মানতান সা-সাপড়াও ইচ, (আবোওয়াঃ কাথা)

তুলৗজখা- শ্রী কা ন্ত স রে ন

১. বাজুন হাড়ামাঃ কুকলী
গুলন চন্দ্র মূর্মূ

২৩ জানুয়ারি,২০২১

মানতান অনলিয়ৗ গুলন চন্দ্র মূর্মূ আঃ ' বাজুন হাড়ামাঃ কুকলী ' পাড়হাও কাতে কৗহনী আতে মিৎবার কাথা অল কিদৗঞ। সাঁওহেৎরে ঝত লেকান কৗহনী অল গানঃরেহঁ সাঁওতা রেনাঃ ঝত ঘটনা সাঁওহেৎরে ঠাঁও বাং এম লেখানগে জৗনিচ বোগেঃ আ। অনলিয়ৗ গমকে আঃ কৗহনী লেকাতে, বাজুন হাড়াম হুডিঞ কড়া মিৎ মুন্ডৗ কুড়ি আঙ্গির কাথা ক বিচৗর এদা। সাঁওহেৎ তালাতে ঝত আনাট দ বাং সমাধানঃ আ- মিৎবার দ বাস্তব জিয়ন সে ঘারঞ্জ (সাঁওতা) গেয় সমাধান দাড়েয়াঃ আ। সাঁওহেৎ রেদ কুকলি চিনহৗ দ বাং আগূ লেখানগে জৗনিচ সাঁওহৎ রেনাঃ ভৗ লৗই। অনলিয়ৗ কুরুমুটু লেখানে আয়াঃ মনের মত মিৎটাং সমাধানে অল দাড়ে কেয়া। অনাদ বাং অল কাতে, কুকলী আতেগে কৗহনী চাবায়েনা। কৗহনীরেনাঃ মিৎবার কাথা দ আডি দামানা। জে লেখা: " সৎ বাড়ে রড় মে,ধরম বাড়ে বিচৗর মে,চাঁদোয় ঞেঞেল কান বতরায় মে" ।

২. কাডা জেল সোড়ে
গোপেশ্বর মান্ডি
২৬ জানুয়ারি,২০২১

গোপেশ্বর মান্ডি আঃ ' কাডা জেল সোড়ে ' হুডিঞ কৗহনী দ, গিদৗর মনেরেনাঃ মিৎটাং নাপায় কৗহনী লৗই গানঃ আ। মেনখান কৗহনীরে কাডা জেল বাং অল কাতে এটাঃ জাহান জেল অল লেনখান জৗনিচ নাপায় কঃ আ। সাঁওহেৎ দ নংকান মিৎ জায়গা জাহারে, জৗতিয়াঃ জম -ঞু ,হরঃ- বাঁদে ,এনেচ- সেরেঞ, লায়-লাকচার,ধরম এমান করেনাঃ কাথা সৗবুদ লেকাতে অল তাঁহেনা মেনতেবন মানাও আ। নুই আঃ নওয়া কৗহনীয় প্রমান আ, সান্তাড় দ জৗনিচ কাডা জেল ক জম আ- নওয়া কাথা দ সানাম হড় মানাও বাতাও লেকান কাথা দ বাং কানা।