এম.এল.এ. আর এম.পি. কোঠেন গণডেপুটেশন মাঝি পারগানা মহলাঃ

আবোওয়াঃ ডিজিটাল ডেস্ক- নানাহুনৗর দৗবি দাওয়া ইদিকাতে এম.এল.এ. আর এম.পি. কোঠেন গণডেপুটেশন লৗগিৎ ভারত জাকাত মাঝি পারগানা মহল বাং হৗটিঞ মেদিনীপুর জেলায় হহকেদা। বাডায় আকানা দারায় কান ১ আগস্ট পছিম বাংলা সরকাররেন কারগরি সেচেদ্‌ স্কিল ডেভেলপমেন্ট মন্ত্রী সাঁওতে ডেবরা বিধানসভা রেন এম.এল.এ. হুমায়ুন কবির, দাঃ সম্পদ মন্ত্রী সাঁওতে সবং বিধানসভা রেন এম.এল.এ. মানস ভুঁইয়া ঠেন সানাম এলাকারেন হড় আতে গণডেপুটেশন কো এমা মেনতে বাডায় আকানা।

দাবী কো মুদরে বাডায় আকানা- ১। পছিমবাংলা পনৎ রেনাঃ আইটিডিপি এলাকাকো আর্টিকেল্‌ ২৪৪ লেকাতে আডি লগন গে 5 th Schedule লৗগু করাও হোয়োঃ মা, ২। পুরুলিয়া জেলারে আযোদিয়ৗ ঠুড়গৗ প্রকল্প ঞুম কাতে আদিবাসী লাগা ডিগলৗও বনদ হোয়োঃ আ, ৩। পুরুলিয়া জেলা রেনাঃ আযোদিয়ৗ বুরুরে সানতাড় কোওয়াঃ ঞুমৗনাঃ ‘সুতৗন টৗন্ডি’ সরকারী ভাবতে জতন-জগাও রেনাঃ বন্দেজ করাও হোয়োঃমা, ৪। আদিবাসী কোওয়াঃ ধরম সেঁদরা বনদ বাং চালাঃ আ, আর সেঁদরা ঞুতুম তে আথৗউড়ি কেশ এম কাতে হায়রৗনি এম বাং গানোঃ আ, ৫। সানাম ফেক এসটি সার্টিফিকেট সিজ করাও হোয়োঃ মা আর সার্টিফিকেট এম আকাদ্‌ আপিসার কো কডরা শাসেৎ এম হোয়োঃমা, ৬। Forest Right Act- 2006 লৗগু করাও হোয়োঃ আ, ৭। সানতাড়ি মিডিয়াম লৗগিৎ ভেগারতে সেচেৎ বোর্ড বেনাও হোয়োঃ আ, ৮। আদিবাসী এলাকারে সানাম জাহের থান রে পাট্টা রেকর্ড এম হোয়োঃআ।  

 ভারত জাকাত মাঝি পারগানা মহল বাং হৗটিঞ মেদিনীপুর জেলা পাহটা খন ইনৗ হিলো সবং রে ১১ বাজা অকতে আর ডেবরা রে ১ বাজা অকতে জৗতিয়ৗরী সাপাপ্‌ আর টামাক,রেগড়া, ঘন্টা, সাঁকোওয়া আঁদোড়াতে দোমেল দোমেল সহর সেটেরঃ লৗগিৎ আরদাশ কো দহ আকাদা মেনতে বাডায় আকানা।