(... ᱞᱟᱦᱟ ᱠᱷᱚᱱ ᱛᱳᱸᱜᱮ)
ᱫᱟᱲᱮᱜᱮ ᱫᱷᱚᱱ(ᱜᱟᱭᱟᱱ) ᱪ ᱮᱛ ᱟ ᱱ ᱛ ᱚ ᱡ ᱽᱵ
ᱤᱡᱽ
(ᱵᱟᱨ ᱟᱱᱟᱜ ᱩᱪᱷᱟ.ᱱ - ᱑᱙᱘᱙ ᱯᱚᱛᱚᱵ ᱠᱷᱚᱱ ᱯᱳᱭᱞᱳ ᱩᱪᱷᱟ.ᱱ - ᱑᱙᱖᱖)
ᱛᱚ ᱡᱽᱵ ᱤᱡᱽ ᱨᱮ- ᱥᱨᱤᱠᱟ ᱱᱛᱚ ᱥᱚᱨᱮᱱ
(᱖)
ᱢᱟᱸᱜᱚᱞ ᱢᱟ.ᱡᱷᱤ ᱞᱮᱠᱟᱱᱤᱡ ᱟᱨ ᱢᱤᱫ ᱢᱟ.ᱱ ᱟᱱ ᱦᱚᱲᱮ ᱦᱳᱭᱳᱜ
ᱠᱟᱱᱟ , ᱥᱟᱨᱚᱢ ᱨᱤᱱᱤᱪ ᱯᱟᱨᱜᱟᱱᱟ ᱯᱟᱨᱟᱶ᱾ ᱱᱩᱭ ᱦᱚᱯᱚᱱ ᱛᱮᱫ ᱥᱟᱶᱜᱮ ᱫᱩᱜᱤᱭᱟᱜ ᱵᱟᱯᱞᱟ ᱞᱟ.ᱜᱤᱫ
ᱥᱟᱨ-ᱥᱟ.ᱜᱩᱱ ᱜᱟᱞᱢᱟᱨᱟᱶ ᱞᱮᱱᱟ᱾ ᱢᱮᱱᱠᱷᱟᱱ ᱱᱩᱭ ᱯᱟᱨᱜᱟᱱᱟ ᱟᱜ ᱠᱤᱥᱟ.ᱲ ᱜᱚᱨᱚᱵ, ᱫᱩᱜᱤ ᱮᱠᱟᱞ ᱵᱷᱟᱜᱮ
ᱢᱮᱫᱛᱮ ᱵᱟᱭ ᱧᱮᱞ ᱟᱠᱟᱫᱟ᱾ ᱚᱱᱟᱛᱮ ᱩᱱᱠᱩ ᱥᱟᱶ ᱯᱮᱲᱟ ᱥᱟ.ᱜᱟ.ᱭ ᱵᱟᱝ ᱛᱮᱭᱟᱨ ᱟᱠᱟᱱᱟ᱾ ᱛᱟᱭᱚᱢ ᱛᱮᱫᱚ
ᱱᱩᱭ ᱢᱟ.ᱡᱷᱤ ᱦᱚᱯᱚᱱ ᱛᱮᱫ ᱨᱚᱛᱚᱱ, ᱫᱩᱜᱤ ᱢᱟᱭ ᱤᱛᱩᱫ ᱨᱮᱱᱟᱜ ᱮ ᱵᱷᱟᱵᱱᱟ ᱞᱮᱱᱟ᱾ ᱱᱚᱣᱟ ᱤᱛᱩᱫ ᱦᱚ ᱟᱵᱳ
ᱥᱟᱶᱛᱟ ᱨᱮᱱᱟᱜ ᱢᱤᱫᱴᱟᱝ ᱢᱟᱨᱮ ᱟᱡᱟᱨ᱾ ᱚᱱᱟᱛᱮ ᱤᱛᱩᱫ ᱨᱮᱱᱟᱜ ᱛᱮᱛᱟᱝ ᱥᱤᱨᱡᱟ.ᱶ ᱠᱟᱛᱮ, ᱱᱩᱭ ᱯᱟᱨᱜᱟᱱᱟ
