আবোওয়াঃ ওয়েব পেজ- পছিম বাংলা সরকারাঃ ‘দুয়ারে সরকার’ প্রকল্প ইদিকাতে ওয়েল ফেয়ার অ্যাসোসিয়েশন বার বার তি-উদুঃ কাতে অভিযোগ এ আগুওয়াকাদা বাংমা এস.টি.সার্টিফিকেট এমঃ অক্তে সরকার আরহঁ নাপায়তে নজরে এমমা। অনাতেগে তেহেঞ ২৯ জানুয়ারী ফেক এস.টি. ইস্যুতে মানবাজার এস.ডি.ও. ঠেন ডেপুটেশন কো এম কেদা ওয়েস্ট বেঙ্গল সিডিউল্ড ট্রাইব ওয়েলফেয়ার অ্যাসোসিয়েশন রেন রৗসিয়াকো।
নোওয়া ডেপুটেশনরে অ্যাসোসিয়েশন রেন জেলা প্রেসিডেন্ট মানতান সতন কুমার সরেন, গনেশ চন্দ্র মাহালী, কল্যান হেম্ব্রম, রামপদ মুদি, জিতেন সিং এমান রৗসিয়াকো এস.ডি.ও. সাঁও সামাং দুড়ুপ গাপালমারাও কাতে ফেক এস.টি. ইস্যু লৗইতে দাবী সাকাম কো চাল আদেয়া। নোওয়া সাঁওতেগে জেলা ডি.এম. সাহেব, বি.সি. ডব্লু.অপিসার মানবাজার, বি.ডি.ও. বান্দোয়ান, বি.ডি.ও. বরাবাজার, বি.ডি.ও. মানবাজার I আর II, বি.ডি.ও. পুঞ্চা এমান ব্লক করেহঁ কপি কো ফরওয়ার্ড আকাদা মেনতেহঁ বাডায় আকানা।
নোওয়া বাখরাতে এস.ডি.ও. সাহেব আডি ঠাম ঠাম এ লৗই সদর কেদা বাংমা নংকান ঘটন আল হুয়ুঃমা অনা ইদিকাতে প্রশাসন সারাঘৗড়িচ্ গে সন্তর রে মেনাঃ আকাদেয়া। আর নংকান ইস্যু রাকাপ হেচ্ লেনখান অ্যাসোসিয়েশন আঃ গড় হঁয় হাতাও আ মেনতেহঁ লৗই তরা কেদায়।
.webp)
.webp)
