আপনার ধরম দ লা-দা সেম রাপাগা !
সুরৗই
মান্ডি
ইঞদ অকাটাঃ রেন হঁ লৗউড়িয়ৗ দঞ বাং কানা, ইঞ দ পালেন
হড় তায়ম হড়গে। নাসেনাঃ রেহঁ জাঁহাটাঃ বুগিঞ বুঝৗওয়া, হড়কো বুঝৗওয়ৗঞা, ইঞদ অনাটাঃ ডাহার
তেগেঞ গয়নঃ আ। গেল চং গেলবার সেরমা লাহা খন চং অনকাগে ইঞদ ‘সৗরিধরম’ আঁদোড় রিঞ সেলেদ্
লেনা। ইঞহঁ আর আর কো লেকা হটঃ-নৗডরি ফুলৗও কৗতিঞ গার্জাও আকানা- “সানাম সানতাড় কো গরব
কাতে, কড়াম ফুলৗও কাতে লৗইপে জে ইঞদ সৗরিধরম সানতাড় কানাঞ”। মেনখান হায়! তেহেঞ খন দ
গরব কাতে, কড়াম ফুলৗও কাতে অনকা গার্জাও থ সাঁগিঞ রেনাঃ কাথা, বরং রড় হঁ খিয়খয় আকান
তিঞৗ, হায়-নিশৗষ কাতে অন্তর-জিউয়ি-মনে বুরসি সেঁগেল লেকা মডঃ মডগঃ কান তিঞৗ; এনতে সমাজ,
গিদ্রৗ সে পঁপগড়া কতিঞ দ তেহেঞ খন তুড়ুক ধরম তেয় চাচো গৎ কাৎ কোওয়া।
ঘটন দ নংকা। তুড়ুক কোওয়াঃ পরিচালনাতে চালাঃ কান
মিৎ ইংলিশ মিডিয়াম স্কুল রে ইঞিচ্ বাবু নেশ দ ক্লাস নাইনরেয় পাড়হাঃ কানা। ISCE (মাধ্যমিক)
রে দুড়ুব জসতে রেজিষ্ট্রেশন লৗগিৎ তেহেঞ গে তাঁহেকানা মুচৗৎ মাহা। ইঞদ বাবুওয়াঃ ফরম্
পেরেচ্ কৗতিঞ জমা কেদা স্কুল আপিসরে। Religion column রেদঞ অল্ আকাদা ‘সৗরিধরম’।
মেনখান কম্পিউটার মা বায় হাতাও এৎ সৗরিধরম। খৗনিঞ মেতাৎ কোওয়া তাহলে ধরম কলাম রেদ
‘আদার্স’ কাঃপে। অনাহঁ কম্পিউটার বায় সাপোর্ট এদা। ইঞ মাঞ ভম-কিড়ধুমেন। আলাৎ উলুৎ চাবায়েনাঞ।
.webp)
.webp)
