আবোওয়াঃ ডিজিটাল ডেস্ক- হলা ৬ সেপ্টেম্বর ফেক এসটি সার্টিফিকেট ইস্যুতে নদীয়া তেহট্টরেন এসডিও আর পুরুব বর্ধমান রেন ডি.এম.,উঃ আর দঃ এসডিও সাঁওতে বিসিডব্লিউ আপিসার কো পশ্চিমবঙ্গ আদিবাসী কল্যান সমিতি পাহটা খন স্মারকলিপি কো চাল আৎ কোওয়া।
হানতে নাতেতে খন যাঁহাভাবতে ফেক এসটি সার্টিফিকেট
অৗমরৗও আন কোওয়াঃ সুংখৗ ঢের ইদিঃ কানা তাতে সৗরিন আদিবাসী কোগেকো অতা জিলেৎ অচোঃ কানা।
চেৎ সেচেৎ রে, চেৎ চৗকরি ঠাঁওরে আদিবাসী কো নিশড়ৗও অচোঃ কানা। নংকান দৗবীগে পশ্চিমবঙ্গ
আদিবাসী কল্যান সমিতি পাহটা খন রাকাব কানা। অনাতে দুওয়ৗররে সরকার প্রকল্প রেনাঃ দাও
হাতাও কাতে যাতে অ-আদিবাসী কো এসটি সার্টিফিকেট আলো কো অডক দাড়েয়াঃমা অনাতে ওয়েস্টবেঙ্গল
সিডিউল্ড ট্রাইব ওয়েলফেয়ার অ্যাসোসিয়েশন পাহটা খন গটা পছিম বাংলারেগে ডিএম, এসডিও,
বিডিও এমান কোঠেন মেমোরেন্ডাম কো চাল এদা।
অনকাগে হলা ৬ সেপ্টেম্বর, নদীয়া জেলা চাঁগা পাহটা
খন তেহট্টরেন এসডিও আর পুরুব বর্ধমান জেলা চাঁগা পাহটা খন ডি.এম.,উঃ আর দঃ এসডিও সাঁওতে
বিসিডব্লিউ আপিসার ঠেন র্যালি আর শ্লোগান তালাতে স্মারকলিপি কো চাল আৎ কোওয়া।
নোওয়া র্যালিরে নদীয়া জেলা চাঁগা পাহটা খন সেটের
কো তাঁহেকানা- জেলা সভাপতি সুনীল হাঁসদা, সহ-সভাপতি বাপি সর্দার আর দেবেন্দ্রনাথ হাঁসদা,
মোহন মান্ডি, নিখিল সরেন, সুনীল সিং, গনেশ সর্দার এমান। নঁতে পুরুব বর্ধমান জেলা চাঁগা
পাহটা খন জেলা সভাপতি মহাদেব টুডু, সেক্রেটারী শিবনাথ মুরমু, ক্যাশিয়ার চাঁদ মোহন হাঁসদা,
অ্যাসিটেন্ট ক্যাশিয়ার অজয় মুরমু আর উপদেষ্টামন্ডলী খন সময় কিস্কু, রামদাস কিস্কু,
লক্ষীকান্ত কিস্কু, সোমলাল বেশরা, ভাগ্যদয় মাঝি আর সেন্ট্রাল ইউনিট রেন ভাইস প্রেসিডেন্ট
সৌম মুরমু এমানকো।
.webp)
.webp)
