সনাতন টুডু- সাঁওহেৎ দরবার খন মিৎ ঞুম হালাং অনলিয়ৗ আর ‘হড় আড়াং’
সাঁওহেৎ পাথাম রেন সাসাপড়াওয়িচ্ অনাদি চরন হেম্ব্রম হলা ১৬ জুন নোওয়া লে-লেঁগেচ্
ধুড়ি ধৗরতি বৗগি কাতে সরগ পুরিতে লাহায়েনায়। উমের দ হোয় লেন তায়া ৭৬ বছর। অড়াঃ রেয়
বৗগিয়াদ্ কোওয়া আচ্রেন অড়াঃ গমকে সাঁওতে বারয়া হপন আর বারয়া হপন এরা।
অনাদি চরন হেম্ব্রম দয় জানাম লেনা ২ জুলাই ১৯৪৪ সালরে। জানাম
আতো দ তাঁহেকান তায়া বাঁকুড়া জেলা রেয়াঃ মুকুটমনিপুর সোর রাজাডালি আতোরে। উনিদ শ্যামপুর
প্রাইমারী বিরদৗগাড়রেন মারাং মাচেৎ লেকাতে দায়ভার হাতাও সাঁও সাঁওতেগে সমাজ ভৗলৗই লৗগিদ্
নানাহুনৗর কৗমিরে জপড়াও এ তাঁহেকানা। বাডায় আকানা আখড়ারেন মিৎ সেরেঞ রুসিকৗ লেকাতেহঁ
উনিয়াঃদ এলাকারে ঞুতুম তাঁহেকান তায়া।
সাঁওহেৎ বাগোয়ান রে অনলিয়ৗ, অনড়হিঁয়ৗ আর সেরেঞ রুসিকৗ লেকাতে
উনিদ পৗউড়িয় গিডিলেদা সাঁওতা রেনাঃ বে-বৗড়িচ্ অরসং খন মৗনমি কো সঝ্হে ডাহারতে ডাহ্রাও
লৗগিৎ। অল লেদায় আডিগান সেরেঞ, কৗহনি, অনড়হেঁ এমান। উছৗন আকান পুঁথি কো মুদ্রে বাডায়
আকানা- ১) উদ্গৗও-১৯৮৯, ২) ধেদ্রে রিমিল- ১৯৯২, ৩) কৗহ্নি টুসৗ-১৯৯৪ সালরে।
জানাম আড়াং গে সরেশ আড়াং মেনতেয় মনেলেদা নুই অনলিয়ৗদ। অনাতে
আয়ো আড়াং চারচাও লৗগিৎ ‘হড় আড়াং’ (১৯৮৪) ঞুতুমতে মিৎ পাথাম এয় সাপড়াও লেদা। উনিয়াঃ
আয়মা অলগে ‘পছিম বাংলা’, ‘তেৎরে’, ‘সিলি’, চিঠি সাকাম’ এমান সাঁওহেৎ পাথাম করে উছৗন
আকান তায়া। উনিয়াঃ আয়মা অনড়হেঁ, কৗহ্নি কো ‘আকাশ বাণী’ কোলকাতা রেডিও সেন্টার খন উছৗন
আকান তায়া।
সাঁওহেৎ দরবাররে নাপায় কৗমি খৗতির হামেট আকাদায়- ‘সারদা প্রসাদ
কিস্কু স্মৃতি সম্মান’, West Bengal Santal Teacher’s Association পাহ্টা খন ‘বিশেষ সম্মান’।
অনাদি চরন হেম্ব্রম বঁগাতালায়েন খৗতির আয়মা সাঁওহেৎ দরদিয়ৗ
কো সাঁওতে সমাজ দরদিয়ৗ কো তালারে মিৎ গৗহির দুখৗলি চিতৗর রেনাঃ উমুল ঞেল এনা।
.webp)
