সিঁঙ্গিমাহা রেনাঃ সাকাম চেরেচ আড়াং,
৬ ডিসেম্বর ,২০২০
তুলৗজখা- শ্রীকান্ত সরেন
মি মিৎটাং থাররে বারয়া শাবাদ বেওহার কাতে,এনেচ রেনাঃ ঝাপ (তাড়) লেকা ছন্দ বেওহার তালাতে; সুবুদিয়া মূর্মূ নাপায় ' গিদরৗ বৗউলী ' অল রেনাঃ এ কুরুমুটু আকাদা। আরহঁ নাপায় কঃ আ যুদি আর থড়ায় ভাবনা কঃ আ।
সারি ধরম হাঁসদা আঃ ' মামো অড়াঃ ' রে রৗস্কৗ মেনাঃ আ। কেটেজ ছন্দ,কেটেজ ভাবনা, নাপায় শাবাদ বেওহার কাতেহ; মিৎবার জায়গা রে পোন্ড লুগড়িজ রে মিৎ ফটা কালি দাগ লেকা দাগ মেনাঃ আ। ( টামকিয়ৗ)নুই আঃ দসার অনড়হেঁ ' টামকিয়ৗ '। নুই টামকিয়ৗ নাপায় রুসিকৗ কানায়। মৗদৗড়িয়ৗ আর নাচনিয়ৗ, নাপায় কিন জড়্ আকানা।
দুগাই টুডু ইচ ' রুনডৗ ' আঃ তৗরুপ লেকা তায় দাড়ে। মেনখান উনিয়াঃ অনা দাড়ে, অনলিয়ৗ গমকে নাপায় সাঁহিচ বায় ঞেল-ঞাম আকাদা।
সাকম সরেন নাপায় সাঁহিচ ' কুনু ' সাজাও এ রিকৗ আকাদা। আরহঁ নাপায় তে সাজাও কাতে,বিদ্যাগাড়েম ভেজা লেখান; নাপায় কঃ আ।
বাগজুলু লেকা কুনু আঃ অজ আড়ি বৗনুঃ আ মেনতে, সুচাঁদ হাঁসদায় বাড়ায় হচ আকাৎবনা। আচ্ কুনু নায়তে-নাপায়তেয় হারা হচ আন।
বাড়তাং সরেন ইচ ' কুল তৗরুপ ' কুল তৗরুপ লেকা দ দাড়ে বায় উদুঃ দাড়ে কাওদা। পাড়হাওরে তহৎ-হাড়াঃ ঞামঃ কানা।
সত্যেশ্বর মূর্মূ আঃ ' গিদরৗ বৗউলী ' , মচারে জ-জ জম সাঁও সাঁওতে উলিদাঃ সারসাও লেকানাঃ।
অনল বিঁদিয়াঃ ' কুকলি ' চাঁদোবঙ্গাঠেন ভেজা হোয়েনা। তেলায় ঞাম লেখান জৗনিচ এ বাড়ায় হচ বনা। মেনখান কুকলিরে ভাবনা দাড়ে সিরজাঃ আ।
বিভূতিভূষণ সরেন আঃ ' বুকড়ু 'তে আবোহবন বুকড়ুয়েনা আরবন লাঁন্দা কেদা।
.webp)
