“আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্রৗ সাঁওহেদ্ বাখরা গিদৗর বৗউলি ‘চেরেচ্ আড়াং’ লেতাড় গে উছানঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com
তেহেঞাঃ আখড়ারে যাঁহায় কো সেলেদ্ আকান- ᱥᱩᱵᱩᱫᱤᱭᱟᱹ
ᱢᱩᱨᱢᱩ, ᱡᱟᱸᱫᱨᱮᱞ ᱵᱮᱥᱨᱟ , ᱠᱤᱥᱠᱤᱱᱫᱷᱟ
ᱢᱩᱨᱢᱩ, বাড়তাং সরেন, সমরলাল টুডু , সীতেন মাণ্ডি, সুরেন্দ্রনাথ হেম্ব্রম, দুগাই টুডু, দুলৗড়
বিটি।
ᱵᱤᱨ ᱰᱩᱨᱩ ᱛᱟᱞᱟ
ᱟᱰᱤ ᱨᱤᱞᱟᱹᱢᱟᱞᱟ।
ᱵᱟᱦᱟ ᱡᱚ ᱵᱤᱞᱤ
ᱟᱨᱚᱢ ᱠᱚᱭᱟ ᱪᱤᱞᱤ ?
ᱵᱤᱨ ᱵᱩᱨᱩ ᱱᱟᱞᱟ
ᱚᱱᱟ ᱛᱟᱞᱟ ᱢᱟᱞᱟ ᱾
ᱨᱟᱱ ᱨᱟᱹᱱᱩ ᱤᱛᱟᱹ
ᱟᱴᱮᱫ ᱢᱤᱢᱤᱫ ᱵᱤᱛᱟᱹ ᱾
ᱥᱟᱦᱟᱱ ᱥᱟᱠᱟᱢ ᱪᱟᱨᱮᱡᱽ
ᱢᱮᱱᱟᱜ ᱵᱩᱨᱩ ᱯᱮᱨᱮᱡᱽ ᱾
ᱦᱤᱸᱥᱤᱫ ᱦᱚᱭ ᱫᱟᱜ
ᱟᱜᱩᱭ ᱜᱮᱭᱟᱭ ᱦᱟᱸᱜ ᱾
ᱫᱷᱤᱨᱤ ᱫᱟᱨᱮᱹ ᱱᱟᱹᱲᱤ
ᱦᱤᱡᱩᱜ ᱥᱮᱨᱢᱟ ᱡᱟᱹᱲᱤ ᱾
ᱛᱟᱸᱦᱮᱱ ᱡᱩᱫᱤ ᱯᱮᱨᱮᱡᱽ
ᱦᱟᱴᱟᱜ ᱛᱮᱭᱮ ᱟᱨᱮᱡᱽ ᱾
ᱦᱚᱭ ᱞᱚᱞᱚ ᱦᱚᱭᱚᱝ
ᱢᱚᱡ ᱜᱮᱭᱟᱭ ᱞᱚᱭᱚᱝ ᱿
ᱯᱟᱨᱚᱢᱮᱱᱟ ᱫᱟᱸᱥᱟᱭ
ᱥᱮᱴᱮᱨᱮᱱᱟ ᱥᱚᱦᱚᱨᱟᱭ,
ᱟᱞᱚᱥᱮᱱᱟᱢ ᱫᱟᱸᱲᱟᱭ
ᱥᱮᱨᱮᱧᱢᱮᱱᱟ ᱥᱚᱦᱚᱨᱟᱭ ᱾
ᱵᱟᱸᱫᱮ ᱯᱟᱹᱧᱪᱤ ᱠᱷᱟᱸᱹᱰᱤ
ᱵᱚᱦᱚᱜ ᱯᱷᱤᱛᱟᱹ ᱟᱹᱰᱤ,
ᱧᱮᱞᱚᱜᱠᱟ ᱱᱟ ᱢ ᱰᱷᱸᱹᱜᱤ
ᱮᱱᱮᱪᱜᱮᱭᱟ ᱢ ᱵᱷᱟᱹᱜᱤ ᱾
ᱥᱟᱰᱮ ᱡᱟᱸᱦᱟ ᱰᱷᱩᱝᱼᱰᱷᱩᱝ
ᱨᱩᱼᱟᱹᱢᱟᱹᱧ ᱦᱩᱠᱩᱲ ᱠᱩᱸᱰᱩᱝ,
ᱞᱩᱦᱩᱠᱢᱮᱱᱟ ᱠᱩᱲᱪᱩᱝ,
ᱦᱤᱞᱟᱹᱣᱢᱮ ᱛᱤ ᱩᱪᱩᱝ ᱾
ᱦᱤᱞᱟᱹᱣᱦᱚᱸᱛᱟᱢ ᱛᱟᱞᱼᱛᱟᱞ
ᱧᱚᱦᱚᱲ ᱥᱮᱨᱮᱧ ᱨᱟᱣᱭᱟᱞ,
ᱴᱤᱭᱟᱹᱞᱼᱴᱤᱭᱟᱹᱞ ᱦᱟᱦᱟᱞ
ᱨᱟᱹᱥᱠᱟᱹ ᱵᱟᱝᱜᱮᱢ ᱥᱟᱢᱟᱞ ᱾
======= ᱞ ᱧ =======
