আবোওয়াঃ ওয়েব পেজ- কবি সারদা প্রসাদ কিস্কুওয়াঃ ৯৩ সেরমা পুরৗও জানাম মাহা মানাও আখড়া সৗহিজুহি কেদায় পুরুলিয়া জেলা সানতালি লিটারেরি ফোরাম। হিজুঃ কান ২ ফেব্রুয়ারী হিলঃ বান্দোয়ান বাস স্ট্যান্ড সোর (যোগেন্দ্রনাথ টুডু-আক্ অড়াঃ) রে ঞুতুমান অনড়হিঁয়ৗ সারদা প্রসাদ কিস্কুওয়াঃ সৗগুন জানাম মাহা ভৗরি-ভরম আতে মানাও হোয়োঃ কানা মেনতে বাডায় আকানা।
নওয়াহঁ বাডায় আকানা বাংমা আখড়ারে অনড়হিঁয়ৗ আঃ জিয়ন আর সানতাড়ি সাঁওহেৎ রে উনিয়াঃ এনেম লৗইতে অড়ে-অড়পাত থুতি-গালচ্ হোয়োঃ আ। অনা সাঁওতে অনড়হিঁয়ৗ আঃ অনল অনড়হেঁ,সেরেঞ আর কৗহনি পাড়হাও রেয়াঃ বন্দেজহঁ তাঁহেন কানা।
নোওয়া জানাম মাহা মানত আখড়ারে পেড়া লেকাতে সেটের কো তাঁহেনা পুরুধুল অনলিয়ৗ মানতান গোমস্তা প্রসাদ সরেন, মহাদেব হাঁসদা, কলেন্দ্রনাথ মান্ডি, সতন কুমার সরেন, প্রফেসর সোমাই হেম্ব্রম, সুনীল হাঁসদা, রামদাস মান্ডি, বঙ্কিম হেম্ব্রম এমান এমান অনলিয়ৗ, অনড়হিঁয়ৗ আর সাঁওহেৎ দরদিয়ৗ গোমকেকো।
নোওয়া মানত আখড়ারে সানাম কো সহর সেটেরঃ লৗগিৎ নেঁহর এ দহ আকাদা পুরুলিয়া জেলা সানতালি লিটারেরি ফোরাম রেন সেক্রেটারী মানতান অরুন কুমার সরেন।
.webp)
.webp)