ᱯᱟᱨᱟᱶ ᱛᱷᱚᱲᱟ ᱠᱩ ᱢᱚᱱᱮ ᱨᱮᱱᱟᱜ ᱩᱯᱨᱩᱢ ᱮ ᱮᱢ ᱟᱠᱟᱫ ᱨᱮᱦᱚ; ᱠᱷᱚᱞ ᱱᱟᱭᱚᱠ ᱞᱮᱠᱟᱛᱮ ᱪᱩᱨᱤᱛ ᱫᱚ ᱵᱟᱝ
ᱪᱷᱟ.ᱴᱨᱟ.ᱨ ᱜᱟᱱᱚᱜ ᱻᱟ᱾ ᱨᱟᱭᱵᱟᱨ ᱞᱮᱠᱟᱛᱮ ᱨᱟ.ᱛᱩ ᱢᱮᱱᱟᱭ ᱨᱮᱦᱚ, ᱪᱩᱨᱤᱛ ᱨᱮ ᱵᱟ.ᱲᱤᱪ ᱵᱷᱟᱵᱱᱟ ᱫᱚ ᱵᱟᱝ
ᱧᱮᱞ ᱟᱠᱟᱱᱟ᱾ ᱚᱱᱟ ᱠᱷᱚᱱ ᱫᱚ ᱜᱚᱲᱚ ᱥᱚᱯᱚᱦᱚᱛ ᱨᱮᱜᱮ ᱱᱩᱭ ᱫᱚ ᱧᱩᱢ ᱜᱟᱱᱚᱜ ᱻᱟ᱾
ᱥᱩᱨᱟ.ᱭ
ᱮ ᱦᱳᱭᱳᱜ ᱠᱟᱱᱟ ᱢᱤᱫ ᱟ.ᱰᱤ ᱱᱟᱯᱟᱭ ᱥᱮᱨᱮᱧ ᱨᱩᱥᱤᱠᱟ ᱾ ᱱᱩᱭ ᱟᱜ ᱥᱮᱨᱮᱧ ᱛᱮᱜᱮ ᱜᱟᱭᱟᱱ ᱫᱚ,
ᱥᱤᱧ-ᱧᱤᱫᱟ. ᱵᱮᱲᱟ ᱨᱟᱠᱟᱵ ᱟᱨ ᱰᱩᱵᱩᱡ ᱞᱮᱠᱟ ᱯᱟᱨᱚᱢ ᱪᱟᱞᱟᱶ ᱟᱠᱟᱱᱟ᱾ ᱜᱟᱭᱟᱱ ᱨᱮ ᱥᱮᱨᱮᱧ ᱨᱮᱱᱟᱜ ᱡᱟᱦᱟ
ᱢᱤᱫ ᱞᱮᱠᱟᱱ ᱮᱱᱮᱢ ᱢᱮᱱᱟᱜ ᱻᱟ, ᱚᱱᱟ ᱫᱚ ᱱᱩᱭ ᱥᱮᱨᱮᱧ ᱪᱩᱨᱤᱛ ᱛᱟᱞᱟᱛᱮᱜᱮ ᱱᱟᱯᱟᱭ ᱯᱷᱩᱴᱮᱞ ᱟᱠᱟᱱᱟ᱾
ᱥᱮᱨᱮᱧ ᱫᱚ ᱮᱠᱮᱱ ᱥᱮᱨᱮᱧ ᱫᱚ ᱵᱟᱝ ᱥᱮ ᱱᱚᱣᱟ ᱫᱚ ᱮᱠᱮᱱ ᱦᱚᱲ ᱨᱟ.ᱥᱠᱟ. ᱞᱟ.ᱜᱤᱫ ᱫᱚ ᱵᱟᱝ; ᱱᱚᱣᱟ ᱫᱚ
