সিঁগি মাহা রেনাঃ সাকাম ‘চেরেচ্‌ আড়াং’ লেখা- ১৮৯

 

“আবোওয়াঃ কাথা”  ডিজিটাল ডেস্ক রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড় গে উছানঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com     

 

তেহেঞাঃ আখড়ারে যাঁহায় কো সেলেদ্‌ আকান-  ᱥᱩᱵᱩᱫᱤᱭᱟᱹ ᱢᱩᱨᱢᱩ, ᱨᱟᱢ ᱯᱚᱫᱚ  ᱠᱤᱥᱠᱩ,  বাড়তাং সরেন,  সুরেন্দ্রনাথ হেম্ব্রম, সমরলাল টুডু, সীতেন মাণ্ডি,  সনৎ কুমার হাঁসদাঃ, দুগাই টুডু।

  

১।।

ᱦᱮᱸ ᱥᱮ

 ᱥᱩᱵᱩᱫᱤᱭᱟᱹ ᱢᱩᱨᱢᱩ

ᱜᱟᱰᱟ ᱜᱤᱛᱤᱞ
ᱡᱤᱸᱬᱤᱫᱽ  ᱡᱤᱸᱬᱤᱽ ᱾

ᱱᱟᱹᱭ  ᱫᱟᱜ
ᱯᱤᱸᱬᱤᱽ  ᱯᱤᱸᱬᱤᱽ ᱾

ᱥᱤᱢ  ᱮᱸᱜᱟ
ᱠᱚᱨ    ᱠᱚᱨ ᱾

ᱥᱤᱸᱜᱟᱹᱲ  ᱦᱟᱯᱩᱜ
ᱪᱷᱚᱨ    ᱪᱷᱚᱨ ᱾

ᱜᱤᱫᱽᱼᱨᱟᱹ ᱜᱟᱹᱰᱤ
ᱨᱮᱸ~ᱪᱚ       ᱨᱮᱸ~ᱪᱚ ᱾

ᱦᱟᱲᱟᱢ   ᱞᱩᱥᱩ
ᱦᱮᱸ~ᱪᱚ  ᱦᱮᱸ~ᱪᱚ ᱾

ᱥᱤᱸᱜᱟᱹᱲ    ᱦᱚᱭ 
ᱫᱚᱢᱮᱭ   ᱛᱷᱟᱭᱳᱭ ᱾

ᱯᱮᱨᱮᱡᱽ  ᱠᱟᱸᱰᱟ
ᱵᱟᱦᱩᱭ     ᱚᱦᱚᱭ ᱾

ᱫᱤᱯᱤᱞ   ᱠᱟᱛᱮ
ᱵᱟᱝ ᱮ   ᱫᱚᱦᱚᱭ ᱾

ᱠᱟᱨᱩ  ᱜᱚᱲᱚᱢ
ᱢᱮᱱᱟᱭ  ᱫᱚᱲᱚᱢ ᱾

ᱨᱚᱲ  ᱠᱚᱛᱟᱭ
ᱥᱤᱵᱤᱞ ᱥᱚᱲᱚᱢ ᱾

======= ᱞ ᱧ =======

২।। 

ᱚᱜᱚᱢ ᱫᱚᱨᱭᱟ

ᱨᱟᱢᱯᱚᱫᱚ ᱠᱤᱥᱠᱩ

 

ᱪᱮᱦᱮᱞ ᱪᱮᱯᱮᱞ ᱫᱟᱜ ᱜᱮ ᱧᱮᱞᱚᱜ

ᱡᱟᱸᱦᱟ  ᱥᱮᱫᱽ  ᱜᱮᱢ  ᱠᱚᱭᱚᱜ

 ᱵᱟᱝ ᱧᱮᱞᱚᱜ ᱟ  ᱦᱟᱱᱟ ᱢᱩᱪᱟᱸᱫᱽ

ᱫᱟᱜ  ᱜᱮ ᱦᱮᱞᱠᱟᱣ  ᱜᱚᱫᱚᱜ ᱿

ᱢᱤᱫ ᱴᱟᱝ ᱛᱟᱭᱚᱢ ᱢᱤᱫ ᱴᱟᱝ  ᱰᱷᱮᱣ

ᱦᱮᱡ ᱟᱠᱟ ᱜᱮ ‌ ᱛᱟᱸᱦᱮᱱ

ᱚᱜᱚᱢ  ᱫᱚᱨᱭᱟ  ᱟᱰᱤ ᱦᱟᱦᱟᱲᱟ

ᱠᱚᱭᱚᱜ ᱨᱮᱜᱮᱢ  ᱛᱟᱸᱦᱮᱱ ᱿

 

