দাও ক ঞামলেখান

 ( হুডিঞ মাছা কৗহনি )

দাও ক ঞামলেখান

অনন্ত কুমার সরেন

কলেজ রেয় ভুরতিয়েন কটাদিন মুদ্ রেগে, নাওয়া পেড়াক হেচ্ এনা। সুঞ্জৗমৗলি আচ্ আয়ো -বাবা তৗকিন এ মেতাৎ কিনৗ, "নিয়ৗঘৗড়ি ইঞৗঃ বাপলাঃ রেয়াঃ ইচ্ছৗ বৗনুঃ আ, পাড়হাও ইঞ মুচৗৎ লেগে, ইনৗতায়ম বরং --"

আচ্ আয়ো -বাবা তৗকিন বাংকিন আঁজম লেৎআ। বাং আঁজম রেয়াঃগে কাথা। জত আয়ো -বাবাগেতক খজ্ আ, কুড়ি গিদরৗ চৗকরি জাঁওয়ায় রেয় পাড়াঃ মা। অনাতে, চৗকরি জাঁওয়ায় বাড়ায় কাতে চিকৗতে নাওয়া পেড়া দকিন রুওয়ৗড় কোওয়া? 

আডি রমঝম আতে সুঞ্জৗমৗলি আঃ বাপলা, সিরজন সালাঃ হোয়এনা। 

বাপলা তায়ম মিৎদিন সিরজন এ লৗইকেদা, "আঁজম কেৎ অৗঞ বাপলাঃ বাঙেম ওপোৎ কান তাঁহে, চেদাঃ গো? ইঞ বাঙেম কুসিয়ৗঞ কান তাঁহে? সে --ইঞৗঃ চৗকরি বাম কুসিয়াঃ কান তাঁহে? "

সুঞ্জৗমৗলি'য় লৗইকেৎআ, "বাং আ, অনকান কাথাদ বাং, আসলে --"

--"চেৎ? "

--"মিৎ ফেড্ খন ইঞৗঃ কুকমু তাঁহেকানা, পাড়হাও মুচৗৎ কাতেয়েনা ইঞিঞ বাপলাঃআ, অনাতে ---"

--"ও আচ্ছা। । ঠিক্ মেনাঃআ,বাপলা তায়মহঁ আমাঃ পাড়হাও দম তোঁগে ইদি দাড়েয়াঃআ।"

সুঞ্জৗমৗলি কয়ঃ কেদায় সিরজন সেৎ, রৗস্কৗসালাঃ লৗইকেদায়, "সারি'ম মেন এদা? পাড়হাও ইঞ তোঁগে ইদি দাড়েয়াঃআ? "

--"হেঁ, একাল সৗরি। ইঞৗঃ আপত্তি বৗনুঃ আকাদা। "

সুঞ্জৗমৗলি আরহঁ কলেজ্ চালাঃএ এহব্ আকাদা। 

সুঞ্জৗমৗলিআঃ মচাখন নোওয়া কাথা আঁজমকাতে, আডিঞ রৗস্কৗয়েনা। মনে মনেতিঞ মেনকেৎআ, "আবো সাঁওতারেন আয়মা কুড়ি গিদরৗআঃ গে, পাড়হাও অৗউরিক মুচৗৎ রেগে বাপলা হোয়গদঃ কানা। ওনকো সানামকগে সুঞ্জৗমৗলি লেকা বাপলা তায়ম হঁ, পাড়হাও তোঁগে ইদিরেয়াঃ দাও ক ঞামলেখান, আকোওয়াঃ অৗকিল আহ্‌লাতে ঘারঞ্জ জেলেকা ডিগ্ ডিগ্ মারসাল কঃআ, অনকাগে আবো সানতাড় সাঁওতাহঁ –শিখনৗত্ সাঁওতা লেকাতে তেয়ার রাকাব্ কঃআ। "

========মুচৗৎ ========