সিঁগি মাহা রেনাঃ সাকাম ‘চেরেচ্ আড়াং’ লেখা- ২৩

“আবোওয়াঃ কাথা” ওয়েব পেজ রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com   ।

তেহেঞা আখড়ারে যাঁহায় কো সেলেদ্‌ আকান- রিলৗমালা মুরমু, বিজয় কিস্কু, ᱥᱩᱵᱩᱫᱤᱭᱟᱹᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟ.ᱱᱰᱤ,   ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ, ᱥᱨᱤᱠᱟᱱᱛᱚ ᱥᱚᱨᱮᱱ,  বাড়তাঙ সরেন, দুগাই টুডু, সনাতন টুডু, বিভূতি ভূষণ সরেন , বাবলু সরেন, কিষ্কিন্ধ্যা মুরমু, দুলৗড় বিটি।

 

রিলৗমালা মুরুমু, ক্লাস- IV
জেলা - পুরুলিয়া

বিজয় কিস্কু , ক্লাস -VII

জেলা - পুরুলিয়া

১।।

ᱢᱩᱨᱢᱩ

    ᱥᱩᱵᱩᱫᱤᱭᱟᱹ ᱢᱩᱨᱢᱩ

ᱥᱩᱞᱟᱹᱠᱷ ᱵᱷᱚᱥᱟ
ᱢᱩᱨᱩᱢ ᱮᱸᱜᱟ
ᱥᱟᱦᱟᱨ ᱵᱮᱰᱟ ᱨᱮᱠᱚ ᱜᱮᱫᱮ ᱿

ᱵᱩᱱᱩᱢ ᱪᱮᱛᱟᱱ
ᱞᱮᱴᱠᱟ ᱠᱚᱲᱟ
ᱨᱟᱜᱮᱫ ᱟᱭ ᱡᱟᱸᱫᱮ ᱛᱟᱸᱫᱮ ᱿

ᱢᱩᱨᱩᱢ ᱮᱸᱜᱟᱣᱟᱜ
ᱢᱩᱸ ᱛᱟᱞᱟᱨᱮ ᱟᱯ ᱞᱮᱱᱟᱭ  ᱨᱚ ᱿

ᱚᱸᱰᱮ ᱠᱷᱚᱱᱜᱮ
ᱯᱤᱞᱪᱩ ᱛᱤᱠᱤᱱ
ᱯᱟᱹᱨᱤᱥ ᱠᱤᱱ ᱞᱟᱜ ᱨᱚᱜ ᱿

ᱟᱢ ᱦᱚᱸ ᱟᱫ ᱨᱚ
ᱯᱟᱱᱛᱮ ᱵᱟᱱᱟᱨ
ᱢᱩᱪᱟᱹᱫᱵᱟᱹᱥᱟᱹᱣ  ᱢᱮ  ᱢᱩᱸ ᱿

ᱦᱩᱭᱩ ᱩᱛᱟᱨ ᱮᱱᱟ
ᱥᱟᱱᱛᱟᱲ ᱠᱚᱣᱟᱜ
ᱢᱤᱫ ᱴᱟᱝ ᱯᱟᱹᱨᱤᱥ  "ᱢᱩᱨᱢᱩ"  ᱿

====== ᱛ =======

২।। 

ᱪᱟᱸᱫᱚ  ᱢᱟᱢᱟ

ᱜᱳᱯᱮᱥᱣᱚᱨ ᱢᱟ.ᱱᱰᱤ

 

ᱪᱟᱸᱫᱚ ᱢᱟᱢᱟ
ᱪᱟᱸᱫᱚ ᱢᱟᱢᱟ
ᱫᱮᱱ ᱛᱚᱣᱟ ᱫᱟᱠᱟ,
ᱨᱮᱸᱜᱮᱡ ᱡᱟᱞᱟ
ᱟᱞᱮ ᱵᱮᱴᱤ
ᱮᱢᱚᱜ ᱟᱭ ᱴᱟᱠᱟ ᱾

ᱟᱡ ᱟᱭᱳᱭ
ᱪᱚᱸᱫᱟᱣ ᱟᱠᱟᱫ
ᱤᱥᱤᱱ ᱟ.ᱣᱨᱤ ᱦᱩᱭᱩᱜ,
ᱱᱤᱛᱚᱜ ᱞᱮᱠᱟ
ᱡᱚᱢ ᱦᱟᱛᱟᱲ
ᱮᱢᱟᱭ ᱠᱟ.ᱴᱤᱡ ᱦᱩᱭᱩᱜ ᱾

 