ᱡᱤᱭᱚᱱ ᱰᱟᱦᱟᱨ ᱨᱮ ᱛᱟᱲᱟᱢ-ᱛᱟᱲᱟᱢᱛᱮ ᱢᱚᱱᱮ ᱨᱮᱱᱟᱜ ᱵᱳᱠᱲᱳ ᱠᱷᱚᱱ ᱥᱤᱛᱳᱝ ᱛᱮ ᱫᱟᱜ ᱞᱚ-ᱞᱚ ᱠᱟᱛᱮ ᱚᱴᱟᱝ
ᱫᱟᱜ ᱞᱮᱠᱟᱱᱟᱜ ᱡᱤᱱᱤᱥ - ᱚᱱᱟ ᱫᱚᱱᱚᱣᱟ ᱨᱮ ᱵᱮᱶᱦᱟᱨ ᱟᱠᱟᱱ ᱥᱮᱨᱮᱧ ᱠᱚ ᱯᱟᱲᱦᱟᱣ ᱞᱮᱠᱷᱟᱱ ᱜᱮ
ᱵᱩᱡᱷᱟ.ᱜᱻᱟ᱾ ᱱᱚᱣᱟ ᱜᱟᱭᱟᱱ ᱨᱮ ᱥᱮᱨᱮᱧ ᱜᱮ ᱦᱳᱭᱳᱜ ᱠᱟᱱᱟ ᱱᱚᱣᱟ ᱨᱮᱱᱟᱜ ᱟᱨ ᱢᱤᱫᱴᱟᱝ ᱡᱤᱣᱭᱤ᱾
ᱫᱤᱱᱩᱭ
ᱦᱳᱭᱳᱜ ᱠᱟᱱᱟ ᱱᱚᱣᱟ ᱜᱟᱭᱟᱱ ᱨᱮᱱ ᱢᱤᱫ ᱱᱟᱯᱟᱭ ᱪᱩᱨᱤᱛ ᱟᱨ ᱥᱚᱛ ᱱᱟᱭᱚᱠ᱾ ᱟᱯᱟᱛ ᱴᱷᱮᱱ ᱠᱷᱚᱱ ᱧᱟᱢ
ᱥᱤᱠᱷᱱᱟ.ᱛ ᱜᱮ ᱱᱩᱭ ᱫᱚ ᱪᱟᱸᱫᱳᱵᱚᱸᱜᱟ ᱟᱜ ᱨᱚᱲ ᱞᱮᱠᱟ ᱢᱚᱱᱮ ᱠᱟᱛᱮ, ᱢᱤᱫ ᱥᱚᱨᱮᱥ ᱢᱚᱱᱮ ᱨᱮᱱᱟᱜ ᱩᱯᱨᱩᱢᱮ
ᱮᱢ ᱟᱠᱟᱫᱟ᱾ ᱚᱱᱚᱞᱤᱭᱟ ᱜᱚᱢᱠᱮ ᱱᱩᱭ ᱛᱟᱞᱟᱛᱮᱜᱮ, ᱥᱟᱶᱛᱟ ᱨᱮᱱ ᱡᱩᱭᱟ.ᱱ ᱠᱚᱲᱟ-ᱠᱩᱲᱤ ᱠᱚ ᱱᱟᱯᱟᱭ ᱪᱩᱨᱤᱛ
ᱜᱚᱲᱦᱚᱱ ᱨᱮᱱᱟᱜ ᱥᱟᱸᱫᱮᱥᱮ ᱵᱷᱮᱡᱟ ᱟᱠᱟᱫᱟ᱾ ᱢᱚᱱᱮ ᱡᱤᱣᱭᱤ ᱠᱚ ᱥᱟᱢᱴᱟᱶ ᱥᱟ.ᱦᱤᱪ ᱫᱚᱦᱚ ᱠᱟᱛᱮ,ᱠᱟ.ᱢᱤ
