আবোওয়াঃ ডিজিটাল ডেস্ক- নে হালে পারমেন বিধান সভা রেনাঃ অরজ তায়ম পুরুব বর্ধমান রেনাঃ আউসগ্রাম কাকোড়া আতোরে ১৫ গটাং সানতাড় হড়াঃ অড়াঃ সমাজ বৗইরি কো সেঁগেল জুঁডি কাতেকো ল-তরজ্ আকাদা। অনা তায়ম খনগে অঁডেরেন হড় দ সেরমা লাতার দারে বুটৗ রেগেকো তাঁহেন কান তাঁহেকানা মেনতেগে বাডায়ঃ কান তাঁহেকানা। তবে আউশগ্রাম-২ রেন বিডিও আঃ এহব গড় লেকাতে নিৎ লুগড়িচ-লাপো, জমাঃ কো ঞাম আকাদা আর অড়াঃ দুওয়ৗর হঁ সারাসৗরি হুয় সৗত হিজুঃ কানা মেনতে আবোরেন খবরিয়ৗয় বাডায় অচোয়াকাদেয়া পছিম বর্ধমান জেলা পারগানা বাবা মানতান সিদ্ধার্থ মান্ডি গোমকে।
নঁতে ভারত জাকাত মাঝি পারগানা মহল পাহ্টা খন হঁ ওনকো হড়াঃ অড়াঃ দুওয়ৗর উসৗরাতে সারাসৗরি কাতে বেনাও হোয়োঃমা অনাতে মিৎ লেতাড় গে প্রশাসনিয়ৗ ঠেন দাবীয় দহ আগুয়েদা মেনতেহঁ মহল পাহ্টা খন গে বাডায় আকানা।
কাকোড়া আতো হড়াঃ নংকান মুহিম অকতরে আয়মা আদিবাসী ক্লাব, গাঁওতা, সংগঠন গে গড় এমঃ লৗগিৎ কো লাহা হেচ্ আকানা মেনতেহঁ বাডায় আকানা। অনকাগে পুরুব মিদিনপুর জিলৗরে মেনাঃ তমলুক রৗস্কৗ মহল হঁ কাকোড়া আতো হড়াঃ দুখ-হালত্ সোররে তিঁগুয়েনায়। বাডায় আকানা রৗস্কৗ মহল পাহ্টা খন ওনকো দুখৗলি হড় লৗগিৎ হলা ৭ জুন, ১১,৫০০/- টাকা গড় লেকাতে পছিম বর্ধমান জেলা পারগানা বাবা মানতান সিদ্ধার্থ মান্ডি গোমকেয়াঃ ব্যাংক অ্যাকাউন্ট রেকো ভেজা কেদা। নঁতে নোওয়া হঁ বাডায় আকানা বাংমা তমলুক রৗস্কৗ মহল দ নোওয়া মাড়াং হঁ আদিবাসী কোওয়াঃ দুখ-আপদরে আর নানাহুনৗর সমাজ কৗমিরে নংকাগে আয়াঃ কুড়ৗঃ লেকা গড়য় এম আগুয়েদা। কাকোড়া আতোরেন দুখ আকান হড়াঃ মনেরে নোওয়া গড়তে নাসেনাঃ হলও রৗস্কৗয় চাল দাড়েয়াৎ কোওয়া মেনতে রৗস্কৗ মহল আঁশ এ দহ আকাদা। তায়ম দারাম জাঁহারেগে জাহের বঁগা সানতাড় কোওয়াঃ নংকান মুহিম দশায় ঞেলা অঁডেগে তমলুক রৗস্কৗ মহল ওনকো সাঁওতে দুখ হৗটিঞ কাতে ওনকো সোররে তাঁহেনায়, নংকাগে লৗই তরা কেদায় রৗস্কৗ মহলরেন সভাপতি মানতান দেবেন্দ্রনাথ হেম্ব্রম গোমকে।
.webp)
