সিঁগি মাহা রেনাঃ সাকাম ‘চেরেচ্ আড়াং’ লেখা- ১৮২

 

“আবোওয়াঃ কাথা”  ডিজিটাল ডেস্ক রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড় গে উছানঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com     

 

তেহেঞাঃ আখড়ারে যাঁহায় কো সেলেদ্‌ আকান-  ᱥᱩᱵᱩᱫᱤᱭᱟᱹ ᱢᱩᱨᱢᱩ, ᱡᱟᱸᱫᱨᱮᱞ ᱵᱮᱥᱨᱟ , ᱠᱤᱥᱠᱤᱱᱫᱷᱟ  ᱢᱩᱨᱢᱩ, বাড়তাং সরেন, সীতেন মাণ্ডি, সুরেন্দ্রনাথ হেম্ব্রম, সমরলাল টুডু , সনৎ কুমার হাঁসদাঃ, দুগাই টুডু ।

  

১।।

ᱪᱟᱜ

ᱥᱩᱵᱩᱫᱤᱭᱟᱹ ᱢᱩᱨᱢᱩ

ᱨᱤᱢᱤᱞ        ᱥᱟᱰᱮᱹ
          ᱠᱟᱜ ।
ᱦᱤᱡᱩᱜ      ᱡᱩᱠᱷᱟᱹᱱ
           ᱫᱟᱜ ।
ᱥᱤᱢ           ᱢᱮᱨᱚᱢ
         ᱨᱟᱜ ।
ᱟᱸᱡᱚᱢ       ᱦᱤᱡᱩᱜ
           ᱪᱟᱜ ?

ᱡᱷᱤᱯᱤᱨ      ᱡᱟᱹᱲᱤ
              ᱫᱟᱜ ।
ᱨᱟᱪᱟᱭ        ᱯᱮᱴᱮᱡ
              ᱠᱟᱜ ।
ᱯᱮᱴᱮᱡ         ᱠᱟᱸᱰᱟ
             ᱫᱟᱜ ।
ᱵᱟᱪᱚᱭ         ᱛᱟᱸᱦᱮᱱ
               ᱪᱟᱜ ?

======== ᱞ ᱧ ========

২।।

ᱥᱚᱦᱚᱨᱟ ᱭ

ᱡᱟᱸᱫᱨᱮᱞ ᱵᱮᱥᱨᱟ

 

ᱯᱟᱨᱚᱢᱮᱱᱟ ᱫᱟᱸᱥᱟᱭ

ᱥᱮᱴᱮᱨᱮᱱᱟ ᱥᱚᱦᱚᱨᱟᱭ,

ᱟ ᱞᱚᱥᱮᱱᱟᱢ ᱫᱟᱸᱲᱟᱭ

ᱥᱮᱨᱮᱧᱢᱮᱱᱟ ᱥᱚᱦᱚᱨᱟᱭ ᱾

 

ᱵᱟᱸᱫᱮ ᱯᱟᱹᱧᱪᱤ ᱠᱷᱟᱸᱹᱰᱤ

ᱵᱚᱦᱚᱜ ᱯᱷᱤᱛᱟᱹ ᱟᱹᱰᱤ,

ᱧᱮᱞᱚᱜᱠᱟᱱᱟᱢ ᱰᱷᱸᱹᱜᱤ

ᱮᱱᱮᱪᱜᱮᱭᱟᱢ ᱵᱷᱟᱹᱜᱤ ᱾

 

ᱥᱟᱰᱮ ᱡᱟᱸᱦᱟ ᱰᱷᱩᱝᱼᱰᱷᱩᱝ

ᱨᱩᱼᱟᱹᱢᱟᱹᱧ ᱦᱩᱠᱩᱲ ᱠᱩᱸᱰᱩᱝ,

ᱞᱩᱦᱩᱠᱢᱮᱱᱟ ᱠᱩᱲᱪᱩᱝ,

ᱦᱤᱞᱟᱹᱣᱢᱮ ᱛᱤ ᱩᱪᱩᱝ ᱾

 

