৩০ জানুয়ারি, কুষ্ঠ টেকাও দারাম মাহা দিসৗকাতে
সুরেন্দ্রনাথ মান্ডি
কুষ্ঠ (মুড়হুচ্ আজার, ইংরেজীতেদ Leprosy)
কুষ্ঠ দ চেৎ কানা ? – আর আজার লেকা নোওয়া
হঁ মিৎটান আজার কানা। নোওয়া আজার রেনাঃ মূল কারন দক হোয়োঃ কানা ‘ মাইকোব্যাকটিরিয়াম
লেপরি’ ঞুতুমান আডি হুডিঞ হুডিঞ জীবানু, যাঁহায় কোওয়াঃ তাঁড়গম বেগর কিছুতেয় নোওয়া আজার
বাং হোয় দাড়েয়াঃআ।
কুষ্ঠ কি যাঁহায়া গে হোয় দাড়েয়াঃআ ? – বাং।
কেবল যাঁহায় কোওয়াঃ নোওয়া আজার টেকাও দারাম দাড়ে বৗনুঃ তাকোওয়া, অনকাগে জুদি নোওয়া
আজাররেন দায়ী জীবানু সাঁও আডিদিন হৗবিচ্ জপটেৎ রেকো তাঁহেন তাহলে খান নোওয়া কুষ্ঠ
আজার হোয় দাড়েয়াতাকোওয়া। ‘চাঁদোবঁগাওয়াঃ অভিশাপ সে পাপ রেনাঃ ফল খৗতিরতে নোওয়া আজার
হোয়োঃ আ’- নোওয়াদ সানাম আঁধাপৗতিয়ৗওগে। নোওয়াকো সাঁও কুষ্ঠ রেনাঃ চেৎ সৗগৗই গে বৗনুঃ
আ।
কুষ্ঠ আজার কি পিড়হি কে পিড়হি হোয়োঃ আ ?
-বাং। বাবা বাংখান আয়োওয়াঃ নোওয়া আজার তাঁহেলেনরেহঁ আকিনরেন গিদরৗ কো নোওয়া আজার আতে
বাংক জানামঃআ। লেখারে আডি কম সংসাররে রোগী সাঁও আয়মাদিন মেলামেশাঃ খৗতির সংসাররে মিৎ-বার
এটাঃ হড় কঠেন নোওয়া আজার উচৗড়ঃ রেহঁ বেশির ভাগ ক্ষেত্ররেগে অনা সংসাররেন মিৎ হড়াঃ সুমুংগে
হোয়রে হোয় দাড়েয়াঃআ। ওনকোঠেনগে নোওয়া আজার উচৗড় দাড়েয়াঃআ, যাঁহায় কোওয়াঃ আজার টেকাও
দারাম দাড়ে বৗনুঃ তাকোওয়া। নোওয়া লেখাদ শায়রে পে হড় গান সুমুং। বাকি ৯৭ জন হড়াঃ গে
আজার টেকাও দারাম দাড়ে তাঁহেন তাকোওয়া। আর নতে শায়রে ৮০ ভাগ কুষ্ঠ আজারগে বাং উচৗড়ঃআ।
অনাতে কুষ্ঠ রোগী ক সাঁও মিৎ গৗডয়ৗরে তুপুন লেনরেহঁ এমন চেৎ ওনকোওয়াঃ বেওহার জমাঃ ঞুওয়া
থৗরি বৗটিরে জম ঞু সে ওনকোওয়াঃ হরঃ বাঁদে বেওহার তেহঁ নোওয়া আজার বাং উচৗড় গদঃ আ।
চিকৗতেম বুজৗ কুষ্ঠ আজার হোয়োঃ কান তামা মেনতে ?