ᱚᱲᱟᱜ ᱵᱟᱦᱨᱮ ᱩᱭᱩᱝ ᱧᱮᱞᱟᱧ
ᱚᱠᱟᱨᱮ ᱪᱮᱫ ᱦᱮᱱᱟᱜ,
ᱥᱟᱹᱸᱜᱷᱟᱨ ᱧᱮᱞᱟ ᱫᱮᱥ ᱫᱤᱥᱚᱢ
ᱪᱮᱫᱟ ᱵᱟᱲᱟᱭ ᱛᱮᱱᱟᱜ ᱾
ᱦᱚᱲ ᱦᱚᱯᱱᱟᱜ ᱦᱚᱨᱚᱜ ᱵᱟᱸᱫᱮ
ᱥᱤᱵᱤᱞ ᱨᱚᱲ ᱟᱲᱟᱝ ,
ᱡᱚᱢ ᱧᱩᱭᱟᱜ ᱡᱟᱸᱫᱮ ᱛᱟᱸᱫᱮ
ᱪᱟᱠᱷᱟ ᱵᱤᱰᱟᱹᱣ ᱢᱟᱲᱟᱝ ᱾
ᱫᱟᱭᱟ ᱫᱩᱞᱟᱹᱲ ᱥᱟᱨᱤᱥᱮ ᱱᱟᱥᱮ
ᱦᱮᱱᱟᱜ ᱮᱯᱮᱢ ᱨᱮᱜᱮ ,
ᱯᱟᱱᱛᱮ ᱧᱮᱞᱟ ᱫᱷᱟᱨᱛᱤ ᱜᱮᱥᱮ
ᱛᱩᱱᱩᱢ ᱧᱮᱞᱟ ᱡᱟᱜᱮ ᱾
ᱵᱩᱜᱤ ᱵᱟᱲᱤᱡ ᱨᱟᱹᱥᱠᱟᱹ ᱥᱟᱞᱟᱜ
ᱟᱛᱟᱝ ᱫᱟᱨᱟᱢ ᱠᱟᱜ-ᱟ,
ᱦᱚᱲ ᱦᱚᱯᱚᱱ ᱢᱟᱱᱢᱤ ᱥᱟᱞᱟᱜ
ᱩᱨᱩᱢ ᱫᱚᱦᱚ ᱠᱚᱜ-ᱟ ᱾
ᱫᱷᱩᱲᱤ ᱫᱷᱟᱨᱛᱤ ᱢᱚᱱᱪᱽᱯᱩᱨᱤᱨᱮ
ᱪᱮᱫᱛᱮ ᱛᱚᱯᱚᱞ ᱢᱮᱱᱟᱜ ,
ᱨᱚᱲ ᱠᱷᱚᱱ ᱦᱚ ᱥᱤᱵᱤᱞ ᱫᱚᱨᱮ
ᱧᱮᱞᱟᱧ ᱪᱮᱫ ᱦᱮᱱᱟᱜ ᱾
ᱵᱟᱹᱧ ᱛᱟᱦᱮᱸᱱ ᱫᱩᱲᱩᱵ ᱠᱟᱛᱮ
ᱚᱲᱟᱜ ᱫᱩᱭᱟᱨ ᱛᱟᱞᱟ,
ᱫᱟᱭᱟ ᱫᱩᱞᱟᱹᱲ ᱛᱚᱞᱟᱥ ᱠᱟᱛᱮ
ᱦᱟᱯᱮ ᱯᱟᱨᱤᱧ ᱧᱮᱞᱟ ᱾
======= ᱞ ᱧ =======
চেচেৎ রেনাঃ উমের বানু্ঃ
চেচেৎ সানাম ঘাড়িচ্
সানাম কোঠেন চেচেৎ গানোঃ
মারাঙ হুডিঞ কাটিচ্ ।
হুডিঞ হুডিঞ মুচ্ ঠেন খন
আয়মা আডিঞ সেড়ায়
গাতে গাপাতে মিৎ সাঁওতে
গোটা গেকো দাঁড়ায় ।
লাটু লাটু বাখোল তাকো
মিৎ তেগেকো তেয়ার
তাহেনাকো মিৎ সাঁওতে
ললো সিতুঙ রেয়াড়।
যাহাকোরে ঞাম লেখানে
যাহায় দ ঠাবু জাঙ
আতো অড়াঃ সেটের কাতেঃ
লায় আকোয়ায় মাড়াঙ ।
সেনঃ আকো সানাম কতে
ঠাবু আগুয় লাগিৎ
ঠেলাও আকো, গেমের আকো
একাল আডি জুমিৎ ।
অনকা তেগে সেটেরাকো
অড়াঃ ভিতার ঠাবু
সানাম গেকো হাটিঞ জঙা