ᱦᱤᱞᱟᱹᱣᱦᱚᱸᱛᱟᱢ ᱛᱟᱞᱼᱛᱟᱞ

ᱧᱚᱦᱚᱲ ᱥᱮᱨᱮᱧ ᱨᱟᱣᱭᱟᱞ,

ᱴᱤᱭᱟᱹᱞᱼᱴᱤᱭᱟᱹᱞ ᱦᱟᱦᱟᱞ

ᱨᱟᱹᱥᱠᱟᱹ ᱵᱟᱝᱜᱮᱢ ᱥᱟᱢᱟᱞ ᱾

======== ᱞ ᱧ ========

৩।।

ᱥᱟᱫᱚᱜ

ᱠᱤᱥᱠᱤᱱᱫᱷᱟ  ᱢᱩᱨᱢᱩ

  

ᱚᱲᱟᱜ ᱵᱟᱦᱨᱮ ᱩᱭᱩᱝ ᱧᱮᱞᱟᱧ

       ᱚᱠᱟᱨᱮ ᱪᱮᱫ ᱦᱮᱱᱟᱜ,

ᱥᱟᱹᱸᱜᱷᱟᱨ  ᱧᱮᱞᱟ ᱫᱮᱥ ᱫᱤᱥᱚᱢ

    ᱪᱮᱫᱟ ᱵᱟᱲᱟᱭ ᱛᱮᱱᱟᱜ  ᱾

 

ᱦᱚᱲ ᱦᱚᱯᱱᱟᱜ ᱦᱚᱨᱚᱜ ᱵᱟᱸᱫᱮ

         ᱥᱤᱵᱤᱞ ᱨᱚᱲ ᱟᱲᱟᱝ ,

    ᱡᱚᱢ ᱧᱩᱭᱟᱜ ᱡᱟᱸᱫᱮ ᱛᱟᱸᱫᱮ

  ᱪᱟᱠᱷᱟ ᱵᱤᱰᱟᱹᱣ ᱢᱟᱲᱟᱝ  ᱾

 

ᱫᱟᱭᱟ ᱫᱩᱞᱟᱹᱲ ᱥᱟᱨᱤᱥᱮ ᱱᱟᱥᱮ

     ᱦᱮᱱᱟᱜ ᱮᱯᱮᱢ ᱨᱮᱜᱮ ,

ᱯᱟᱱᱛᱮ ᱧᱮᱞᱟ ᱫᱷᱟᱨᱛᱤ ᱜᱮᱥᱮ

    ᱛᱩᱱᱩᱢ ᱧᱮᱞᱟ ᱡᱟᱜᱮ ᱾

 

ᱵᱩᱜᱤ ᱵᱟᱲᱤᱡ ᱨᱟᱹᱥᱠᱟᱹ ᱥᱟ ᱞᱟᱜ

   ᱟ ᱛᱟᱝ ᱫᱟᱨᱟᱢ ᱠᱟᱜ-ᱟ,

ᱦᱚᱲ ᱦᱚᱯᱚᱱ ᱢᱟᱱᱢᱤ ᱥᱟ ᱞᱟᱜ

       ᱩᱨᱩᱢ ᱫᱚᱦᱚ ᱠᱚᱜ-ᱟ ᱾

 

ᱫᱷᱩᱲᱤ ᱫᱷᱟᱨᱛᱤ ᱢᱚᱱᱪᱽᱯᱩᱨᱤᱨᱮ

    ᱪᱮᱫᱛᱮ ᱛᱚᱯᱚᱞ ᱢᱮᱱᱟ ᱜ ,

ᱨᱚᱲ ᱠᱷᱚᱱ ᱦᱚ ᱥᱤᱵᱤᱞ ᱫᱚᱨᱮ

        ᱧᱮᱞᱟᱧ ᱪᱮᱫ ᱦᱮᱱᱟ ᱜ  ᱾

 

ᱵᱟᱹᱧ ᱛᱟᱦᱮᱸᱱ ᱫᱩᱲᱩᱵ ᱠᱟᱛᱮ

        ᱚᱲᱟᱜ ᱫᱩᱭᱟᱨ ᱛᱟᱞᱟ,

ᱫᱟᱭᱟ ᱫᱩᱞᱟᱹᱲ ᱛᱚᱞᱟᱥ ᱠᱟᱛᱮ

         ᱦᱟᱯᱮ ᱯᱟᱨᱤᱧ ᱧᱮᱞᱟ  ᱾

======== ᱞ ᱧ ========

৪।।

সনত দিশম

বাড়তাঙ সরেন 

 

আবো দিশম দ মজ দিশম 

আবো দিশম দ নাপায় দিশম

আবো দিশম দ ভারত দিশম।

 

