.webp)
আবোওয়াঃ কাথা ডিজিটাল ডেস্ক- যাও সেরমা লেকাগে নেশহঁ
সনত্ তারাস ক্লাব আঃ সৗহিজুহিতে পুরুলিয়া জেলা রেনাঃ আড়ষা থানারে মেনাঃ কান্টাডি হাই
স্কুলরে দাঁশায় ছুটি লাসাড়হেৎ গেল আর গেল বার চানাচ রেন রেঁগেচ্-নাচার আদিবাসী পৗঠুওয়ৗ
গিদৗর কো লৗগিৎ ফ্রি কোচিং ক্যাম্প রেনাঃ এ বন্দেজ কেদা। তেহেঞ ১০ অক্টোবর’২৪ সেতাঃ
বেড়া মিৎ লাকচার আখড়া তালাতে কোচিং ক্যাম্প কো উঢৗও কেদা। উঢৗও কেদায় অনা স্কুল্র রেনগে
মারাং মাচেৎ মানতান প্রিয় মন্ডল।
উঢৗও আখড়ারে নেঁওতা পেড়া লেকাতে সেটের এ তাঁহেকানা আদিবাসি
দরদিয়ৗ মানতান ডঃ জলধর কর্মকার। অনা বেগর ক্লাব রেন গৗখুড়িয়ৗ আর মাচেৎ লেকাতে সেটের
কো তাঁহেকানা প্রফেশর মানতান গনেশ হেম্ব্রম, প্রফেশর মানতান শত্রুঘ্ন টুডু,মাচেৎ মানতান
বীরসিং হেম্ব্রম, মাচেৎ মানতান সীতেন মান্ডি আর মাচেৎ মানতান শোভা টুডু এমান গোমকেকো।
.webp)
বাডায় আকানা নেশ আঃ কোচিং ক্যাম্পরে গেল চানাচ রেন ৫০ গটাং
আর গেলবার চানাচ রেন ৫০ গটাং পৗঠুওয়ৗ কড়া গিদৗর আর কুড়ি গিদৗ্র নোওয়া কোচিং রেনাঃ দাওকো
হাতাও এদা। নোওয়া ক্যাম্প লেতাড়গে চালাঃ আ দারায় কান ২৯ অক্টোবর’২৪ হৗবিচ্।
আরহঁ বাডায় য়েনা বাংমা সনত্ তারাস ক্লাবদ জানাম তায়ম দারাম
খন মিৎ লেতাড় গে সাঁওতা রেন পৗঠুওয়ৗ গিদৗর কো ইদিকাতেৎ নানাহুনৗর এ কৗমি আগুয়েদা। অনা
বেগর বেকার যুওয়ৗন কো লৗগিৎ উইহৗর ভাবনা, রেঁগেচ্-নাচার হড় লৗগিৎ অক্তমাছা গেঁদাঃকম্বল
দান, আদিবাসী্যাঃ ঞুম আনাঃ মাহাকো, ফুরগৗ্ল মাহা সাঁওতে হুলগৗরিয়ৗ আর অনলিয়ৗ কোওয়াঃ
জানাম মাহায় মানাও আগুয়েদা।
ক্লাব রেন সুৎরেৎ মানতান ঠাকুরদাস সরেন গোমকেয় লৗই তরা কেদা
বাংমা অলঃপাড়হাও সে শিখনৗৎ গে সমাজে আরুফেরাও দাড়েয়াঃআ।অনাতে ক্লাব রেনাঃ মুড়ুৎ যশ
গে কানা সাঁগে খন সাঁগে গিদৗর অলঃপাড়হাও কো সেঁড়ায় মা।
মুচৗৎরে ক্লাব রেন পারসেৎ মানতান কালিদাস হেম্ব্রম গোমকে সেটের
লেন সানাম পৗঠুওয়ৗকো,মাচেৎকো সাঁওতে পেড়াকো, ক্লাব পাহটা খন গুনমান সারহাও এ চাল আৎ
কোওয়া।
.webp)
.webp)
.webp)