হিঙসা বানু্ঃ তাকু ।
অড়াঃ দুয়ার রাপুৎ লাগিৎ
যাহায় যুদিয় সেটের
জুমিৎ কাতেঃ সানামকোতে
ছুটাঃ আকো গেগের ।
লেলহা হড়বো হাতাও লেখান
নণ্ডে খনাঙ সেচেৎ
তাড়াম ডাহার নাপায় হরা
একাল বাবোন কেচেৎ ।
======= ᱞ ᱧ =======
আলেদ গিদরা হেঁদেগে হড়মো
ধুড়িরে ধুইলা পায়লা,
চেতান্ হড়মোগে সিড়ির্ গাড়ির্
বানুঃআ মনেরে মাইলা ।
পুন্ডিত আলেরেন্ এঁগাঞ আপুঞ
বাংক তাঁহেকান্ মুরুক্,
বানুঃআ কলেজ্ রেনাং ডিগরি
লাতার্ গুচু
তুড়ুক্ ।
কাটিজ্ খনগে কেটেজ্ তাকমা
গিদরা জিউই হড়ম্,
তবেই খানগে পালন্ কেয়াম্
আয়ো বাবাওয়াঃ ধরম ।
আয়ো বাবাক বাডায়্ তাঁহেৎ্
হড়মোগে আমাং ধনদ,
নিরড়্ নিফুট্ হড়মগে আমাং
বাইসাঃ কামিরে মনদ ।
দাঃরেদ খেলোড্ বাংক মানামে
সারদি নিরন সিতুম্,
হাপেন্ নাপায়্ তাঁহেন্ লাগিৎ
ডাঁগরা লেকাক ইতুম্ ।
কাটিজ্ অকত রাবাং দিনদ
হড়ম্ আলেয়াঃ উঁড়দুম্,
সেতাঃ খনগে দাইড়্ বাড়ায়লে
কামিরে উঁড়দুম্ সুড়দুম্ ।
জাঁগারে বাংলে হরগেৎ্ তাঁহেন্
পানাহি চপ্পল্ এমান্,
রুঁবড়ু ধিরিলে লেবেদ্ লটম্
সিতুং রাবাং সমান্ ।
নিতং ঞেঁলকম্ শিখনাত্ মানমি
গিদরা জিউইক শাসেৎ্,
রাসকা উমেররে ইতুনক পাঠাওয়েৎক
বেনাওয়েৎকক গাধাগে পাসেৎ ?