ᱪᱟᱸᱫᱚ ᱢᱟᱢᱟᱭ
ᱟᱸᱡᱚᱢ ᱟᱠᱟᱫ
ᱱᱤᱛᱚᱜ ᱜᱮᱭᱮ ᱮᱢᱚᱜ,
ᱟᱫᱚ ᱟᱞᱚᱢ
ᱨᱟᱜᱽ ᱵᱮᱴᱤ
ᱟ.ᱜᱩ ᱞᱟ.ᱜᱤᱧ ᱥᱮᱱᱚᱜ ᱾

 ====== ᱛ =======

৩।।

ᱜᱤᱫᱽᱨᱟᱹ ᱵᱟᱹᱣᱞᱤ

 ᱮᱵᱷᱮᱱ ᱠᱩᱭᱞᱤ ᱥᱚᱨᱮᱱ

 

ᱫᱮᱞᱟ ᱪᱟᱸᱫᱳ ᱢᱟᱢᱟ ᱦᱤᱡᱩᱜ ᱢᱮ

ᱥᱤᱞᱳᱴ ᱯᱚᱛᱚᱵᱽ ᱟᱜᱩᱭ ᱢᱮ ᱾
ᱫᱩᱞᱟᱹᱲᱵᱤᱴᱤ ᱛᱤᱧ ᱯᱟᱹᱨᱥᱤᱯᱚᱦᱟ
ᱚᱞ ᱫᱚ ᱪᱮᱢᱮᱫ ᱟᱭ ᱢᱮ 
ᱚ , ᱛ , ᱜ , ᱝ , ᱞ ᱿
 ᱚᱜ ᱛᱮ ᱜᱟᱰᱟ , ᱚᱝ ᱛᱮ ᱚᱨᱚᱝ ,
 ᱚᱞ ᱛᱮ ᱞᱚᱴᱟ ᱿
ᱪᱮᱫ ᱟᱭ ᱢᱮ ᱥᱟᱶᱛᱟ ᱨᱮᱱᱟᱜ
ᱟᱹᱱ ᱟᱹᱨᱤ ᱫᱚ ᱪᱮᱢᱮᱫ ᱟᱭ ᱢᱮ ᱿
ᱢᱟᱨᱟᱝ ᱠᱚᱫᱚ ᱰᱚᱵᱚᱜ ᱡᱳᱦᱟᱨ
ᱦᱩᱰᱤᱧ ᱠᱚᱫᱚ ᱵᱮᱣᱦᱟᱨ ᱾
ᱟᱭᱳ ᱵᱟᱵᱟ ᱫᱚ ᱡᱮᱣᱮᱫ ᱵᱚᱸᱜᱟ
ᱥᱮᱛᱟᱜ ᱟᱭᱩᱵ ᱡᱳᱦᱟᱨ ᱿

ᱚ ᱛᱮ ᱚᱲᱟᱜ , ᱚᱛ ᱛᱮ ᱛᱟᱞᱮ ,

ᱥᱟᱹᱜᱩᱱ ᱞᱚᱴᱟ ᱫᱟᱜ ᱫᱚᱲᱚᱢ ᱠᱟᱛᱮ 

====== ᱛ =======

৪।।

ᱥᱟᱱᱛᱟᱲᱤ ᱪᱤᱠᱤ ᱟᱲᱟᱝ

ᱥᱨᱤᱠᱟᱱᱛᱚ ᱥᱚᱨᱮᱱ

(ᱞᱟᱦᱟᱠᱷᱚᱱ ᱛᱳᱸᱜᱮ...)

'ᱪ' ᱛᱮ ᱜᱟᱵᱟᱱ ᱥᱟᱵᱟᱫ ᱺ

ᱪᱤᱠᱟ.ᱲ ᱾ ᱪᱤᱱᱤ ᱞᱟ.ᱰᱩ ᱾ ᱪᱮᱯᱽᱞᱮ ᱟᱲᱮ᱾ ᱪᱚᱨᱚᱠ᱾ ᱪᱟᱸᱫᱟᱱ ᱫᱟᱨᱮ᱾ ᱪᱟᱸᱫᱳ ᱢᱟᱢᱟ᱾ ᱪᱟᱠᱚᱞᱛᱟ.ᱲᱤ ᱾ ᱪᱟ.ᱛᱽ ᱵᱚᱸᱜᱟ᱾ ᱪᱚᱴ- ᱯᱷᱮᱰ᱾ ᱪᱟᱢᱚᱪᱽ᱾