নণ্ডে মেনাঃবনা শিখ ইসলাম সারিধরম

নণ্ডে মেনাঃবনা সারনা আতে হিন্দুধরম

বৌদ্ধ মেনাঃ তাবোন ইসাই ধরম।

 

আবো দিশমরে বীরবুরু দারেনাড়ী

গাডা সডঃ ঞেলঃ আলাক জাড়ি

আবো দিশমরে দ সেরমা জাড়ি ।

 

বাইহাড়রে লেগেজ লেগেজ হুড়ুগেলে

বাহা চেতানরে ঞেলেতেরম মেলে মেলে

চাচু গিদরা কাথায় হালে বালে।

 

আবো দিশমরে নানা হুনার পরবপালি

মেনাঃ তাবোন আয়মা লেকান আরিচালি

হরঃ বাঁন্দে তাবোন ঝুপুর জুলি।

 

মেনাঃ তাবোনা নানা হুনার পারসী

রড়ে বেনাও তাবোন জাত রেনাঃ আরসী

সারি হরে উদুক তাবোন আদিবাসী ।

 

মেনাঃবনা মালা লেকা গুতু গালাঙ

মিৎ রাড়তে সেরেঞ আবোন জুমিৎ আড়াঙ

ঞুতরে বাবুন তাহেন আর কাড়াঙ কাড়াঙ।

 

আবো দিশম দ নিরাই দিশম

আবো দিশম দ সনত দিশম

আবো ভারত দিশম সরেশ দিশম।

 

তাহেন রেহ এটকেটড়ে রেঙ্গেচ তেতাঙ 

তাহেন রেহ বুগি বাড়িচ উকু দানাঙ

ইঞদঞ কুশিয়াঃআ দিশম আড়াঙ।

======88======

৫।।

গেয়ান মুরাই

সীতেন মাণ্ডি

 

চট চাঁদ লিখন

মানমি রুপ্ গড়হন।

এড়ে কাথা দ কাই

সারি সিবিল সাগাই।

 

গ বাবা মানত জহার

সেচেৎ মারশাল ডাহার।

আম রেগে আমাঃ মজ্

আথাওড়ি আলম অজ্।

 

ধারতি রিলা মালা

এপেম দুলাড় তালা।

কাইজা খাপারি তাপাম

সুলুক নিরাই ভেগারাম।

 

মিৎ হরতে তাড়াম

বাঞ্চাঃ দাড়ে ঞামাম।

অকা বাম দাড়েঃ

করাও মে বারে বারে।

 

যাঁহা রেগে ঠাকেদ্

অনারেগে চেচেদ্।

পতব দ গেয়ান মুরাই

এমামায় হক আইদার।

======88======

৬।। 

হুনৗর সাতাম বৗউলি

সুরেন্দ্রনাথ হেমব্রম

 

অটাং বাড়ায় রিমিল

ঞেলঃ কানা হামাল,

বিরবুরুরে নাঁড়গোন ঝমর দাঃ জৗড়ি

কয়োঃ আকাদায় রেহেদ বৗনুঃ আলাক জৗড়ি |

 

উডৗব কানা ক চেঁড়ে

থিয়ৗথাপে অত্ রে গেডে,

মালা পতাম  কুকু ডুবুর

গাজাড়রে গুঁডরিয় ডুর |

 

হৗজুঃ কানা অনে সিতুং

অৗগু কাতে লল এলাং,

হড় এ তাসে য়েদ তিকি হুড়ু

রৗসকৗঃ কানায় রেঁগেজ গুড়ু |

 

হয়তে হিলৗব সাঁগে দারে

তিঁগু আকান থারে থারে,

রিলৗমালা তেতেৎ সাচারহেয় সেরেঞ

মিৎমনে তে পুঁড কঁঃ ক অৗতিঞ |

======88======

৭।।

আমাঃ  ধনদ

সমরলাল টুডু

 

গাইক   আতিঞ    টাঁনডি   টিকুর্

বাইদ্  বাইহাড়রে  আবাদ্,

সানতাড়্   হপন্    কামিক   চালাআ

বদ্দমান্  বকারো  ধানবাদ   ।

 

গট্    খনাং    ছুডার্    কাতেৎ

জুঁবড়ি   কুইলি   গাইদ,

হুড়ুই    জমেৎ   হড়গে    বানুঃক

অকয়্   আদয়্   লাইদ   ।

 

কামিয়া  হড়দ  কানাম্  দারমট্

কামিক  আমাং  নাপায়্,

আমাং  ধনদ  হড়ক  জমেদ্

আমদ  হড়াঃএম্ উপায়্  ।

 

