট্রাইব ওয়েলফেয়ার অ্যাসোসিয়েশন হাওড়া জেলা ডিএম মেমোরেন্ডাম এ চাল আদেয়া

আবোওয়াঃ ডিজিটাল ডেস্ক-  ফেক এসটি সার্টিফিকেট ইস্যুতে পছিমবাংলারেন আদিবাসী কো লুহুজৗরি চাবাঃ কানা। পুরিস্থিতি নিৎ নুনৗগে বতরান কানা জে গোটা পছিমবাংলারে সৗরিন আদিবাসী খন জাল সার্টিফিকেট অৗমরৗও হড় গেকো ঢেরঃ কানা। অনাতে নিৎ ভৗগি ভৗগি কলেজ আর ইউনিভার্সিটি রে ফেক এসটি সার্টিফিকেট অৗমরৗও আন আদিবাসী কোগে আদিবাসী কোওয়াঃ রাখা দহ জুড়ুরে ভাগ কো হৗটিঞ এদা। 

টিচার্স ট্রেনিং রে, নার্সিং রে, মেডিকেল, ইঞ্জিনিয়ার এমন চেৎ নানাহুনৗর চৗকরি রেহঁ ফেক এসটি সার্টিফিকেট কোওয়া রমরমা ঞেল ঞামঃ কানা। নানাহুনৗর জেলা খন অ্যাসোসিয়েশন রেন রৗসিয়ৗকো আতে এম.এল.এ. কোঠেন নেহঁর দহ কাতেহঁ অনকা অরজ বাং ঞেল ঞামঃ কানা মেনতে অ্যাসোসিয়েশন অভিযোগ এ রাকাব এদা। অনাতে আদিবাসী তালাখন বৗই বৗইতে বতরগে এদরে রাকাব হিজুঃ কানা। 

অনকাগে হলা ২৭ জুলাই ওয়েস্টবেঙ্গল সিডিউল্ড ট্রাইব ওয়েলফেয়ার অ্যাসোসিয়েশন হাওড়া জেলা চাঁগা কুমুট পাহটা খন আদিবাসীকো ফেক এসটি সার্টিফিকেট ইস্যুতে হাওড়া জেলারেন ডিএম মেমোরেন্ডাম চাল আদেয়া। নোওয়ারে অ্যাসোসিয়েশন পাহটা খন সেটের কো তাঁহেকানা জেলা সেক্রেটারী মানতান ধনঞ্জয়, বিভীষন সরেন, বৈদনাথ মুরমু আর জিতেন টুডু এমান। 

অ্যাসোসিয়েশন রেন রৗসিয়ৗকো হাওড়া জেলা আধিকারিক আর হাওড়া জেলা কল্যাণ সমিতি রেন আধিকারিক সাঁও কো ঞাপাম-রপড় এনা। বাডায় আকানা আধিকারিক কো সাঁও ফেক এসটি সার্টিফিকেট ইস্যু লৗইতেগে কো গাপাল মারাও আকানা। অ্যাসোসিয়েশন পাহটা খন বাডায় ঞাম আকানা বাংমা D.W.O.আধিকারিক কো সদর আকাদা জে কিছু দিন মুদ্‌রেগে সানাম এসডিও আর বিডিও কো তলব কোওয়া আর সাব সাবতে ফেক এসটি সার্টিফিকেট আমরাও আকাৎ কো যথাৎ শাসেৎ এম রেনাঃ কো বন্দেজা। আধিকারিক কোঠেন নংকান কাথা আঁজম কাতে রৗস্কৗ কো সদর আকাৎ রেহঁ অনা সাঁও সাঁওতে আদিবাসী কো হুঁশিয়ৗরী হঁক এম অট আকাদা যুদি নোওয়া আদিবাসী নিশড়ৗও রেনাঃ লাগাম লগন বাং বন্দ আ এনখান কিছুদিন মুদ্‌রেগে ওনকোহঁ নানাহুনৗর আপিস ঘেরাও সাঁওতে মিৎ মারাং আঁদোড় লৗগিৎ হর রেকো আঁড়গনা।