'ᱪ 'ᱛᱮ ᱜᱟᱵᱟᱱ ᱟ.ᱭᱟ.ᱛᱺ

ᱪᱚᱴᱨᱮ ᱥᱤᱧ-ᱪᱟᱸᱫᱳ ᱢᱮᱱᱟᱭᱟ᱾ ᱪᱚᱞᱚ ᱚᱲᱟᱜ ᱞᱟᱝ ᱨᱩᱭᱟ.ᱲᱟ ᱾ ᱪᱩᱴᱭᱟ. ᱵᱟᱸᱫᱤ ᱠᱚ ᱵᱚᱜᱚᱡᱽ ᱟᱠᱟᱫᱟ᱾ ᱪᱤᱠᱟ.ᱲ ᱠᱟᱸᱛ ᱱᱟᱯᱟᱭ ᱜᱮ ᱧᱮᱞᱚᱜ ᱻᱟ᱾ ᱪᱩᱞᱦᱟ.ᱨᱮ ᱥᱮᱸᱜᱮᱞ ᱡᱳᱞᱳᱜ ᱠᱟᱱᱟ᱾

' ᱫ 'ᱛᱮ ᱜᱟᱵᱟᱱ ᱥᱟᱵᱟᱫ ᱺ

ᱫᱟᱜ ᱫᱟᱠᱟ᱾ ᱫᱟᱞᱟᱱ ᱚᱲᱟᱜ᱾ ᱫᱤᱥᱚᱢ ᱯᱮᱲᱟ᱾ ᱫᱟᱨᱮ ᱥᱟᱠᱟᱢ᱾ ᱫᱩᱠᱽ᱾ ᱫᱚᱱ᱾ ᱫᱚᱨᱭᱟ᱾ ᱫᱟᱞ-ᱫᱟᱯᱟᱞ ᱾ ᱫᱩᱬᱩᱵᱽ᱾ ᱫᱷᱟ.ᱨᱛᱤ᱾

'ᱫ 'ᱛᱮ ᱜᱟᱵᱟᱱ ᱟ.ᱭᱟ.ᱛᱺ

ᱫᱟᱥᱟᱭᱵᱚᱸᱜᱟ ᱥᱮᱴᱮᱨᱮᱱᱟ᱾ ᱫᱟᱜ ᱨᱮᱱᱟᱜ ᱟᱨ ᱢᱤᱛᱴᱟᱝ  ᱧᱩᱛᱩᱢ ᱡᱤᱭᱚᱱ᱾ ᱫᱤᱞᱞᱤ ᱟᱵᱚᱣᱟᱜ ᱨᱟᱡᱫᱷᱟᱱᱤ᱾ ᱫᱤᱱᱤᱵᱚᱸᱜᱟᱵᱚᱱ ᱟ.ᱜᱩᱭᱮᱭᱟ᱾ ᱫᱤᱥᱚᱢ ᱨᱮ ᱱᱟᱱᱟᱼᱦᱩᱱᱟᱨ ᱦᱚᱲ ᱢᱮᱱᱟᱜ ᱠᱚᱣᱟ᱾

( ᱛᱳᱸᱜᱮᱻᱟ...)  

 ====== ᱛ =======

  ৫।।

ছামডা লাতার

বাড়তাঙ সরেন

 

ছামডা লাতার তুমদাঃ টামা সাডে তিং দাং 
হৗণ্ডি ঞুতেয় বুলেন কুমৗং 
গিতিচ দিড়িদাং।

 

টামাক সাডে গুবুড গুবুড এনেচ ঝম ঝম
রৗস্কৗ আতে লেবড়া গড়ম  
ঠৗবু জং এ জম।

 

তেতরে কুড়ি জুরি ঠিলি তাড়াম হাট পাট
ঢলমা সাডে গুঢেঞ গুঢেঞ
 নাটুয়ৗ ছাট পাট।

 

জাঁওয়ায় বৗহু মেলো মেচো দুড়ুপ সুর সুর
লমতা কড়া মাটার মুটুর 
গুড় আজোরেয় ছুর।

 

ফুগড়ী বুঢি জেল জম একাল লৗগুয় পৗগুয়
চাটঃ সেতা শুকরী গজক 
ঞুর তরায় হৗলুয়।

  ====== ᱛ =======

৬।। 

উপৗল

দুগাই টুডু

 