ডিড়মি লেকাগে হাপেনে আরজাও
অড়াঃ সাড়ের্ গারগাদলাঃ,
অনকা উইহার্ উইহারতেগে পালেন্
আয়ো বাবাক চাঁদলাঃ ।
অকত রেনাং কামিদ পালেন্
অকত রেগে নাপায়া,
গাপা রেনাং তেহেঁঞদ আলগে
তেহেঁঞাঃদ আলম্ গাপায়া ।
======= ᱞ
ᱧ =======
বাং বুঝ তে রড়
লাঁদায়াক হড়।
গাতে শালাঃ আম
পাতিয়াও দহয় তাম।
সেতাঃ বেরেৎ হেওয়া
নাপায় জিয়ন টোওয়া।
নিতাঃ নিত করাও
পরেনাঃ পরেম অরাও।
মনে মনে গুড় জম
কামি বেগর আশ কম।
হিজুঃ সুখাল আগাম
আলম থির তাড়াম।
আম রেগে হেনাঃ সাগুন
রাবাং তায়নম ফাগুন।
তি জাঙ্গা হড় ম আমাঃ
কামি তেদ বাং লাঙ্গাঃ।
উসুঃ আসকেৎ
আড়িশ
থাকাও মনে কাঁহিস।
লেতাড় গে কামি রে ধুরাও
মনে রিহিট আশে পুরাও।
======= ᱞ
ᱧ =======
মিৎ
এ
তাঁহে কানা রাজ,
সেতাঃ খন জজয় চপজ ।
জজ
চপজ
চপজ
ঠাঃ
ঞাম
কেদেয়া অৗছিম ,
মৗরদয় লাগা ক গুড্ গুডৗউ আতে সিম ।
হড়
ক
লৗইয়া রাজ দয় খেপা কংকা য়েনা,
অনা
তেগে বায় আঁজম এদা অকয়াঃহঁ মানা।
রৗগিতে গারজাও আতে চৗড়ুব চৗড়ুব এ দন ,
রাঃ
আতেয় ককয় দাঃ ইমৗঞ পে দেন ।
রাজ
কাথা অকয় বাংক বুঝৗউ ,
রৗগিতে মৗর আদো দেয়াতায়ে চুরৗউ ।
======= ᱞ ᱧ =======
ঞুতুম তায়দ বাগুদ মাঝি
বাডায় গেকো হানে,
আপাত কানে বুনার মাঝি
লাই গেয়াকো অনে।
জানাম আতো খাজুরী গেথ
আফজলপুর দ থানা,
বীরভূমজিলা রেগে অনা
একাল্ পাড়াঃ অনা।
হেঁদে মাঁছা হড়গে উনি
ঞেলতে তাঁহেকান গেয়া,
৩৯ সেরমা লেকা উমের
উনরে হুয়লেন তায়া।
সিধু কানু হুল রেদ
উনিয় সেলেদ্ এনে,
আঃসার সাব আর লুটপাট বাবত
ইংরেজ ঠেন পাকড়াও লেনে।
বীরভূম জিলা জজ সাহেব গে
উনরে বিচার কেদে,
মঁড়ে সেরমা জেহেল লাগিৎ
হুকুম এমা লেদে।
দিশম সেবা জাতি দুলাড়
সদর লেৎতে আদ,
উনখন গে সান্তাড় কদ
উইহার ইদিয় আদ।
======= ᱞ
ᱧ =======
হৗতি লেকান সৗরি সহরায়
মাসে ঞেল্ ঞেল্তে বলয়েন,
পাঁঞ্চি শৗড়ি বাঁদে আতেৎ
মারাং দৗইএ সহর সেটেরেন।
গৗই ডৗংরি চুমৗড় চুমৗড়
চাষ হোড়ো দিশৗ কাতেৎ,
আয়ো তেকো সেরেঞ দুরৗং
পাঁঞ্চি শৗড়ি বাঁদে আতেৎ।
চেতান কুলহি লাতার কুলহি
তুমদৗ টামাক সাডে কানা।
পাঁঞ্চি শৗড়ি বাঁদে কাতেৎ
ইঞহঁ সৗরি কুলহিঞ দাঁড়ানা।
======= মুচৗৎ =======
.webp)
.webp)
.webp)
