আবোওয়াঃ ডিজিটাল ডেস্ক- ৩০ জুন মাড়াং গে মেদিনীপুর জেলা ঘাটাল মহুকমা রে মেনাঃ হালদার দীঘি মোড়রে বীরবান্টা সিধু-কানু আঃ মুঠৗন বেনাও রাকাব রেনাঃ দাবীতে তেহেঞ ১৮ জুন ভারত জাকাত মাঝি পারগানা মহল ঘাটাল তল্লাট আঃ হহতে ঠৗউকৗ বৗনুঃ আন মাহা হৗবিচ্ ক্ষীরপাই পৌরসভা ঘেরাও কৗমিহরা সাঁওতে রাঁগাওনা জমেলায় রে আয়মা সাঁগে হড় নোওয়া কোভিড আওহাল আর দাঃ জৗড়ি এঁডেল কাতেহঁ দোমেল দোমেল কো সেটের আকানা।
বাডায় আকানা চালাওয়েন সেরমা ২০২০ রেগে হালদার দীঘি মোড়রে সিধু-কানু মুঠৗন বেনাও রাকাব রেনাঃ কাথা তাঁহেকান রেহঁ, নিৎ ধৗবিচ্ বাং বেনাও রাকাব আকানা। অনারেনাঃ এদ্রে তেগে এলাকারেন হড় ক্ষীরপাই পৌরসভা ঘেরাও কাতে সিধু-কানু মুঠৗন বেনাও রাকাব রেনাঃ দাবীকো দহ কেদা। নঁতে মহল পাহটা খন বাডায় আকানা প্রশাসনিয়ৗ আঃ গৗফলৗতি তেগে তেহেঞ ধৗবিচ্ সিধু-কানু আঃ মুঠৗন বাং রাকাব আকানা। নোওয়া সিধু-কানু আঃ মুঠৗন বেনাও রাকাব রে শাসনিয়ৗ দল আদিবাসী কোওয়াঃ উৎনৗও বাং ঞেল কাতে জাঁগেদারাম এদায় মেনতেহঁ মহল অভিযোগ এ রাকাব আকাদা। অনাবেগর আদিবাসী কো তালারে শাসনিয়ৗ দল ভেপেগেৎ আর হাপাটিঞ রেনাঃ এ রিকৗয়েদা মেনতেহঁ তেহেঞা জমেলায় রে ভারত জাকাত মাঝি পারগানা মহল পাহটা খন কডরা রড় আকানা। নংকা কাতে আদিবাসী কো তালারে ভেপেগেৎ সিরজৗও রেনাঃ বিরুদ্ রেহঁ কডরা হুঁশিয়ৗরী হঁয় এম আকাদা ভারত জাকাত মাঝি পারগানা মহল।
.webp)