হড়ঠেন্  কামিদ  আসকেৎ  বানুঃআ

সেতাঃ  খনাং  আয়ুব্,

গাজাড়  বিররে  আয়ুব্  ঞুঁহুম্

বতর্  সুঁয়ুব্  সুঁয়ুব্  ।

 

গিদার্  পিদার্  সংগে  কাতেদ্

হাহাল্  কাকাল্  নামাল্,

আদম্  লাইয়া  আমদ  সানতাড়্

সংসার্  আডিগে  হামাল্  ।

 

আতুরেগে  আমদ  আদিম্,  জুদিম্

কামিকে  অকতরে  আমাং,

নংকানাঃ  দিনদ  অহগে  সেটেরকঃ

তেহেঞ  আমাঃ  সামাং  ।

 

অলঃরে  আমাং  অনহেলা  ঞেঁলতে

জুঁবড়ি  ছাতিক্  জাতিক,

আমাং  আবাদরে  ভাগক  বাইসাওয়েৎ

ডুগিয়েৎক  অলঃ  বাতিক  ।

 

ঞেঁঞেঁল্  কানাপে  খেরোওয়াল্  আপেদ

এনতে  রেহঁত  কাঁড়া,

চাকরি  বাকরিরে  আপেয়াঃ  ঠাঁওরে

ছাতিক্  আপেরেন্  পেড়া  ।

 

হড়ঠেনগে  নিতহঁ  আমদ  মুরুখ্

লাচ্  দেয়াদম্  লাদেয়্,

ঘাঁরঞ্জ  সাঁওতে  সমাজ্  বাড়েম্

লেবদা  জাঁদে  তাঁদেয়্  ।

 

সানাম্  গিদরা  ইতুন্  আশড়াতে

দেবন্  পাঠাওক  নেসগে,

সানাম্  আবাদ্  খনাং  সরেস্

আপনার্  খেতরে  চাষগে  ।

======88======

৮।।

বুলুং

সনৎ কুমার হাঁসদাঃ

            ঞেলতে মাসে পুঁড় - পুঁড় গে
                                গুন দ আডি আনা!
            বুলুং বাং তে সিবিল বানুঃ
                                জজম বাচ সানা।

             নাসে নাঃ এম বাড়তি লেখান
                                জমাম অকা লেকা,
              হিড়িং লেখান সাবাগঃ আ,
                                 ইসিন উতু দাকা!

               জানাম আমাঃ দরয়া দাঃ রে,
                                 ঠাঁও দ সানাম কঁড়।
                জম ঞু যুখান আবদার আক
                                 জীব জীয়ৗলি, হড়।

                 দাঃ খনগে জানাম আমাঃ
                                  দাঃ খাতিরেম গুজুঃ!
                   ঞেলতে আমদ সাদা সিধৗ
                                  কামি রেগেম বুজুঃ!

                  মানমি তালা আমাঃ গনং
                                 মেনাঃ আডি বাড়তি।
                   সানাম কগে বুলুং লেকা,
                                  তাহেঁন আডি লাগতি।

======88======

৯।।

ধুনায় মাঝি

দুগাই টুডু

 

ধুনায় মাঝি ঞুতুম গেচো

   বাডায় গেকো সারি,

আপাত তায়দ কোদয়ে মাঝি

     মেনকো সানাম পারি।

 

জানাম আতো লেয়নো বোনা

    আফজলপুর দ থানা,

বীরভূম জিলা রেদ ভালা

    অঁডে পাড়াঃ অনা।

 

হড়ম রংদ হেঁদে ধারা

     পেয়ায় সিকা লেনা,

দেয়া রেগে ঘাও রেয়াঃগে

     চিনহা তাঁহে কানা।

 

সিধু কানু হুলরে উনদ

   আচহঁ সেলেৎ এনে,

হাতয়ার আর আঃসার সাব লেৎতে

    ইংরেজ ঠেন পাকড়াও লেনে।

 

বীরভূমজিলা জজ সাহেবগে

     আদয় বিচার কেদে,

মঁড়ে সেরমা লাগিৎ উনি

     উনকো হাজত লেদে।

 

বীরবান্টা উনরে দিলগার কামি

    সদর লেৎ তায়া,

উনখন গেথ সান্তাড় কদ

    বেবাক কো দিসায়েয়া।

          

 ====== মুচৗৎ ======