-সুরেন্দ্রনাথ মান্ডি
ধৗরতিপুরি নাহাঃ দ লল খন ললঃ কানা, কমঃ কানা দাঃ জৗপুৎ। নোওয়া
করেনাঃ অজ্ লেকাতে পুরিবেশ গৗহিরাকিলৗন কদ কো ঠাড়ওয়াকাদা- গ্লোবাল ওয়ার্মিং , ওজোন
লেয়ার ছিতির বিতির, গ্রীন হাউস এফেক্ট এমান এমান।
ধৗরতিপুরি রে নাহাঃ কলকারখানা, গৗডি খন তেয়ারঃ দূষন রেয়াঃ মাত্রা
আর দারে নৗড়ি উজৗড় দ আডিগে বৗড়তিয়াকানা। নোওয়া হতেচ্তে হয় সাঁও অটাং বাডায় কান কার্বন-মনোক্সাইডরে
অত্ রেনাঃ এলাং তৗকিচ কাতে আরহঁ ধৗরতিপুরি
রেগে পাসনাঃআ,জাঁহা দক মেতাঃ কান ‘গ্রীন হাউস এফেক্ট’। ‘ওজোন লেয়ার’ দ মূলত ধৗরতিপুরি রেনাঃ এলাং এ নিয়ন্ত্রনা।
বায়ু দূষন খৗতির ওজোন লেয়ার রে হুডিঞ হুডিঞ ভুগৗঃ ক তেয়ার কাতে বেড়া খন আডি পুরিমান
তে ‘আলট্রাত্তায়োলেট রে’ ধৗরতিপুরি তে বলন কানা, খৗতির ধৗরতিপুরি লল খন জৗসতি ললঃ কানা।
নাহাঃ বৗড়তি ইলেক্ট্রনিক্স গ্যাজেট ( টি.ভি., মোবাইল্ , রেডিও,
আইপড, কম্পিউটার এমান এমান) ক বেওহার খৗতির প্রকৃতি দূষন মেনমা ইলেক্ট্রোপলিউশন খৗতির
ক্যানসার লেকান আজার বৗড়তিঃ কানা। দমেগে ধৗরতিপুরি ললঃ কান খৗতির ধৗরতিপুরি রেনাঃ বরফ
ক গালাঃ কানা, বৗড়তিঃ কানা হয়-বৗরডু,বানভৗসি আবো দিসমরে বৗড়তি বিজলি বোন বেওহারেদা
শায়কাড়া ৭০ ভাগ গে তপা মেনাঃ অত, লাতার রেনাঃ কয়লা রাপাঃ কাতেৎ আর পেট্রোল, ডিজেল হঁবোন
বেওহারেদা, জাঁহা কদ মিৎদিন হিলোঃ চাবা উতৗর দাড়েয়াআ। অনা ক খৗতিরতেহঁ হয়-হিঁসিৎ ললঃ
কানা। নংকান আওহাল খন রাড়া দোগোঃ লৗগিৎ তেদ লৗগ্তিঃ কানা পারমানবিক শক্তি, সৌরশক্তি,
জলশক্তি, বায়ুশক্তি এমান রেনাঃ বেওহার।
.webp)
