আবোওয়াঃ ডিজিটাল ডেস্ক- হেঁ বাং, হেঁ বাং তেগে নেশাঃ মাধ্যমিক আর উচ্চমাধ্যমিক বিনিড বৗতিল এন গেয়া। আয়মা ধাও পনৎরেন সেচেৎ গৗখুড়িয়ৗকো দুপড়ুপ কাতেহঁ বাংকো ঠাড় গটা দাড়েয়াদা বিনিড হোয়োঃআ সে বাং। ওনকো তালারে নানাহুনৗর সাতাম ইদিকাতে মত রেনাঃ ফারাক হঁ ঞেল আকানা। মুচৗৎরে পনৎ রেন হড় ঠেন খন ই-মেল তালাতে রায় কো খজ্ কেদা। পনৎ রেন হড়াঃ অনা রায় মানাও কাতেগে হলা ৭ জুন মিৎ খবরিয়ৗ আঃ দুপড়ুপরে মানতানিয়ৗ মুখিয়ামন্ত্রী মমতা বন্দোপাধ্যায় নেশাঃ মাধ্যমিক আর উচ্চমাধ্যমিক বিনিড বাং হোয়োঃ কানা মেনতে বাখেড় কেদায়। উনি লৗই তরা কেদায় বাংমা ২৪ ঘন্টাতে আয় উমৗন ৩৪ হাজার ই-মেল সেটের আকানা। অনা মুদ্রে শায়কাড়া ৭৯ হৗটিঞ গে বিনিড বৗতিল রেনাঃ কাথা কো সদর আকাদা। আর অনা রায় গে পনৎ সরকার এ বাতাও কেদা। অনা সাঁওতে নোওয়া হঁয় লৗই তরা কেদা- এয়ায় মাহা ভিতরি তেগে মূল্যায়ন পদ্ধতি বাডায় অচো হোয়োঃ আ।
নঁতে সোসাইটি ফর হেডমাষ্টার্স অ্যান্ড হেডমিষ্ট্রেসেস বিনিড বৗতিল রেনাঃ সিদ্ধান্ত দহড়া গারতে ভৗবিৎ রেনাঃ আরজি এ দহ আকাদা। সংগঠন দাবী আকাদায় পৗঠুওয়ৗকো টিকৗ এম কাতে, বিনিড তালমা স্যানিটাইজ কাতে আর সোস্যাল ডিস্টেন্স মানাও কাতে বিনিড হোয় অচোওয়ান মেনতে। বাংখান মিৎটাং জেনারেশন কো চাবাঃ উতৗরঃ আ। মাচেৎ-মাচেতৗনি-সেচেৎ দরদিয়ৗ সংগঠন বিনিড বৗতিল রেনাঃ বাং পাহ্টা গেকো রড় আকাদা।
তবে আরহঁ মিৎবার সংগঠন কদ সরকারাঃ নোওয়া সিদ্ধান্তরে কুশি কাতে মুখিয়ৗমন্ত্রী সারহাও হঁক চাল আকাদেয়া। কোভিড-১৯ গে, জে নুন মারাং জাঁগেদারামে সিরজৗও কেদা নোওয়া কাথারেদ অকয়াহঁ বাংদ বৗনুঃ আকাদা।
.webp)
