ডৗন

 (হুডিঞ মাছা কৗহ্‌নি)

ডৗন

সিতেন মান্ডি

হলা দ কৗমি বাম হেচ লেন.দ সুরৗই বাবু? চেৎ ব্যপার, বুধবার হাট তাঁহে কানতে সে এটাঃ যাহা নাঃ? আডি ঘৗড়িচ্ ইঞ কয়ঃ কেৎ মেয়া। বাং মাষ্টার বাবু হাট হতেচ তেদ বাং আর এটাঃ যাহানাঃ হঁ বাং । হলা দ আলে আতু ষোলো আনা বাস্কে কওয়াঃ এম সুনুম সাকাম আতে বারুডি জলন অঝা ঠেন লে চালাও লেনা। বাং মা উনকু রেন মারাং বয়হা আডি দিন খনগে লাচ হৗসু ,কড়াম হৗসুয়েয়া। রান দয় জম এত গেয়া তবে অঝা রান গে বৗড়তি।.মিৎ ধাও ডাঃ কিস্কু  ঠেনে সেনলেনা ,ডাঃ কিস্কু দ লাচ, কড়াম রেনাঃ ফোটোয় মেতাদে তাঁহে । মেনখান ফোটো সে ডাক্তার ঠেন দসার ধাও দ বায় সেন আকানা ।

বাং মা উনি দ অড়াঃ সে ভাইয়াদরেন বঙ্গা গেক বৗড়িচআকাদেয়া। অনাতে রান মুরগৗন বায় সাব এদা।

মিৎ বার হড় দক মেনলেৎ গেয়া মারাং ঞঃ ডাক্তার দেখাঃ। মেন রুওয়ৗড় লেদাক অড়াঃ রেনাঃ মৗইলা বাম সাফালেখান অক ডাক্তার রান গে বায় কৗমিয়ৗ। বাম চালাঃ খান আতু হড়ক বাড় মেয়া। আতু রে তাঁহেন হুয়ুঃ আত মাষ্টার আপেদ বাজার রেপে তাঁহেনা ডৗন ভূত সে অঝা বাং পে পৗতিয়ৗও আক আ।

আম দ সুরৗই ? সুরৗই দ কৗমি জম হড়। যাও সেরমা গে হড়াঃ অড়াঃরে মুনিষে কৗমিয়া। অলঃ পাড়হাও দ একাল বায় বাড়ায়া অনকা দ বাং । সুরৗই এ মেন রুওয়ৗড় কেদা মাড়াং দ মাষ্টার আডি জোরিঞ পৗতিয়াঃ কান তাঁহেৎ ----নেতার দ সুরৗই চেদাঃবাম পৗতিয়াঃ কানা ? হেঁ মাষ্টার আপে কওয়াঃ আশিস তে ইঞিচ মারাং বাবু (সিরজন XI, মৗই মিরু IX ) স্কুল রে নাপায় গেকিন পাড়হাঃ কানা। বাজার কৗমি রুওয়ৗড় কাতে সিঙ্গৗড় দ গিদরৗ সুররে দুড়ুপ কাতে উনকিনাঃ পাড়াও কঞ আজম তৗকিনা। দিকুতে সে এটাঃ যাহানাঃ তে পাড়াও কদ  বৗঞ বুঝ রেহঁ আব সান্তাড় তে পাড়াও কদঞ বুঝ গেয়া আর আডি রৗস্কৗঞ আটকারা আবোয়াঃ রড় তেহঁ পাড়হাঃ গানঃ সে স্কুল রে পাড়হাঃ কানা ক গিদৗর। 

আদ মিৎ দিন মৗই এ পাড়হাঃ কানা "বিজ্ঞান রেনাঃ যুগ আর আবো" (ধীরেন্দ্র নাথ বাস্কে) "রুওয়ৗ হৗসু যখেজ্ সে হড়ম বারেক কে কৗহিল ইদিঃ কান রে খুঃ খুঃ তে মায়াম্ উলৗ লেখান সেদায় ডাক্তার ক আয় উমৗন কাতে রান ক এমঃ কান তাঁহে । উনকুয়াঃ আয় উমৗন কৗটিচ ভুল লেনখান রুগি ক.গুজুঃ কান তাঁহেন। আব হড় হপন দ অনাগে ড়ৗনে জমে কান মেন কাতেৎ অঝা সখা সে জানগুরু ঠেন বন চালাঃ কান তাঁহেন"। 

নিত নওয়া বিজ্ঞান যুগরেদ পরীক্ষা নিরীক্ষাU.SG ফোটো কাতেক ঞেলেদা রোগ রেনাঃ কারন ক পাঁজায়েদা অকা রান তে রুগি ক বেশঃ আ অনকানাঃ রান ক এমঃ কানা ।অনাতে আডি কুঠিন রুওয়ৗ খন হঁ রুগি ক বেশঃ কানা । আর  আব খান দ ডাক্তার ঠেন বাং ঞেল হচ কাতে অঝা, সখা ডৗন ব পাঁজায়েৎ কওয়াঃ ।

    .  

কিদুব দ যতক মিৎ তেলে জমা, উন অক্ত মৗই ইঞ কুলি কেদেয়া  ---হেঁ বিটি তবে ডৗন ভূত দ মেনাঃ কওয়াঃ সে বাং ? সাঁও সাঁওতে বাবুই মেন কেদা ডৗন নাঁজম মেনতে চিলি হঁ বৗনুঃ কওয়াঃ বাবা। নওয়া দ মুরুক মৗনমিয়াঃ আঁধা পৗতিয়ৗও, শশনঃ যুগ রে আব সমাজ রে ডৗন কাথা সে অনা চেতান পৗতিয়ৗও দহ দ আডি লাজাও আন কাথা বাবা। ইন হিলোঃ খন গে মাষ্টার ডৗন সে ভূত চেতান পৗতিয়ৗও দ একাল চাবা আকান তিঞৗ।

 মাষ্টার এ মেন রুওয়ৗড় কেদা আমরেন বানার গিদৗর হড় লেকাকিন হড়ঃ মা আর আমা মনে যেলেকা মারশাল আকানা অনকাগে সানাম মৗনমিয়াঃ.মনে যে হিলঃ মারশালঃ তাবনা ইন হিলঃখনগে আডি মারাং আজার খন ব বাঞ্চাঃ আ।