ᱵᱟᱵᱩᱭ ᱥᱮᱱᱚᱜ ᱥᱮᱸᱫᱨᱟ

ᱯᱤ ᱥᱤᱹ ᱠᱤᱥᱠᱩ ᱨᱟᱯᱟᱡ

 

ᱵᱟᱵᱩᱭ ᱥᱮᱱᱚᱜ ᱥᱮᱸᱫᱨᱟ

ᱜᱷᱮᱸᱴ ᱯᱚᱴᱚᱢᱮ ᱡᱚᱸᱰᱨᱟ

ᱥᱚᱸᱜᱮ ᱨᱮ ᱪᱟᱣᱨᱟ ᱵᱷᱟ ᱣᱨᱟ

ᱟᱸᱲᱤᱭᱟᱸ ᱯᱩᱥᱤᱭ ᱜᱚᱸᱫᱨᱟᱸ᱾

 

ᱦᱚᱨᱚᱜ ᱠᱮᱫ ᱥᱩᱴ ᱵᱩᱴ

ᱵᱟᱭ ᱵᱟᱰᱟᱭᱟ ᱵᱤᱨ ᱨᱩᱴ

ᱡᱚᱢ ᱠᱮᱫ ᱵᱤᱥᱠᱩᱴ

ᱞᱟ ᱡᱽ ᱢᱟ ᱯᱟᱴ ᱯᱩᱴᱩᱜ᱾

 

ᱡᱤᱭᱟᱹᱞᱤ ᱜᱚᱡ ᱮᱭᱟ

ᱠᱟᱴᱩᱵ ᱮ ᱴᱷᱚᱡᱮᱭᱟ

ᱨᱟᱢ ᱟᱭ ᱵᱚ ᱡᱮ ᱭᱟ

ᱪᱮᱞᱟᱝ ᱨᱮ ᱵᱷᱟᱡᱤ ᱭᱟ᱾

 

ᱨᱚᱴᱮᱭ ᱜᱚᱡ ᱮᱭᱟ

ᱪᱩᱸᱫ ᱜᱳᱰᱳᱭ  ᱜᱚᱡ ᱮᱭᱟ

ᱡᱟᱢᱲᱳ ᱵᱤ ᱧᱮ ᱥᱟᱵᱮᱭᱟ

ᱡᱩ ᱫᱤᱢ ᱥᱟᱵᱽ ᱥᱚᱡᱷᱮ  ᱟᱭᱟ᱾

======= ᱞ ᱧ =======

৩।।

কঙ্কা

বাড়তাঙ সরেন 

 

চেতান টলা মাঞ্জহি হপন

                  সারিগে আডি কঙ্কা,

সারাদিন গেয় ঞির বাড়ায়া

                     উনি অনে অনকা ।

 

অড়াঃরেনাঃ বায় কামিয়া ,

                  কামিয়ে হড়কো লাগিৎ

সিঞ ঞিদৌয়ে ঞির বাড়ায়া 

                   একাল বাঙে জাপিৎ।

 

আতো হড়কো রুয়ৌঃরেদ 

              আচগেয় ঞির বাড়ায় 

হাসপাতাল ডাক্তার ঠেন 

                উনি পাউড়িয় লাহায় ।

 

যাহায় হড় জম বাকো ঞাম

                     আয়াঃ জমে এমায়

রান মুরগৌন লাগিৎ উনি 

                 কৌউডি গড়য় এমায় ।

 

আতো হড়কো তাপাম রেদ 

                  আচগেয় ঞির খাঁজোঃ

টেঙ্গচ্ টাঙ্গি সাহায় রেদ

                    আচ দ বাচয় বাদোঃ।

 

হিসৌ সুয়ৌ কামিরেদ 

                         বাংগেচয়ে লাহাঃ

সুলুক সৌগৌই দহয় রেদ 

                   বাংগেয় তায়ম নাহাঃ ।

 

