আবোওয়াঃ ওয়েব পেজ- গাপা ২ ফেব্রুয়ারী সান্তাড়ি সাঁওহেৎ রেন মিৎ ঞুতুমান অনড়হিঁয়ৗ সারদা প্রসাদ কিস্কুওয়াঃ সৗগুন জানাম মাহা। নোওয়া জানাম মাহারেগে হৗপিদ্ তাঁহে আকান অনড়হিঁয়ৗ সারদা প্রসাদ কিস্কু উনুইহৗর শিরপৗ চৗলু রুওয়ৗড় রেয়াঃ কাথা রাঁওয়াও রাকাপ্ মা মেনতে সানতাড়ি পৗরসি দরদিয়ৗ কো কো মেমেন কানা। বাডায় আকানা উন বিদৗল রেন সরকার ২০০৯ সালরে পোয়লো সানতাড়ি সাঁওহেৎ রে অসাম্ভেড় এনেম খৗতির নোওয়া শিরপৗয় চৗলু লেদা সাঁওতে মিৎ লাখ টাকা।
ইনৗতায়ম ২০১৭ সাল হৗবিচ্ মিৎ লেতাড় গে নোওয়া শিরপৗ এম আগু হুয় আকানা। মেনখান নিৎ আচ্কাগে নোওয়া শিরপৗ এমঃ হৗপিদ্ আকানা। ২০১৮,২০১৯,২০২০ সাল রেনাঃ শিরপৗ ঞুর গিডি গে মেনাঃ আ। ২০২১ সাল রেনাঃ শিরপৗ হঁ ঞুম গে বাং। চেৎ খৗতির হৗপিদ্ আকানা অনা রেনাঃ খঁজ তলাশ হড় হঁ বৗনুঃ আকাৎ কোওয়া? নোওয়া শিরপৗ এম লেরে গে চেৎ আর বাং এম লেরে গে চেৎ ? নংকাগে আয়মা হড়াঃ মনেরে হেজ্ আকানা মেনতে মিৎ বার সাঁওহেদিয়ৗ কো মেমেন কানা। নোওয়া ইদিকাতে নিৎ ধৗবিচ্ শোস্যাল মিডিয়ারে মিৎ টাং হঁ রড় দারাম রেনাঃ পোস্ট বাং ঞেল লেনা।
কাথা রাকাব্ কানা তবে চেৎ সানতাড়ি সেন্টিমেন্ট বৗই বৗইতে লাঁদুড়ঃ কানা? নোওয়া জায়গারে মিৎ সেরমা গান রবীন্দ্র স্মৃতি পুরস্কার বন্ধ তাঁহেন মাসে বাংলারে চেৎ আবস্থা তিঁগুনাঃ নোওয়াদ আলগা তেগে আয় উমৗনঃ আ। মেনখান তেহেঞ সানতাড়ি বেলা রেগে নংকাদ চেদা? সরকার আচ্ কুশি এমঃ আয় আর বাংখান বায় এমঃ আ। নংকারেদ নংকান শিরপৗ এমঃ গে একালতে হৗপিদ্ কাঃ লৗগতি কানা মেনতেহঁ দাবী রাকাব্ কানা। চেদাঃসে মিৎটাং সানতাড়ি অনলিয়ৗ ঞুতুমতে ছিনিমিনি এনেচ্ হোয়োঃ কানা মেনতেহঁ অভিযোগ রাকাপ্ হিজুঃ কানা। পছিম বাংলা সানতাড়ি অ্যাকাডেমি হঁ নোওয়া ইদিকাতে দুদ্ড়ুম কানায় আর নোওয়া অ্যাকাডেমি রেন আয়মা সানতাড়ি এম.এল.এ. আর এম.পি কঁহ সহেদ্ হুয় কাতেহঁ সানতাড়াঃ বেলা রেদ বৗনুঃ ক লেকাগে মেনতে অভিযোগ রাকাপ্ কানা। চেদাঃসে মিৎটাং অনলিয়ৗ সম্মান এম বাং দাড়েয়ায় রেহঁ অসম্মান রেনাঃ আইদৗর দ অকয়াহঁ বৗনুঃ আকাদা।
.webp)
.webp)