ᱛᱟᱞᱟᱛᱮ ᱡᱤᱭᱚᱱ ᱰᱟᱦᱟᱨ ᱨᱮ ᱛᱟᱲᱟᱢ ᱤᱫᱤ ᱞᱮᱠᱷᱟᱱ, ᱢᱤᱫ ᱫᱤᱱ ᱫᱚ ᱵᱟᱝ ᱢᱤᱫ ᱫᱤᱱ- ᱱᱟᱯᱟᱭ ᱢᱟ.ᱱ
ᱞᱮᱠᱟᱱ ᱡᱟᱭᱜᱟᱢ ᱧᱟᱢ ᱜᱮᱭᱟ᱾ ᱱᱚᱣᱟ ᱞᱟ.ᱜᱤᱫ ᱦᱚᱭ-ᱵᱷᱟᱨᱰᱳ ᱞᱮᱠᱟ ᱟᱡᱷᱟᱴ ᱦᱮᱡ ᱞᱮᱱᱠᱷᱟᱱ, ᱚᱱᱟ ᱠᱚᱫᱚ
ᱪᱟᱸᱫᱳᱜᱮᱭ ᱫᱳᱜ ᱻᱟ᱾
ᱫᱩᱜᱤ ᱢᱟ.ᱭ ᱮ ᱦᱳᱭᱳᱜ ᱠᱟᱱᱟ ᱴᱟᱴᱠᱟ ᱥᱟᱲ ᱵᱟᱦᱟ ᱞᱮᱠᱟᱱ
ᱢᱤᱫ ᱱᱟᱯᱟᱭ ᱡᱩᱭᱟ.ᱱ ᱛᱤᱨᱞᱟ.᱾ ᱱᱩᱭ ᱜᱮᱭ ᱦᱳᱭᱳᱜ ᱠᱟᱱᱟ ᱱᱟᱭᱤᱠᱟ᱾ ᱱᱩᱭ ᱫᱚ ᱫᱤᱱᱩ ᱥᱟᱶ ᱛᱟ.ᱯᱩᱜ ᱟᱲᱟᱝ
ᱞᱮᱠᱟᱭ ᱜᱟᱛᱮ ᱟᱠᱟᱱᱟ᱾ ᱫᱩᱜᱤ ᱟᱜ ᱢᱚᱱᱮ ᱨᱮᱱᱟᱜ ᱛᱮᱛᱟᱝ ᱠᱷᱚᱱ ᱡᱟᱱᱟᱢ ᱟᱠᱟᱱ ᱫᱩᱞᱟ.ᱲ ,ᱠᱩᱱᱟ.ᱢᱤ
ᱪᱟᱸᱫᱳ ᱞᱮᱠᱟ ᱪᱚᱨᱚᱠᱟ, ᱛᱮᱨᱚᱢ ᱨᱟᱥᱟ ᱞᱮᱠᱟ ᱦᱮᱲᱮᱢᱟ, ᱜᱚᱝᱜᱟ ᱫᱟᱜ ᱞᱮᱠᱟ ᱥᱟᱯᱷᱟ ᱻᱟ ᱟᱨ ᱥᱟᱲ ᱵᱟᱦᱟ
ᱞᱮᱠᱟ ᱱᱤᱥᱯᱟᱯ᱾ ᱢᱮᱱᱠᱷᱟᱱ ᱱᱩᱭ ᱟᱜ ᱚᱱᱛᱚᱨ ᱨᱮᱱᱟᱜ ᱠᱟᱛᱷᱟ, ᱵᱩᱡᱷ ᱞᱟ.ᱜᱤᱫ ᱱᱟᱭᱚᱠ ᱛᱷᱚᱲᱟ ᱚᱠᱛᱚ
ᱞᱟᱜᱟᱣ ᱠᱟᱣ ᱫᱮᱭᱟ᱾ ᱱᱟᱭᱚᱠ ᱫᱚ ᱟᱡ ᱵᱟᱵᱟᱭᱟᱜ ᱵᱟᱪᱚᱠ ᱠᱟᱛᱷᱟ ᱛᱮ ᱛᱚᱞ ᱛᱟᱸᱦᱮ ᱠᱷᱟᱹᱛᱤᱨ, ᱮᱛᱚᱢ-ᱠᱚᱸᱭᱮ