গৗডয়ৗ পুখরি করে আদ
উপৗল অমন বাড়াঃ
আরাঃ পুঁডগে বাহাঃ এনতে
সুয়ুড় হয়তে লাড়াঃ।

 

ঞেলে দুমুর তেরম ঞেলঃ
আমদা রাসা চেপেচ্‌
হাঁডে নাঁডে উডৗও বাডায়
আপঃ বাবত রেপেচ্‌।

 

ইদিয় গেচো আয়মা গেদ
লৗকতি লাগাঃ বলে,
নাপায় তেগে উতু লেখান
জমরে বুজহৗ ভালে।

 

রহড় আকান বাহা ইতৗ    
তাপাগ্‌ লেগায় মেনা,
আতা কাতে রৗচুপ্‌ রৗচুপ্‌
বেজায় সেবেল আনা।

 ====== ᱛ =======

৭।।

তাড়াম মেসে

 সনাতন টুডু

 

দেলা বাবু তাড়াম মেসে
হরদ আডি সাঁগিঞ
নওয়া হররে আডিক ঞামঃ
বিঞ তিজু কিদিঞ।

 

আলম কয়গ হানতে নাতে
মনে তামেম বৗড়িজ,
সুর হরহঁ আডি সাঁগিঞঃ
তাড়াম যুদিম হিড়িজ।

 ====== ᱛ =======

৮।।

অলঃ জিয়ন

 

বিভূতি ভূষণ সরেন 

 

এ বাবু         দেলা বাবু 
      স্কুল চালাঃ মেসে ,
চেঁড়ে টুটি     গুডু সাব 
     আলম চালাঃ আসে। 

 

অলঃ এম     সেড়া লেখান 
     আখির কেটেজঃ তাম, 
পাড়হাও তিসহঁ    বাং ভাগঃ 
      সেড়ায়মে দেসে আম। 

 

শিখনৗৎ বাবুম    হামেট লেখান 
      নাপায় অরজ ঞাম, 
দালান কঠা     অড়াঃ করে 
     অডক বলঃ আম। 

 

আমাঃ তাড়াম     ডাহার ঞেলতে 
       তায়ম করেন ক তাড়াম 
অলঃ বেগর    জিয়ন ডাহার 
       বাং সৗগুন দারাম।। 

  ====== ᱛ =======

৯।।

দড়পং হাড়াম

বাবলু সরেন

 

দড়পং হাড়াম থালাঃ থুলুঃ
জাঁগা তায় দ পেয়া
ঞুতুম তায় দড়পং হাড়াম
বৗনুঃ তায়া ডাঁটা ৷

 

দড়পং হাড়াম লৗগুয় পৗগুয়
জমায় জেল কুটি
চেতান লাতার লাড়াঃ তায়
খৗলি বানার লুটি ৷

 

গিদরৗ কক রাঁঙ্গাও হচয়
আমদ নাসে ফগলা
বাম জম দাড়ে কেয়া জেল কুটি
বায় বুজ লাঁদা কাথা ৷

 

দড়পং হাড়াম আডি রৗগিঃ
হাপা তেগেয় দাদাল
অনা তেগে মেতায় আক
দড়পং হাড়াম মাতাল ৷৷

 ====== ᱛ ======= 

 ১০।।

সৗঁজি বিটি

   

কিস্কিন্ধ্যা মুরমু

   সৗঁজি বিটি সুমি
   লিটি ঘিটিয় কৗমি ।

   অজে দৗমি দৗমি
   মেনায় গৗনি সৗনি  ।।

  বায় ঞামরে উনি
  জাপাঃ জেরেৎ হৗনি ।

  সৗঁজি বিটি সুমি
  লিটি ঘিটিয় কৗমি   ।।

 ====== ᱛ =======

১১।।

 হপন মৗইআঃ কুক্‌লি

        দুলৗড় বিটি

 

 গগ ক’গে চেদাঃ দিনৗম
বৗটি গেক ঘাসাও,
বাবা ক’দ চেৎ খৗতির
আকোওয়া হঁ বাকো মাজাও ?

 

গগ ক’গে ইসিন বাসাং
দিনগে সাহান সাকাম
বাবা ক’দ চেৎ খৗতির
কৗমি রেগেকো ফারাম ?

 

গগ ক’গে দুনিয়ৗ হামাল
দিপিল কাঃকো বহঃরে
বাবা ক’দ চেৎ খৗতির

একাল বাকো হাতাও বহঃরে ?                

****** মুচৗৎ ******