সাঁওহেদিয়ৗ ডঃ ডোমান সাহু "সমীর" আঃ জানাম শায় সেরমা মানাওয়েনা খেরওয়ালডিরে

 

আবোওয়াঃ কাথা ডিজিটাল ডেক্সঃ-   ১৬ জুন’২৪ হিলোঃ সাঁওহেদেয়ৗ ডাঃ ডোমান সাহু "সমীর " আঃ জানাম শায় সেরমা মানাও আখড়া সাপড়াও লেনা পুরুলিয়ৗ জেলা রেনাঃ বান্দোয়ান জাপাঃ খেরওয়ালডিরে।  সৗহিজুহিরে তাঁহেলেনাকো সানতালি লিটারেরি ফোরাম (পুরুলিয়ৗ), "সিলি " আর "জুমিৎ আড়াং" পাথাম রেন ঘাঁরজিয়ৗ কো। 

       

  আখড়ারে মারাং পেড়া লেকাতে তাহেঁ কানায় দিল্লী সাহিত্য একাদেমি শিরপৗ হামেটিয়ৗ  অনলিয়ৗ  মানতান বাদল হেমব্রম।  মৗনান পেড়া লেকাতে সেটের কো তাঁহেকানা অনড়হিয়ৗ কাজলি সরেন, মানতান ডাঃ অসিত সরেন, মানতান সারদা প্রসাদ কিসকু (খে.বৗ. ),মানতান কলেন্দ্রনাথ মান্ডি, মানতান দুর্গাদাস সরেন, মানতান গঙ্গাধর মুরমু,  প্রফেসর শ্রীপতি টুডু, প্রফেসর পাপিয়া মানডি, প্রফেসর তনুশ্রী হাঁসদাঃ, প্রফেসর শ্যামচরণ হেমব্রম, মানতান রবীন্দ্রনাথ হেমব্রম,  মানতিয়ৗ মালতি হেমব্রম, মানতিয়ৗ সোহাগি  হেমব্রম, আর মানতিয়ৗ রেনুকা সরেন।

       

আখড়ারে সেটের লেন সানাম ক আতাং দারাম কেৎ কোওযায় সিলি পাথাম রেন সাসাপড়াওয়িচ্  মানতান সুরেন্দ্রনাথ মানডি। আখড়ারে উডহৗউ সেরেঞ কেদায় মানতান পরমেশ্বর হাঁসদাঃ। অনা তায়নম সাঁওহেদিয়ৗ আঃ জিয়ন কাথা আর সানতালি সাঁওহেৎরে উনিয়াঃ এনেম লৗইতে গালমারাও হোয়েনা।  সাঁওতে সেরেঞ আর অনড়হেঁ বাঁখেড়। সেরেঞ আঁড়তি কেদা রুশিকা পরমেশ্বর হাঁসদাঃ, লাল বিহারি মানডি, রুসিকিয়ৗ রেনুকা সরেন আর অনড়হেঁ বাঁখেড় কেদায় মানতান লুতিতেরম, মানতান সীতেন মানডি এমান। আখড়ারে সেটের লেন কলেজ,ইউনির্ভারসিটি রেন পৗঠুওয়া সাঁওতে অনলিয়ৗ অনড়হিয়ৗ ক'তে  আখড়া ডিগডিগ মার্শাল লেনা। 

       

 আখড়ারে বৗইসি গোমকে দয় তাহেঁ কানা "তেতরে " পাথাম রেন সাসাপড়াওয়িচ্ মানতান মহাদেব হাঁসদাঃ আর  আখড়া চাচালাওরে  "রুশিকা আড়াং " রেন সাসাপড়াওয়িচ্ মানোতান অনল হেমব্রম। এনেচ সেরেঞ মুচৗৎ কাতে সানাম ক গুনমানাও জহার আর সারহাওএ চালাৎ কোওযা ফোরাম রেন সম্পাদক মানতান অরুন কুমার সরেন।