হড়দকো হৌর জঞা 

                একেন আপনার লাগিৎ

উনি দয়ে গেমের ইদিয় 

               রেঙ্গেচ হড়কো লাগিৎ ।

 

উনি লেকান কঙ্কা যুদি

                 দিশমরেকো তাহেন

সাঁওতারেদ হিংসৌ বাদি

                  একাল বাঁচো তাহেন।

======= ᱞ ᱧ =======

৪।। 

খেড়ে

সু রে ন্দ্র না থ  হে ম ব্র ম

 

হৗনি ঞেলেপে খেড়ে ,

ইসিন এদায় সোড়ে |

পাসনাও আকাদায় গিরৗ ,

জম হচো কওয়ায় গিদরৗ |

 

হৗনি ঞেলেপে খেড়ে ,

বাং এ রড়া একাল এড়ে |

কৗটিজ কৗটিজ গিদরৗ গেতায় গাতে,

সানাম অকতো ঞেলেমে উনকু সাঁওতে |

 

ছুটৗউ আকানায় খেড়ে,

উদুঃ এদায় অৗডি দাড়ে |

গাতে চেৎ হচো কওয়ায় অলপাড়হাও,

খেননড রে হামেট আকো পৗহিল ঠাঁও |

 

লাহা রেগেয় তাড়াম কাঃআ খেড়ে,

গৗযুর টৗপুর ঝতোম ঞেলকম সাঁওরে |

রহয় এদা ক আতো ডৗহি করে দারে,

পারছা পৗরছি দহো য়াকো সাচারহে |

 

======= ᱞ ᱧ =======

৫।।

বাবুওয়াঃ কুকমু

সমরলাল টুডু

 

জাপিৎ কাতেৎ ভু্…র…র ভুটি

বাবুই চালাও আটেৎরে,

অকয়াঃহঁ বাংএ আঁজম্ বারণ

বাংএ তাঁহেন এটেৎরে ।

 

মারাং কাতেৎ রেলেয় চালাও

চালাও উডান গাডি ।

হুডিঞ মারাং সানাম হড়তে

সারহাওয়েক আডি আডি ।

 

হড়কো সাঁওতে চাষরে মটর

বাইদ জুমিই হটর,

রেঁগেজ অরেজ হড়কো সাঁওতে

কামিরেয় লাগাও ট্রাক্টর ।

 

বাবুই লাগায় ডাঁগরা নাহেল

সানামকো সাঁওতে খেতরে,

সানামকসাঁও দহয়ে নাপায় সাগাই

বাংএ এতম্ আতরে ।

 

হড়কো সাঁওতে লাড়হাই ঝগড়্

হিরখা গেচয়্ বুঝাও,

সানামক সাঁওতে খিলডু এনেজ্

বাংএ ঢেজানখানগে লাজাও ।

 

বাংইঞ দাড়েয়াঃ নংকান্ কাথাদ

মচারে বাংএ আগুই,

জুমিদার মহাজন্ লেকান হড়ক

বাংখান সিঁয়াজারিক লাগুই ।

 

পাতায় দাঁড়ান ছাতায় দাঁড়ান

সাগাড় গাডিয় জোড়াও,

সেরেঞ দুরাং এনেজ রেহঁয়

হানডি ভাটিই এড়াও ।

 

টেরেন্ মটর এরোপেলেন্ সাঁওতে

ধারতি হঁচং আচুরঃকান,

বাবুতালে হঁচং পাড়হাও পাড়হাওতে

সেঁড়া জুওয়ান্ মাহুরঃকান ।

 

ধারতি পুরিরে চেচেৎ রেনাং

বানু আনাং মুচেৎ,

জাপিৎ এভেন নাপায় কুকমুদ

বাবুওয়াঃ বতরে কেচেৎ ।

 

পুঁড়্ গডারে  হেঁদে হড়েজ্

এর্ কাতেয় সেঁড়ায়,

নোওয়া রেনাং ভেনতা কাথাদ

অকয় সারি রাড়ায় ?

