স্বপন মাঝি, বালিচক- বিধান সভা বাছনাওরে জিৎকৗর আর মন্ত্রী ঞাম তায়ম নে-পোয়লো ভারত জাকাত মাঝি পারগানা মহল বাং হৗটিঞ মিদিনপুর পাহ্টা খন হলা ৭ জুন পারগানা বাবাকো বিরবাহা হাঁসদা কো হিরি কেদেয়া সাঁওতে বাহা থুপনৗতে গুন মানাও সারহাও হঁকো চাল আদেয়া।
অনা ঞেপেল রে গাপালমারাও তালাতেগে পারগানা বাবাকো পাহ্টা খনগে
মিৎ-বার কাথা বির-বুরু রেন মন্ত্রী হিসৗবতে বিরবাহা হাঁসদা ঠেন আরদাশ কো দহ কেদা। গাপালমারাও
অক্তে যাঁহা কাথা কো রাকাপ্ হেচ্ এনা বাংমা বির-বুরু তৗরিরে যা উডৗং আদিবাসী কোওয়াঃ
হাসা জায়গা মেনাঃ তাকোওয়া, জাহের থান মেনাঃ তাকোওয়া অনাকো যাতে আদিবাসী কো পাট্টা কো
ঞাম অনারেনাঃ বন্দেজ হাতাও হোয়োঃ মা। নঁতে খেরওয়াল সাঁওতারেনাঃ সেদায় আরি লেকাতে বির-বুরু
সেঁদ্রা কারকা বাঞ্চাও তাঁহেন অনারেনাহঁ তেহেঞ নাওয়াকারতে উইহৗর রেনাঃ অক্ত সেটের
আকানা মেনতে মহল পাহ্টা খন অনা কাথা হঁক দিশৗ তরাও আদেয়া। অনাবেগর সেচেৎ পাহ্টা সেনাঃ
কাথা হঁ গাপালমারাও তালারেগে রাকাপ্ হেচ্ এনা। বাডায় অচোকেদেয়াকো সানতাড়িতে অলঃপাড়হাও
রেনাঃ মুহিম দশা কো। নিত্হঁ সানতাড়ি পৗরশি রেন মাচেত্ আর মাচেতানি রেনাঃ আনাট বাং
সলহে লেনা। পুঁথি-পতব কহঁ অক্ত মাছা বাং ঞাপাম কানা। সানতাড়ি মিডিয়ামতে বিরদৗগাড় কহঁ
আদ বাং সাঁগেঃ কানা। অনালেকারে আরহঁ চিকৗতে সানতাড়ি পৗরশিতে জৗসতি গিদৗর কো পাড়হাও
দাড়েয়াঃ অনা কাথা হঁক লৗই তরাও আদেয়া। নঁতে নিৎ ধৗবিচ্ লালগড় কলেজ রে মাত্র বারয়া
সাতামরে অনার্স ঞাম খৗতির মহল পাহ্টা খন বেজার কো সদর আকাদা মেনতেহঁ মানতৗনিয়ৗ মন্ত্রী
কো বাডায় অচো আকাদেয়া।
মহলাঃ নোওয়া কাথা কো আঁজম কাতে মানতৗনিয়ৗ মন্ত্রী হাপেন অনাকয়
ঞেলা, অনকান কাথাগে পারগানা বাবা কোঠেন এ লৗই সাডে কেদা।
নোওয়া ঞেপেল-রপড় আখড়ারে যাঁহায় পারগানা বাবাকো সেটের তাঁহেলেনা ওনকো মুদ্রে- বাং হৗটিঞ মিদিনপুর জেলা পারগানা বাবা মানতান রবীন্দ্রনাথ মুরমু, জেলা জগ-পারগানা বাবা মানতান মনোরঞ্জন মুরমু, মানতান দিলীপ মান্ডি, তল্লাট পারগানা বাবা মানতান স্বপন মান্ডি, খড়গপুর তল্লাট পারগানা বাবা মানতান সনাতন গোমকে সাঁওতে কেশপুর মুলুক পারানিক দশরথ হেম্ব্রম, বুগড়ী মুলুক গডেৎ প্রদীপ গোমকে আর মানতান পীযুস হাঁসদা এমান।
ভারত জাকাত মাঝি পারগানা মহল সাঁও মানতৗনিয়ৗ মন্ত্রীয়াঃ নোওয়া
ঞেপেল-রপড় ঞেলতে রাজআরি মহলরে নাসেনাঃ হলও উকু-দানাং কাথা এহব গৎ আকানা। আয়মা হড়াঃ
আয়মা লেকান কুকলি রাকাপ্ হিজুঃ কানা। অকয় কদক মেমেন কানা তবে চেৎ নোওয়া ঞেপেল হেচ্
নাংসা কাতেৎ গে মাঝি পারগানা মহল লাহা খনগে মন্ত্রী সাঁও আয়াঃ সুপুলুক-সৗগৗই এ তল দহ
কাদা ? আদম কদক মেমেন কানা তবে চেৎ মাঝি পারগানা মহল রাজআরি উমুলরে তাঁহে কাতেৎ গে
আয়াঃ কৗমিকো সিগিল লৗগিদঃ কানায় ?
.webp)
