অনলিয়ৗ গাঁওতা আঃ সৗহিজুহিতে সানতাড়ি রড় পৗরশি আর অল পৗরশি চেতানরে ওয়েবনার আখড়া

আবোওয়াঃ ডিজিটাল ডেস্ক- ভারত জাকাত অনলিয়ৗ গাঁওতা পছিম বাংলা আঃ সৗহিজুহিতে সানতাড়ি রড় পৗরশি আর অল পৗরশি চেতানরে মিৎ মাহা রেনাঃ জৗতিয়ৗরি ওয়েবনার আখড়া সাপ্‌ড়াও আকানা। বাডায় আকানা বাংমা দারায় কান ১২ জুন সিঁগৗড় বেড়া ৬.৩৫ বাজা অকত খন সদরঃআ। অনা রেনাঃ লিঙ্ক তায়মতে বাডায়ঃআ মেনতে গাঁওতারেন জেনারেল সেক্রেটারী মানতান দ্বিজপদ হাঁসদা গোমকে আবোরেন খবরিয়ৗয় বাডায় অচ আকাদেয়া।

মানতান হাঁসদা গোমকে আর হঁয় লৗই কেদা বাংমা নিৎ অনারেনাঃ গে রেজিস্ট্রেশন চালাঃ কানা। যাঁহায় কো নিৎ রেজিস্ট্রেশন আ, ওনকো গে আখড়া মুচৗৎরে মিৎ টাং Feed Back সাকাম কো ঞামা আর অনা Feed Back সাকাম রেনাঃ তেলা কো এম রুওয়ৗড় লেখান গে ভারত জাকাত অনলিয়ৗ গাঁওতা পছিম বাংলা পাহ্‌টা খন মিৎ টাং E-Certificate কো ঞামা মেনতেহঁ মানতান হাঁসদা গোমকে লৗই তরা কেদায়। রেজিস্ট্রেশন রেনাঃ মুচৗৎ মাহা দ হিজুঃ কান ১১ জুন সিঁগৗড় ৬ বাজা ধৗবিচ্‌ গানঃআ মেনতে বাডায় আকানা। রেজিস্ট্রেশন লৗগিৎ https://forms.gle/gwLW2GijJEE66R839 নোওয়া লিঙ্ক রে Click হোয়োঃ কানা।

নোওয়া ওয়েবনার আখড়ারে গালচিয়ৗ লেকাতে সেটের কো তাঁহেন কানা পদ্মশ্রী হামেটিয়ৗ ডঃ দময়ন্তী বেশরা, ডঃ কে.সি.টুডু আর মানতান রূপচাঁদ হাঁসদা গোমকে।

নোওয়া ওয়েবনার আখড়ারে সানাম কো সেলেদ্‌ কাতে ঞেল আর আঁজম জং লৗগিৎ আরদাশ কিন দহ আকাদা অনলিয়ৗ গাঁওতারেন প্রেসিডেন্ট মানতান টি.সি. বাস্কে আর সেক্রেটারী মানতান দ্বিজপদ হাঁসদা গোমকে তিকিন।