আবোওয়াঃ ওয়েব পেজ- “রেঁগেচ্রে তেতাংরে, এমঃরে আতাংরে // জানাম রড়তে রড় জং- রড় দ জুদৗ গেয়া” নোওয়া মিৎ কুলি সেরেঞ খনগে বাডায়ঃআ কবি সারদা প্রসাদ কিস্কু তিন মারাং অনড়হিঁয়ৗয় তাঁহেকানা। কবি কিস্কুদ মিৎ অক্তে সৗরি কাথা তালাতে ভারত দিশম রেন আদিবাসী কো লৗগিৎ নাওয়া উইহৗর রেনাঃ কাথায় সদর লেদা আয়াঃ অনল তালাতে। কবি কিস্কুদ ১৯২৯ সাল রেনাঃ ২ ফেব্রুয়ারী হিলঃ পুরুলিয়া জিলৗ রেনাঃ নিৎ বোরো থানা রে মেনাঃ বড়দিহি আতোরে জানাম লেনায়। উনিদ মিৎ সেন চেৎ লেকা মাচেৎ অনকাগে সানতাড়ি সাঁওহেৎ চারচাও আর সাঁওতা সুসৗর কৗমিরে আয়াঃ জিউয়িয় আলায় লেদা। লৗই গানঃআ আদিবাসী সমাজ রেন পোয়লো লৗউড়িয়ৗ যাঁহায় দ ডৗন লেকান মিৎ আঁধাপৗতিয়ৗও বিরুধরে অৗডি মারাং এ আঁদোড় লেদা আর হড় হপন তালারে চেঁঘাওনা রেনাঃ কাথায় রড় লেদা। যাঁহায়দ ১৯৭৩ সালরে উন অক্ত রেন রাষ্ট্রপতি ভি.ভি. গিরিয়াঃ তি খন মৗনৗন মাচেৎ লেকাতে শিরপৗয় আতাং লেদা। অনকান মাচেৎ আঃ জানাম মাহা মানাও লৗগিৎ গে পুরুলিয়া জেলারে মেনাঃ জামতোড়িয়া খেরওয়াল গাঁওতায় সৗহিজুহি কেদা।
অনা জানাম মাহা উনুইহৗর আখড়ারে ঞুতুমান সাঁওহেদিয়ৗ আর ‘জিরিহিরি’ সাঁওহেৎ পাথাম রেন সাসাপাড়াওয়িচ্ মানতান বালিশ্বর সরেন গোমকেদ গুনমানাও সারহাও কো চাল আয়া। আখড়ারে মারাং পেড়া লেকাতে সেটের এ তাঁহেনা মানতান রাজীব লোচন সরেন (এম.এল.এ., বান্দোয়ান বিধান সভা),নেঁওতা পেড়া লেকাতে সেটের এ তাঁহেনা মানতানিয়ৗ প্রতিমা সরেন ( সহ-সভাপতি, পুরুলিয়া জিলা পরিষদ), সাঁওতে মানতান চন্দ্রশেখর দাস ( সভাপতি, মানবাজার-II), মানতানিয়ৗ বাসন্তী মাহাত ( প্রধান, বড়গড়িয়া-জামতোড়িয়া গ্রাঃ পঃ), মানতান ডাঃ ধুরমাল কিস্কু ( কবি হপন), ডাঃ জয়দেব সরেন (B.M.O.H., মানবাজার-II),ডঃ বাবুলাল টুডু (ঞুতুমান সাঁওহেদিয়ৗ), ডাঃ সুরজিৎ সিং হাঁসদা ( ঞুতুমান সাঁওতা দরদিয়ৗ), মানতান রতনলাল হাঁসদা ( জেলা পারগানা বাবা, ভা.জা.মা.পা.ম.পুরুলিয়া), মানতান কলেন্দ্রনাথ মান্ডি (ঞুতুমান সাঁওহেদিয়ৗ আর ‘সিলি’ পাথাম শিরৗ সাসাপাড়াওয়িচ্), ডঃ ধনেশ্বর মাঝি (H.O.D. সানতাড়ি হৗটিঞ, বিশ্বভারতী), ডঃ নির্মল কুমার টুডু ( Pro. WBUAFS) এমান গোমকে কো সেটের তাঁহেনা।
নোওয়া আখড়ারে সানাম কো সহর সেটেরঃ লৗগিৎ খেরওয়াল গাঁওতা পাহ্টা খন পারসেৎ মানতান সুশান্ত হেম্ব্রম আর সুৎরেৎ মানতান রঞ্জিত মুরমু গোমকে তিকিন আরদাশ কিন দহ আকাদা।
.webp)
.webp)
