আবোওয়াঃ ডিজিটাল ডেস্ক- ঝাড়খন্ড পনৎ পুরুব সিংভূম জিলৗ ভালুবিঁধৗরে মেনাঃ শুশুনিয়ৗ বিররে পদ্মশ্রী হামেটিয়ৗ যমুনা টুডুওয়াঃ উদ্গৗওতে বির বাঞ্চাও সমিতি আর মাহা সমিতিয়াঃ কুরুমুটুতে তেহেঞ ৫ জুন, জেগেত সাচারহে মাহা কো মানাও কেদা। বাডায় আকানা নোওয়া জেগেত সাচারহে মাহাদ ২০০৩ সাল খনকো মানাও আগুয়েদা। তেহেঞ সমিতি রেন সেটের লেন সানাম কোতে ১০০ গটাং পহা দারে রহয় তালাতে নোওয়া মাহাকো উইহৗর তরা কেদা। আরহঁ বাডায় আকানা বাংমা সমিতি রেন তিরলৗ কো কাঁসা থৗরিরে দিহে বৗতি জেরেৎ কাতে আয়মা গটাং দারেকো চুমৗড় অৗচুর আদা।
বির-বুরু-দারে-নৗড়ি গে ধৗরতিপুরি রেন সানাম জিব-জিয়ৗলি কো সোতোঃ
দহ আকাৎ কোওয়া। মৗনমি সাঁওতেহঁ বির-বুরু রেনাঃ আডি মারে সৗগৗই মেনাঃ আকাদা। প্রুকিতি
বাংখান জিউয়ি-জৗতি বাঞ্চাও আঝাট গেয়া। মেনখান তেহেঞ মৗনমি আকোওয়াঃ সারথ সে সুবিধা লৗগিৎ
প্রুকিতি চেতান নাহাচার কো এহব আকাদা। সেদায় কাথা দিশৗয় রুওয়ৗড় লৗগিৎগে কাথায় তেহেঞ
নংকান কৗমি হরায় সাপ্ আকাদা মৗনিচ্ যমুনা টুডু। যাঁহাদ আয়াঃ মচা খনগে বাডায় ঞাম আকানা।
একেন দারে রহয় সুমুং দ বাং অনা গিদৗর লেকা হারা-বুরুয় রেনাঃ আঁগিভার হঁ হাতাও হোয়োঃ
আ- তেহেঞা মাহারে নংকাগে মৗনিচ্ যমুনা টুডু দিশম হড় তালারে সাঁদেশ এ চাল কেদা।
.webp)