======= ᱞ ᱧ =======

৬।। 

সাগুন দারাম

সীতেন মাণ্ডি

 

রড় সেঁড়া তাড়াম সেঁড়া

গাতেঃ সেড়ায় মে

বেস হড় কঁয়ে হর

বুজ তিয়োগ মে।

 

ঞেল সেঁড়ায় মে

আঁজম সেঁড়ায় মে

বেসাঃ গে ঞেল মে

এড়ে কাথারে সাহাঃ মে।

 

পাড়হাও হেওয়াঃ মে

অল সেঁড়ায় মে

অল পাড়হাও বেগর

ধারতি ঞুত গে।

 

পাতিয়াও দহয় মে

দাড়ে আরজাও মে

পাতিয়াও দাড়ে গে

হুয়ুঃ জিৎকার দাড়ে রে।

 

হেনাঃ বানুঃ হিড়িঞ মে

আমরেগে মেনাঃ সানাম

কয়ঃ হর রে সুখ জিয়ন

যত ক সাগুন দারাম।

======= ᱞ ᱧ =======

৭।।

যুগ বদলঃ

সনৎ কুমার হাঁসদাঃ

     সাদ কাতেৎ ইং আসুল লেদে
                                মায়ন মিরু চেঁড়ে।
     জম বাং তেয় উসুঃ লেনা
                             একাল ঢেপেঁ- ঢেড়েঁ।।

     সারা ঘাড়িয় ফাদ- ফাদাঃ আ
                             বায় তাহেঁনা থির।
      উডৗও কাতেৎ বায় উডৗঃ আ
                           হেনায় খাঞ্চা ভিতির।।

     মনেরে ইঞাঃ গুনি ভাবিয়েন
                            সিরজৗও এনা দুঃখ।
     খাঞ্চা খনাঞ আড়াঃ কাদে
                           উডৗও এনে আজ সুখ।।

      যুগ দ নাহাঃ বদল এনা
                          উডৗঃ চেঁড়ে  বিররে।
      মানমি আব মেনাঃ বনা
                          অড়াঃ কুঁবে কুনরে।।

        সেতাঃ খনাঃ সারা বেড়া
                         জম ঞু হিড়িঞ কাতেৎ।
        গিদরৗ ক ক ছুটৗও আকান
                        মোবাইল ফোন আতেৎ।।
   
         বাক পাড়হাঃ বাক খৗলা
                         সারা ঘাড়িজ ছৗড় ।
        বাং আজমঃ পাহিল লেকা
                          পাড়হাঃ রেনাঃ রৗড় ।।

          দিন পারমঃ সময় চালাঃ
                          মানমি আঁবঃ ডাঁবঃ।
           মায়ন মিরু চেঁড়ে লেকা
                          খাঞ্চা ভিতির আব।।

======= ᱞ ᱧ =======

৮।। 

বারিলাল টুডু

দুগাই টুডু

 

আঞ্জম বাড়াঃ অনড়হিঁইয়া দ

      উনিয় তাঁহেয় কানা,

অনা তেগে হড়কো তালা

     আডিয় উরুম লেনা।

 

ঞুতুম তায়দ বারিলাল টুডু

      আপাত গোপাল কানা,

এঁগাত চূড়ামুনি কাথায় গেচো

     সানাম গেকো মেনা।

 

জানাম আতো বানসিলা গেথ

  কালিকাপুর ডাক অড়াঃ,

নাহাঃ পুরুব সিংভূম জিলা

    ঝাড়খন্ড পনত পাড়াঃ।

 

বি.কম. উনি পাস কাতেৎ

   কামি পাঁজা কেদায়,

কানাড়া ব্যাঙ্ক ম্যানেজার হুদা

   উনরে চাকরি লেদায়।

 

বারিবারসা বাখুল করনডি রেদ

    তায়মতে গিরাবাস সারি,

পুরুব সিংভূম ঝাড়খন্ড রেগে

    অনাহঁ মেনাঃ পারি।

 

‘তেতরে’ ‘মান্তার’ পাথাম করে

    উনদ অললেৎ গেয়া,

‘হুল’ আর ‘সাঁওতা আরসি’ পতব

     ছাপা সদর তায়া।

 

সাঁওহেৎ চারচা লাগিৎ তেদ

   এনেম দহ লেদা,

অনে উনখন সান্তাড় কদ

   বেবাক দিসায় এদা।

 

======= মুচৗৎ =======