আবোওয়াঃ ওয়েব পেজ - যাও সেরমাগে পুরুব মিদিনপুর জিলৗ রেয়াঃ তমলুক রৗস্কৗ মহলদ তমলুক শাহার আর তমলুক আড়েপাসে রে গিরৗ বৗসিয়েৎ আদিবাসী কোওয়াতেৎ আডি ভৗরি-ভরম, মৗন সালাঃ হুল মাহায় মানাও বাতাও আগুয়েদা। নেশদ মেনখান কোভিড-আওহাল খৗতিরতে আডি গাদেল জাওরা বেগর তেগে আডি ভৗরি-ভরম, মান সালাঃ ৩০শা জুন হুল মাহা মানাও রেনাঃএ সাত –সাপড়াও আকানা তমলুক রৗস্কৗ মহল। রৗস্কৗ মহল রেন দিশ-হুদিশ এমঃকিন মানতান দেবেন্দ্র নাথ হেম্ব্রম আর সুরেন্দ্রনাথ মান্ডি আবোরেন খবরিয়ৗ কিন বাডায় অচওয়াকাদেয়া যে এলাকারেন প্রশাসনিয়ৗ আঃ হুকুম হাতাও কাতেৎ আর সানাম লেকান ‘কোভিড প্রোটোকল’ মানাও বাতাও কাতেগে ৩০শা জুন হিলো তমলুক ডাক কৗমিয়া বাখোল রে তারাসিঞ ২ টাড়াং খন বঁগা-বুরু তালাতে এহব আ।
সান্তাড় হুল রেন বিরৗদৗলিক,ভারত-চীন সিঁয়ৗড় রে শহীদ এন ভারত রেন ২০ গটাং ফৌদ্, সিধু-কানু রেন বংশধর রামেশ্বর মুরমুওয়াঃ জিউয়ি, বৗঈরী তিতে চালাও এন- নোকো সানাম কো উইহৗর আঁজলেকো চাল আকোওয়া মেন্তে বাডায় আকানা।
‘সান্তাড় হুল আর নিতোঃ আদিবাসীকো’ ইদিকাতেৎ মুড়ুৎ বাঁখেড় এ দহয়া মানতান অমূল্য হাঁসদা গম্কে। আখড়ারে বাঁখেড়, অনড়হেঁ, সেরেঞ আর হুল মাহা দিশাতে ‘ডকুমেন্টরি ফ্লিম’ উনুদঃক সাপড়াও আকাদা অনা বেগর আখড়ারে সেটেরঃ সানাম কো রৗস্কৗ মহল পাহ্টা খন বেগর গনংতে মাস্ক সারভার,থারমাল স্ক্রিনিং বন্দেজ,আর হড়মরে রোগ-আজার টেকাও দারাম দাড়ে বাড়হাও অচ লৗগিৎতে রান সারভার এমান রেনাঃ কৗমি কহঁ তাঁহেন কানা মেন্তে বাডায় আকানা।
.webp)
