(হুডিঞ মাছা প্রতিবেদন)
আকাশ মুরমু
বাড়ায় ঞামঃ কানা আযোদিয়ৗ বুরু চটরে পুরুলিয়া পাম্প স্টোরেজ প্রকল্প সে হাইড্রল প্রজেক্ট লেকা আরহঁ পেয়া প্রকল্প সরকারে হাতাও দহ আকাদা। অনাকদ ঠুড়গৗ পাম্প স্টোরেজ প্রকল্প ,কাঁঠালজল পাম্প স্টোরেজ প্রকল্প আর বান্দু পাম্প স্টোরেজ প্রকল্প। অনাকো মুদরে পুরুলিয়া পাম্প স্টোরেজ প্রকল্প ৬ জুলাই ২০০৮ , বামনি নালারে বেরেৎ তায়নম নিত অনা সুর রেগে ঠুড়গৗ নালাচেতান অনকান প্রজেক্ট বেনাও রেনাঃক কুরুমুটু আকাদা। লৗই দহ লৗগ কানা হাইড্রল প্রজেক্ট দ জাপান রেন TAISEI কোম্পানী সাঁও মেসা কাতে West Bengal State Electricity Distribution Company Limited এয় বেনাও আকাদা। যাঁহারে পোনয়া টার্বাইন আচুর কাতে ৯০০ মেগাওয়াট বিজলী তেয়ারঃ কানা।
মেনখান নোওয়া ঠুড়গৗ প্রজেক্ট রেদো ১০০০ মেগাওয়াট বিজলী বেনাও রেনাঃ ক ঠিক আকাদা।পুরুলিয়া ফরেস্ট ডিভিশন ক্লিয়ারেন্স দয় এম আকাদ কগেয়া ,মেনখান পৗহিল রেনাঃপ্রজেক্ট বেনাও অক্ত সরকারাঃ এম কাথা বাং দহ দাড়ে খৗতির আর আযোদিয়ৗ বুরু বাঁঞ্চাও খৗতির সুর সুপুর আতো হড় সাঁওতে পরিবেশ দরদিয়ৗকো কলকাতা হাইকোর্ট রে নোওয়া প্রজেক্ট বিরুদ রেকো কেস লেদতে ,হাইকোর্ট দ পরিবেশ কাথা উইহৗর কাতে প্রজেক্ট বন্দ কাথাগেয় রড় আকাদ। মেনখান সরকার দ অড়হেগে মেনায়া প্রজেক্ট বেনাও ইদি কাতে।
আরহঁ বাড়ায়ঃ কানা নোওয়া প্রজেক্ট বেনাওলেনখান আযোদিয়ৗ বুরুখন আরহঁ ২৩৪ হেক্টর জায়গা রেনাঃ দারে-নৗড়ি-সাকাম জায়যুগ লৗগিদ্ আদ উতৗরঃ আ সাঁওতে বিররেন জীব জীয়ৗলি তাঁহেন ঠাঁও, বুরু রেনাঃ রান মুরগৗন ,আয়মা আতো সাঁওতে খেরওয়াল কোওয়াঃ ল-বির বাইসি সুতৗন টান্ডি হঁ যায়যুগ লেকা আদ উতৗরঃ আ।
অনাতে পরিবেশ দরদিয়ৗ সাঁওতে আ্তো হড়কো পোস্টার আর লিফ্টলেট আতেৎ দিশোম হড় সাঁওতে সরকার কো বাড়ায় হচয়েকানা যে, নোওয়া প্রকল্প দ বৗতিল তেগে হোয়োঃ আ। পৗহিল প্রজেক্টরে বুরু খনাঃ বাং বেশী রেহঁ ১/২ লাখ দারে আদ আকানা। আয়মা হড়াঃ রোজগার রে আনাট হেজ্ আকানা। আযোদিয়ৗ বুরুরেনাঃ ইকো সিস্টেম বৗই বৗইতে ধৗসুড় ইদিঃ কানা, নোওয়া ক টেকাও দারাম লৗগিদ্ গে তেহেঞ বুরু দরদিয়ৗ সাঁও দিশম সুসারিয়ৗ কো মিৎ মারাং আন্দোড় হররে…।
.webp)