– পোয়লো আবস্থারেগে যাঁহাক চিহ্ন ঞেল কাতেৎ কুষ্ঠ আজার ওরোমঃ আ সে সন্দেহ হোয়োঃআ, অনা
কদ হোয়োঃ কানা-
১) হড়মোরে পুঁড বাংখান আরাঃ পোলসু পোলসু সাঁওতে
জিঁড়িৎ জিঁড়িৎ চিঁকৗড় দাগ ঞেলঃআ। অনা দাগ ঠেন হাসো, বাবাৎ আনাটকার বাং তাঁহেনা। নোওয়া
দাগ হারতা সোররেনাঃ হারতা খন উসুল দাড়েয়াঃআ।
২) লুতুরকিন রেনাঃ লাতার ডগ্, মু ডগ্, মলং,তি,-জাঁগারেনাঃ
কৗটুপ্ ফুলৗও ফুলৗও ঞেলঃ আ, নওয়া করেনাঃ হারতা দৗরয়ৗঃআ।
৩) মেৎ আহা আরাঃ আরাঃ, জিড়িৎ জিড়িৎ টিঁকৗড় ঞেলঃ
আ। মু খন মায়াম জর দাড়েয়াঃআ, মেৎকুটি রেনাঃ
উপ্ ঞুরু দাড়েয়াআ, ঞেঁঞেল দাড়ে কম দাড়েয়াঃআ।
৪) কুড়ি হপন কোওয়াঃ দ অকয় অকয়ঠেন, খালাসঃ কিছুদিন
তায়ম গে জাঁগারে আচ্কাগে এলার্জি লেকা দাগ ঞেলঃ আ। অনা তায়ম দিন দিনতে তি কৗটুপ, জাঁগা
কাটুপ, মু মুডরুজঃআ।
কুষ্ঠ আজার কি চিকিৎসা কাতেৎ বেশঃআ ? – হেঁ।
নাহাঃ চিকিৎসা দারায়তে সানাম লেকানাঃ কুষ্ঠ আজারগে বেশঃআ। কুষ্ঠ আজার এহবরে চিকিৎসা
লেখান দাগ চেৎ গে বাং তাঁহেনা। তি কৗটুপ জাঁগা কৗটুপ ,মু মুডরুজঃ তায়ম পুরৗপুরি চিকিৎসা
লেখান আজার দ বেশ উতৗরঃ রেহঁ হড়মোরেনাঃ যাঁহা খুতি হোয়োঃআ অনাদ বাং রুওয়ৗড়া।
তি, জাঁগা, মুডরুজঃ দ হোয়োঃ আ অনহেলা, অনেড়হা খৗতিরতে।
কুষ্ঠ ওরোম বাং খৗতিরতে এহব রেদ আজার বাং সাবঃ আ, বাংখান ওরোম কাতেরেহঁ হড় লাজাওতে,
সাঁওতা বতরতে নোওয়া আজার ওকো দহয় হোয়োঃআ। নোওয়াক অনেড়হা খৗতির তেগে তি-জাঁগা-মু মুডরুজঃআ।
আনাট-
সাধারন হড় যখন কুষ্ঠ আজার মিৎ হড়াঃ বোন ওরোমা উন দ আজাররেনাঃ রেহেৎ অৗডি ভিতরিতে গাড়হাও
বলনা। অনাতে কুষ্ঠ আজার মেন আকাৎ সে মেৎ সামাংরে ঝালকাও রাকাব আ র-তে ঢেঁড়ে ঢেঁড়ে
, সেয়াঃ তি-জাঁগা মুড্রুচ্, থেবড়ে মেৎআহাওয়ান হড়াঃ মুঠৗন। হড়মো বিকৃতি লেকা নংকান
অস্বাভাবিক যাঁহানাঃগে মৗনমি সে সাঁওতা বাংবন ঞেল সাহাও আ, মনেরে হিজুঃআ বতর, অৗড়িস,
হিরখৗ। খাতির – রুগি সেবা যতন চিকিৎসা অচ বাদালতে অনকান রুদি-বরচ কুষ্ঠ রোগী আবো বেশ
খন সাঁগিঞ রেবোন দহ কোওয়া। ওনকো এড়াও রেনাঃ বন চেস্টায়া। অনকান রুগি হঁ অড়াঃ সংসার
আপনারেন হড়, সমাজরেন হড়, রুজি রজগার আদঃ বতরতে আডি গেক কুরুমুটুয়া নওয়া আজার ওকো দহয়
রেয়াঃ। নংকা কাতে সাঁওতারে নোওয়া আজার তাঁহেন কান গেয়া, আর দিন দিনতে মিৎ কে মিৎ হ-ড়ে
ঘায়েল ইদিয়েৎ কোওয়া।
উপৗয় -কুষ্ঠ রুগি সাঁও আডি দিন হৗবিচ্
বাং হেঁড়াঘেঁসা লেনখান নোওয়া আজার সাট্ মেনতে বাং হোয় গদঃ রেহঁ, অকয়াঃজে বে-হুঁশতে
হোয় গদঃআ অনাদ পৗহিল খন অহ লৗইকঃআ। নোওয়া খন বাঞ্চাঃরেনাঃ হর দ হোয়োঃ কানা নোওয়া আজার
রেনাঃ পোয়লোরেগে লক্ষণ-চিহ্ন ক বাডায়। কুষ্ঠ সন্দেহ হোয় লেনখান গে ডাকতর ঠেন ঞেল অচঃ
হোয়োঃ আ। সরকারী হাসপাতাল খন বেগর গনং তে MDT(Multiple Drug Therapy) রেনাঃ দাঁও হাতাও
হোয়োঃআ। সংসাররে, সমাজরে নংকা পুরিবেশ তেয়ার হোয়োঃআ মেনেক্ রুগি ক সাঁও নাপায় বেওহার
হোয়োঃআ জাতে রুগি আজার এহবঃ রেগে বিনৗ হিদিচ্তে চিকিৎসা অচয় লৗগিৎ ক লাহা হিজুঃ।
.webp)
.webp)
