চেৎ চেৎ জমাঃ করে মেনাঃআ গিদ্রৗ কো লৗগিৎ ইম্যুনিটি
তুমৗলিচ্- মৗই বুরুলুকুই মান্ডি
নোভেল করোনা ভাইরাস কোওয়াঃ নোওয়া মড়ক তাঁড়গম আওহাল রে আঁপড়ে নাপায়-নিফুট তাঁহেন লৗগিৎ তে মৗনমি কো হিমসিমঃ কানা। করোনা ভাইরাস খন তস রিহৗই বোন ঞামা অহ লায়ো কানা। আর অনা হতেচ্ তেগে নোওয়া আওহাল রে জাঁহা রেয়াঃ কাথা রাকাব কানা অনাদ ইম্যুনিটি মেনমা হড়ম’রে রোগ আজার টেকাও দারাম দাড়ে জৗসতি তাঁহেলেনখান ভাইরাস খন তাঁড়গমঃ রেনাঃ সম্ভাবনা কম তাঁহেনা।
আরহঁ নঁতে তাঁড়গমঃ রেনাঃ লাগাম পরহাও লৗগিৎ তে টিকৗ এম (Vaccination) জোর কদম তে চালাঃ কানা, এনতে গৗহিরাকিলৗন কোকো মেন এদা নিয়ৗ সেরমা রেনাঃ মুচৗৎ সেচ্ করোনা কোওয়াঃ তেসার হেলকাও (3rd Wave) তেবোন হেলকা আঃ। তবে ভাইরাস কোওয়াঃ নোওয়া হেলকাও মেনমা তাঁড়গম তেদো গিদ্রৗ কগে জৗসতি কো তাঁড়গম অচ দাড়েয়াঃআ, এনতে গিদ্রৗ কো লৗগিৎ নিৎ হৗবিচ্তে করোনা রেনাঃ টিকৗ দ আউরি তেয়ার সাতঃ আ। খান করোনা সে কোভিড খন সাহারে তাঁহেন লৗগিৎ তেদ টেঁহাড়ঃ হোয়োঃআ অনা ‘ইম্যুনিটি’ চেতান রেগে। নাহাঃ নংকান আওহাল রে অড়াঃ হড় কো গিদ্রৗ কোওয়াঃ থৗরিরে নংকানাঃ জমাঃ এম উচিৎ কানা, জাঁহারেদ গিদ্রৗ কোওয়া ইম্যুনিটি বাড়হাঃ।
১) দাকা-দামৗডি – গিদ্রৗ কো দাকা-দামৗডি লাচ্ পেরেচ্ জম-ঞু অচ কো হোয়োঃআ , এনতে দাকা-দাঃমৗডি রেদ তাঁহেনা মিৎ লেকানাঃ অ্যামিনো অ্যাসিড। গিদ্রৗ কোওয়াঃ হড়ম’রে আজার টেকাও দারাম দাড়ে জৗস্তি লৗগিৎতে দাকা-দাঃমৗডি সাঁওতে দাল, গতম এমাকো লেক্ কানা। লৗটু ঞঃ গিদ্রৗ কদ নিয়ৗ অক্তে কান্ঠাড়-বিলি জাং জম অচ কঁহ জৗড়ুড়ৗ।
২) সানাম লেকানাঃ- জম গানঃ ফল-ডল, লাডু, আচার তওয়া এমান।
.webp)