ᱟᱨ ᱞᱟᱦᱟ ᱥᱮᱫ ᱠᱚᱭᱚᱜ ᱨᱮᱱᱟᱜ ᱞᱟ.ᱜᱛᱤ ᱵᱟᱭ ᱢᱚᱱᱮ ᱟᱠᱟᱫᱟ᱾ ᱮᱱᱨᱮᱦᱚ ᱡᱤᱭᱚᱱ ᱰᱟᱦᱟᱨ ᱛᱟᱲᱟᱢ ᱨᱮ
ᱢᱤᱫ-ᱵᱟᱨ ᱜᱷᱚᱴᱚᱱᱟ ᱫᱚ ᱪᱟᱸᱫᱳ ᱜᱮᱭ ᱜᱷᱚᱴᱟᱶ ᱟᱢᱟ ᱟᱨ ᱢᱤᱫᱵᱟᱨ ᱜᱷᱚᱴᱚᱱᱟ ᱫᱚ ᱪᱟᱸᱫᱳᱜᱮᱭ ᱫᱳᱜ ᱢᱮᱭᱟ᱾
ᱫᱩᱜᱤ
ᱢᱟ.ᱭ ᱟᱭᱟᱜ ᱚᱱᱛᱚᱨ ᱨᱮᱱᱟᱜ ᱠᱟᱛᱷᱟ ᱫᱤᱱᱩ ᱟᱸᱜᱚᱪ ᱦᱚᱪᱚ ᱞᱟ.ᱜᱤᱫ ᱛᱮ, ᱢᱤᱫᱵᱟᱨ ᱜᱷᱚᱴᱚᱱᱟᱭ ᱜᱷᱚᱴᱟᱶ
ᱟᱠᱟᱫᱟ᱾ ᱟᱥᱚᱞᱮ ᱱᱚᱸᱰᱮ ᱜᱮ ᱱᱩᱭ ᱫᱚ ᱥᱟᱲᱵᱟᱦᱟ ᱞᱮᱠᱟ ᱟ.ᱰᱤ ᱚᱥᱚᱦᱟᱭ᱾ ᱵᱟᱦᱟ ᱥᱟᱲ ᱠᱟᱛᱮ ᱨᱮᱦᱚ ᱚᱱᱟ
ᱡᱩᱫᱤ ᱥᱤᱫ ᱠᱟᱛᱮ ᱵᱚᱸᱜᱟ-ᱵᱩᱨᱩᱭᱟᱜ ᱫᱮᱵᱟ-ᱥᱮᱵᱟᱨᱮ ᱵᱟᱝ ᱞᱟᱜᱟᱻᱟ, ᱮᱰᱮᱠᱷᱟᱱ ᱚᱱᱟ ᱵᱟᱦᱟ ᱨᱮᱱᱟᱜ
ᱥᱟᱲᱜᱮ ᱢᱤᱪᱷᱟ.᱾ ᱚᱱᱟ ᱛᱮ ᱚᱱᱚᱞᱤᱭᱟ ᱜᱚᱢᱠᱮ, ᱫᱩᱜᱤ ᱧᱩᱛᱩᱢᱟᱱ ᱥᱟᱲᱵᱟᱦᱟ ᱫᱤᱱᱩ ᱟᱜ ᱵᱟᱲᱜᱮᱨᱮ ᱨᱚᱦᱚᱭ
ᱞᱟ.ᱜᱤᱫ ᱢᱤᱫᱵᱟᱨ ᱚᱥᱟᱢᱵᱷᱮᱲ ᱜᱷᱚᱴᱚᱱᱟᱭ ᱜᱷᱚᱴᱟᱶ ᱟᱠᱟᱫᱟ᱾ ᱫᱩᱜᱤ ᱢᱟ.ᱭ ᱟᱜ ᱯᱩᱠᱷᱨᱤ ᱫᱟᱜ ᱨᱮ ᱩᱱᱩᱢ
