করোনা বতরতে বৗড়তিঃ কানা স্ট্রোক রেনাঃ ঝুঁকি

করোনা বতরতে বৗড়তিঃ কানা স্ট্রোক রেনাঃ ঝুঁকি

-ডাঃ সুরেন্দ্রনাথ মান্ডি

জাঁহা তিনৗঃ অক্‌ত ক পারম চালাঃ কানা উনৗঃগে বৗড়তি ইদিঃ কানা জুটিল রোগ আজার। আজার হোয়ো লৗগিৎতে উমের রেনাঃ দ বাং বিচৗরঃ কানা। বাডায়াম জাও ৪০ (পোন গেল) সেকেন্ড রে মিৎ হড় স্ট্রোক তেয় লহঃজৗরি কানা। আয়মা আয়মা অজ্‌ ভিত্‌রিরে মিৎ মারাং অজ্‌ দ কানা বৗড়তি উইহৗর-ভাবনা। নাহাঃ করোনা বতর স্ট্রোক রেনাঃ ঝুঁকিয় বৗড়তিয়েদা। জাঁহায় হড়াঃ হড়ম’-মায়াম সুঠিক ভাবতে লিঁগিনা, উনিয়াঃ দ স্ট্রোক রেনাঃ বতর বৗনুঃ আনাং। অনাতে মায়াম রে High Blood Pressure, High Cholesterol জাঁগে দারাম, থামাখুর বেওহার আর বতর-ধাদস খন সাঁগিঞ রে তাঁহেন লেক্‌ কানা। 

দিনৗম দিনাঃ জমাঃরে নঅ নওয়া ক তাঁহেলেন খান স্ট্রোক খন নাসে রেহঁ রিহৗই ঞাম দাড়েয়াঃআ, জেলেকা আলু- নোওয়া রেদ ফাইবার আর পটাসিয়াম তাঁহেনা, জাঁহাতেদ হড়ম হঁ সাঁওয়ার তাঁহেনা।  হার্ট অ্যাটাক, স্ট্রোক এ টেকাও দারাম দাড়েয়াঃআ রহড় মৗরিচ্‌। নোওয়ারে ভিটামিন-সি মেনাঃ আ। অনকাগে, কায়রা বিলি রে পটাসিয়াম তাঁহেনা জাঁহাদ নাসেরেহঁ স্ট্রোক এ টেকাও দারামা। দিনৗম দিন দাহে, ওটমিল,রৗসুন,পেঁয়াজ জম লেরেহঁ মায়াম-কুঁডি ( হার্ট ) নাপায় সাঁওয়ার তাঁহেনা।

হার্ট অ্যাটাক, স্ট্রোক খন বাঞ্চাওয়ঃ লৗগিৎতে জাঁহা দম করাও বাম করাও- জৗসতি ইতিলানাঃ জিল,সুনুম আলম জমা আর মনে জিউয়ি খন দ সাহায় হোয়োঃআ বতর-ধাদস,হুলৗসভাঁগা,রৗগি তৗপিস।