ভারত জাকাত সৗরি ধরম বৗইসি সৗহিজুহি বলরামপুররে

আবোওয়াঃ ওয়েব পেজ- ২০২১ রেনাঃ হড় লেখারে সানতাড় কোওয়াঃ ‘সৗরি ধরম’ কোড সেনেলেদ্‌ অচয় লৗগিৎ ভারত জাকাত সৗরি ধরম বৗইসি দ জেলা জেলা করে হাঁডে নাঁডে দিশুওয়ৗকো চেঁঘাও লৗগিৎ ধরম বৗইসি দহ কাতে ‘সৗরি ধরম’ এ পারশাল আগুয়েদা। অনকাগে পুরুলিয়া জেলা রেনাঃ বলরামপুর থানারে মেনাঃ বেড়মা মাঝিডি টুডু ফুটবল ডৗহিরে ভারত জাকাত মাঝি পারগানা মহল, বলরামপুর মুলুক মিৎ মারাং ‘সৗরি ধরম’ বৗইসিয় সাপড়াও আকাদা হিজুঃ কান ২৬ ডিসেম্বর ঞুহুম মাহা হিলোঃ। বাডায় আকানা ইনৗ হিলোঃ সেতাঃ ৮ বাজা খন গে বঁগা-বুরু তালাতে ধরম বৗইসি কৗমি হরা এহবঃ আ।

নোওয়া ধরম বৗইসি রে মৗনৗন পেড়া লেকাতে সেটের কো তাঁহেন কানা মানতান সোমাই কিস্কু ( সৗরি ধরম বৗইসি, সৗরি ধরম পারশালিয়ৗ), মানতান ডঃ সুবোধ হাঁসদা ( জেনারেল সেক্রেটারী, আসেকা),মানতান গোমস্তা প্রসাদ সরেন ( ঞুতুমান পুরুধুল অনলিয়ৗ আর সাঁওহেদিয়ৗ), মানতান বৈদনাথ হাঁসদা ( পনৎ জগপারগানা, B.J.M.P.M), মানতান রতন লাল হাঁসদা ( পুরুলিয়া জেলা পারগানা, B.J.M.P.M), মানতান ডাঃ বিজয় মুরমু ( সেক্রেটারী, অল ওয়েস্ট বেঙ্গল আদিবাসী ডক্টর এ্যাসোসিয়েশন), মানতান প্রফেশর শশীকান্ত মুরমু ( উপদেষ্টা, জেলা পারগানা মহল) আর মানতান রাজেন টুডু ( জেলা সভাপতি, যুওয়ৗন মহল, B.J.M.P.M)। 

অনালেকাতে ভারত জাকাত সৗরি ধরম বৗইসিরে দিশম রেন সানাম হড়গে আঁজম সাঁগে লৗগিৎ ভারত জাকাত মাঝি পারগানা মহল, বলরামপুর মুলুক পাহ্‌টা খন দোমেল দোমেল সহর সেটেরঃ লৗগিৎ নেঁহর কো দহ আকাদা।