ᱜᱩᱡᱩᱜ ᱫᱚ,ᱫᱩᱞᱟ.ᱲ ᱥᱟᱪᱟᱨᱦᱮᱫ ᱨᱮᱱᱟᱜ ᱢᱤᱫᱴᱟᱝ ᱯᱮᱥᱚᱱ (passion)᱾ ᱩᱱᱩᱢ ᱠᱷᱚᱱ ᱫᱳᱜ ᱠᱟᱛᱮ, ᱫᱤᱱᱩ
ᱢᱤᱫᱴᱟᱝ ᱱᱟᱯᱟᱭ, ᱢᱚᱦᱚᱛ ᱪᱩᱨᱤᱛ ᱨᱮᱱᱟᱜ ᱩᱯᱨᱩᱢ ᱮ ᱮᱢ ᱟᱠᱟᱫᱟ᱾ ᱱᱚᱣᱟ ᱜᱷᱚᱴᱚᱱᱟ ᱜᱮ, ᱜᱟᱭᱟᱱ ᱨᱮᱱᱟᱜ
ᱢᱤᱫᱴᱟᱝ ᱴᱟᱨᱱᱤᱝ (turning
point)
ᱯᱚᱮᱱᱴ᱾
ᱱᱚᱣᱟ ' ᱫᱟᱲᱮ ᱜᱮ ᱫᱷᱚᱱ ' ᱱᱚᱝᱠᱟᱱ ᱢᱤᱫᱴᱟᱝ ᱜᱟᱭᱟᱱ
ᱡᱟᱦᱟᱨᱮ ᱠᱷᱚᱞ ᱱᱟᱭᱚᱠ ᱜᱮ ᱵᱟᱢ ᱧᱟᱢ ᱠᱚᱭᱟ᱾ ᱱᱚᱣᱟ ᱨᱮ ᱠᱷᱚᱞ ᱱᱟᱭᱚᱠ ᱫᱚ, ᱡᱤᱭᱚᱱ ᱰᱟᱦᱟᱨ ᱛᱮ ᱛᱟᱲᱟᱢ
ᱟᱠᱟᱫ ᱢᱤᱫᱵᱟᱨ ᱛᱚᱦᱚᱫ ᱦᱟᱲᱟᱜ ᱜᱮ ᱢᱚᱱᱮᱭ ᱦᱳᱭᱳᱜ ᱻᱟ᱾ ᱟᱨ ᱱᱚᱣᱟ ᱛᱚᱦᱚᱫ ᱦᱟᱲᱟᱜ ᱠᱚᱫᱚ ᱪᱟᱸᱫᱳ ᱟᱜ ᱜᱮ
ᱥᱤᱨᱡᱟ.ᱶ ᱟᱨ ᱩᱱᱤᱜᱮᱭ ᱫᱳᱜ ᱢᱮᱭᱟ᱾ ᱢᱟᱱᱚᱛᱟᱱ ᱚᱱᱚᱞᱤᱭᱟ ᱯᱚᱱᱰᱮᱛ ᱨᱚᱜᱷᱩᱱᱟᱛᱷ ᱢᱩᱨᱢᱩ ᱟᱜ ᱱᱚᱣᱟ
ᱜᱟᱭᱟᱱ ᱚᱞ ᱨᱮᱱᱟᱜ ᱡᱚᱥ ᱩᱱᱨᱮᱜᱮ ᱥᱟ.ᱨᱤᱜᱻᱟ ᱡᱚᱠᱷᱚᱡ ᱡᱟᱦᱟᱭ ᱯᱟᱲᱦᱟᱣ ᱠᱟᱛᱮ ᱫᱤᱱᱩ ᱞᱮᱠᱟᱱ ᱪᱩᱨᱤᱛ
ᱜᱚᱲᱦᱚᱱ ᱨᱮᱱᱟᱜ ᱠᱚ ᱨᱤᱠᱟ.ᱭᱟ ᱾
.webp)
.webp)
