আবোওয়াঃ ডিজিটাল ডেস্ক – ঞেলঃ কানা ফেক এসটি সার্টিফিকেট অৗমরৗও আকাৎ কো বিরুধরে মিৎ লেতাড় লৗড়হৗই কানায় ওয়েস্ট বেঙ্গল সিডিউল্ড ট্রাইব ওয়েলফেয়ার অ্যাসোসিয়েশন। অনকাগে পারমেন ৩ সেপ্টেম্বর পুরুলিয়া জেলা রেন রঘুনাথপুর মহুকুমা শাসনিয়ৗ সাঁও ঞাপাম রপড় এনাকো অনা জেলা রেন আদিবাসী কো।
ফেক এসটি কোওয়াঃ রমরমা চৗকরি বাজার দখল বন্ধয় লৗগিৎ গে অ্যাসোসিয়েশন রেন রৗসিয়ৗকো মিৎ রেসা কো আঁদোড় এদা। দুওয়ৗররে সরকার প্রকল্প তালাতেহঁ আয়মা অ-আদিবাসী কো এসটি সার্টিফিকেট লৗগিৎ ক আবেদন দাড়েয়াঃআ আর এসটি সার্টিফিকেট কো অডক দাড়েয়াঃআ মেনতে আদিবাসী কো মনেয়েদা। চেদাঃ বাংমা কিছুদিন মাড়াং মিৎ খবর পাথামরে উছৗন আকান খবর লেকাতে বুনিয়ৗদপুররে ৫০ খন ৬০ গটাং তিরলৗ বেনিয়ম লেকাতে এসটি সার্টিফিকেট কো অডক অকতে হাতে নাতে কো পাকড়াও অচোলেনা। অনা লৗগিৎ গে মহুকুমা শাসনিয়ৗ সাঁও রৗসিয়ৗ কো ঞাপাম রপড় এনা। মহুকুমা শাসনিয়ৗ ফেক এসটি সার্টিফিকেট লৗইতে যতনতে ঞেল আয় মেনতে সেটের লেন রৗসিয়ৗকোয় বাডায় অচো কেৎ কোওয়া।
ওয়েস্ট বেঙ্গল সিডিউল্ড ট্রাইব ওয়েলফেয়ার অ্যাসোসিয়েশন পাহটা খন রঘুনাথপুর মহুকুমা শাসনিয়ৗ সাঁও ঞাপাম রপড় আখড়ারে সেটেরকো তাঁহেকানা পুরুলিয়া জেলা চাঁগা রেন সভাপতি সতন কুমার সরেন, সেক্রেটারী গনেশ চন্দ্র মাহালী, কেশিয়ার কল্যান হেম্ব্রম, আর রৗসিয়ৗ কো মুদ্রে সাঁতুড়ি ব্লক খন গনেশ চন্দ্র টুডু, প্রমথ নাথ মুরমু, কাশীপুর ব্লক খন সমরেশ হাঁসদা, সুশীল মুরমু, রঘুনাথপুর ব্লক খন ষষ্ঠী পদ হাঁসদা, বান্দোয়ান ব্লক খন নির্মল বাস্কে, হালিম মান্ডি, বঙ্কিম চন্দ্র মুরমু, নীতুড়িয়া ব্লক খন লোকেন্দ্র সরেন, হুড়া ব্লক খন মনসা রাম টুডু, মঙ্গল মুরমু, রাজনাথ হেম্ব্রম। অনাবেগর সুকোমল হাঁসদা, বঙ্কিম চন্দ্র হেম্ব্রম আর ভারত জাকাত জুওয়ৗন মহল রেন সভাপতি রাজেন টুডু গোমকে এমানকো।
.webp)
.webp)
