(আনন্দলাল রায় আঃ অনল খন তর্জমা আকানা)
লাহাখন সতর বাং তাঁহেলেনখান
ডাঃ সুরেন্দ্রনাথ মান্ডি
(লাহা খন তঁগে) কৗটিচ্ সঃসেটেচ্ কাতে
বোন ঞেলা নিয়ৗ অতিমারি খন চেৎ শিখনৗৎ বোন ঞামাকাদা আর অনা শিখনৗৎ অকালেকাতে বোন লাগাও
দাড়েয়াআ হাপেনাঃ অতিমারি টেকাও দারাম লৗগিৎতে। ঠিক তিস আর তিনৗঃ দাপট আতে হাপেনাঃ আতিমারি
সদরঃআ, অনা ইদিকাতে বিতর্ক তাঁহেলেন রেহঁ হিজুঃ কান দশক ভিতরি তেগে জে আরহঁ নাওয়া জাঁহান
তাঁনাড়গম আতিমারি লেকাতে মোলোগঃআ, অনাকো উমৗন আকাদা ডাকতর, সাঁড়েসিয়ৗ পরিসংখ্যানবিদ্
আর জনস্বাস্থ্য সাঁও সরাসরি সেলেৎ মেনাঃকো আয়মা গৗহিরাকিলৗনকো।
পারমেন ২-৩ দশক রে গ্লোবাল
ওয়ার্মিং , জনপড়াও ইকোলজিক্যাল পালাট আর শাহার-বাজাররে হড় লেখা বৗড় খৗতির উচৗড়ঃ আজার
করেনাঃ তাঁড়গম দিনকে দিন বাড়হাও চালাঃ কান গেয়া। পৗহিল জাঁহায় ভাইরাস কোওয়াঃ তানাহেন
হোয় থ জাঁহান আকাট বিরবুরু ধিরি খঁগর ভিতরি রে তাঁহেকানা, অনা তেহেঞ মৗনমি কঠেন সেটেরাকানা,
জেলেকা সার্স-কোভিড-২ । সাঁগে মৗনমি কোওয়াঃ জেপেৎ জেপেৎ গিরহৗবাস আর হিঁয়ৗখালাস বে-লাগাম
মিৎ দিসম খন আর মিৎ দিসম তে হিজুঃ সেনঃ খৗতির মিৎ ধাও জাঁহান নাওয়া উচৗড়ঃ আজার শাহার-বাজার
রে সেটের লেনখান অনা দ ধৗরতি জাকাত আডি লগন তে পাসনাঃ কানা। ভাইরাস মিৎ হড় ঠেন খন আর
মিৎ হড় ঠেনে বাসাঃ আ; অনাতে জাঁহারে মানম কোওয়াঃ গিরহাবাস বাড়তি গেয়া, অঁডে ভাইরাস
কোওয়াঃ তাঁনাগড়ম হঁ অনিবার্য। আর জাঁহাতিনৗঃগে তাঁনাগড়ম ক পাসনাওয়া ভাইরাস উনৗঃগে
‘মিউটেশন’ দারায়তে আঁপড়ে ক বদলঃআ, অনা সাঁও সাঁওতে তাঁনাগড়ম দাড়ে হঁ বৗড়তিঃ তাকোওয়া
মেৎ সামাং রে দৗইকা লেকাতে মেনগানঃ আ সার্স-কোড-২ কোওয়াঃ ডেল্টা ভেরিয়েন্ট। অনা তালাতে
আরহঁ ব্যাক্টেরিয়া তাঁনাগড়ম হঁ বতর হচ মে লেকানাঃ কান গেয়া। আকছার অ্য্যান্টিবায়োটিক
টেকাওদারাম ব্যাক্টিরিয়া জানামঃ কানা, জাঁহাদ মিৎ দিন হিলোঃ মহামারি খন অতিমারি রুপরে
তিঁগু দাড়েয়াআ। মেনখান শাহার-বাজার আর আতো-অড়াঃ রেনাঃ পুরিকাঠামো বাং লাহা লেনখান আর
কৗমি ঞাম রেয়াঃ দাঁও বাং তেয়ার লেনখান শাহার-বাজাররে কৗমিয়ৗ হড় দকো ভিড় গেয়া।
.webp)
.webp)
