ঝাঁটিপাহাড়ি আউট পোস্ট থানারে গনডেপুটেশন জমা আদিবাসী কল্যাণ সমিতিয়াঃ

 

আবোওয়াঃ ডিজিটাল ডেস্ক-  হলা ১৪ জুন’২৪ পশ্চিমবঙ্গ আদিবাসী কল্যাণ সমিতিয়াঃ হহতে বাঁকুড়া জেলা সাঁওতে পনৎ রেন আয়মা হড় র‍্যালি তালাতে ঝাঁটিপাহাড়ি আউট পোস্ট থানারেন আঁগিভার ঞাম আকাৎ আধিকারিক ঠেন গনডেপুটেশন এ জমা কেদা আদিবাসী কল্যাণ সমিতি।

নঁডে লৗই দহ লেগ কানা বাংমা চালাওয়েন ৯ জুন ঝাঁটিপাহাড়ি পাতারে পশ্চিমবঙ্গ আদিবাসী কল্যাণ সমিতিয়াঃ স্টল খনাঃ প্রচার বারণ আর থানাতে তুল ইদি রেনাঃ হুমকি সাঁওতে লিফলেট রেচ্‌ হাতাও লেকান বেবৗড়িচ ঘটন লৗইতেগে নোওয়া গণডেপুটেশন এম হোয় এনা মেনতে সমিতি পাহটা খন বাডায় আকানা। নোওয়া ডেপুটেশনরে পশ্চিমবঙ্গ আদিবাসী কল্যাণ সমিতি বাদ কাতেহঁ ইনৗ হিলঃ ভারতীয় আদিবাসী ভূমিজ সমাজ, পশ্চিমবঙ্গ আদিবাসী কোড়া সমাজ, ভারত জাকাত মাঝি পারগানা মহল, আদিবাসী একতা মঞ্চ সাঁওতে আরহঁ আয়মা সংগঠন কো সেলেদ লেনা।

সমিতিরেন গৗখুড়িয়ৗকো সাঁও থানারেন আধিকারিক আঃ গাপাল মারাও তায়ম গে আইসি সিদ্ধার্থ সাহা সেটের লেন দিশুওয়ৗ কোঠেন পুলিশ পাহটা খন অগণতান্ত্রিক বেওহার খৗতির ভুল বাতাও কাতেৎ ইকৗয় খজ কেদা আর রেচ্‌ হাতাও লেৎ সানাম লিফলেট ক জেলা সুৎরেত কার্তিক সরেনাঃ তিরেয় চাল কেদা মেনতেহঁ বাডায় আকানা। পনৎ সুৎরেত পার্শাল কিস্কু ইনৗ হিলঃ রেনাঃ আঁদোড় ইদিকাতেৎ লৗই তরা কেদায় আবোওয়াঃ গণডেপুটেশন সৗগুন আকানা আর পুলিশ প্রশাসনিয়ৗ ভুল বাতাও সাঁওতে হাপেন দিন নোওয়াকো ইদিকাতেৎ চেতনা রেকো তাঁহেনা মেনতেহঁ আশ্বাস এ এম কেদা, যাঁহাদ তামাম আদিবাসী কোওয়াঃগে জিৎকৗ্র কানা।