তেহেঞা আখড়ারে যাঁহায় কো সেলেদ্ আকান- সুজয় কুমার টডু, রিলৗমালা মুরমু, তিয়াসা মুরমু, ময়ূরাক্ষী মুরমু, পূজা মুরমু, বিজয় কিস্কু, ᱥᱩᱵᱩᱫᱤᱭᱟᱹᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟ.ᱱᱰᱤ, ᱥᱨᱤᱠᱟᱱᱛᱚ ᱥᱚᱨᱮᱱ, সারি ধরম হাঁসদা, সত্যেশ্বর মুরমু , সুচাঁদ হাঁসদা, বাড়তাঙ সরেন, বিভূতি ভূষণ সরেন, দুগাই টুডু, -সাকম সরেন, অনলবিঁদি, দুলৗড় বিটি, ।
১।
ᱜᱤᱫᱽᱨᱟᱹ ᱵᱟᱹᱣᱞᱤ
ᱥᱮᱨᱢᱟ ᱤᱯᱤᱞ
ᱢᱩᱞᱩᱪ ᱢᱩᱞᱩᱪ
ᱠᱩᱱᱟᱹᱢᱤ ᱪᱟᱸᱫᱳ
ᱛᱩᱞᱩᱪ ᱿
ᱤᱯᱤᱞ ᱮᱸᱜᱮᱞ
ᱡᱳᱞᱳᱜ ᱥᱮᱸᱜᱮᱞ
ᱥᱮᱨᱢᱟ ᱯᱩᱨᱤ ᱨᱮ ᱿
ᱡᱤᱣᱤ ᱟᱱᱠᱚ
ᱦᱚᱵᱚᱨ ᱟᱠᱟᱱ
ᱫᱷᱟᱹᱨᱛᱤ ᱯᱩᱨᱤ ᱨᱮ ᱿
ᱦᱚᱯᱚᱱ ᱵᱟᱵᱩᱭ
ᱠᱚᱭᱚᱜ ᱟᱠᱟᱛ
ᱛᱚᱣᱟ ᱫᱟᱠᱟ ᱨᱮ ᱿
====== ᱛ =======
২।
ᱦᱟ.ᱲᱩ
ᱦᱟ.ᱱᱤ ᱟᱭᱳ
ᱫᱟᱨᱮ ᱨᱮ
ᱦᱟ.ᱲᱩᱭ ᱫᱮᱡ ᱟᱠᱟᱱ,
ᱩᱞ ᱵᱮᱞᱮ
ᱛᱤᱭᱳᱜ ᱠᱟᱛᱮ
ᱡᱚᱢ ᱡᱚᱱᱚᱜ ᱠᱟᱱ ᱾
ᱢᱟᱥᱮ ᱟᱭᱳ
ᱠᱷᱚᱭᱮ ᱢᱮ
ᱤᱧ ᱞᱟ.ᱜᱤᱫ ᱩᱞ
ᱡᱚᱢ ᱥᱟᱱᱟᱧ
ᱠᱟᱱᱟ ᱟ.ᱰᱤ
ᱛᱤᱭᱳᱜ ᱤᱧᱟᱭ ᱩᱞ ᱾
ᱦᱟ.ᱲᱩ ᱠᱟᱱᱟᱭ
ᱩᱱᱤ ᱫᱚ
ᱵᱟᱭ ᱛᱤᱭᱳᱜ ᱟᱢᱟ,
ᱵᱟᱵᱟᱭ ᱦᱤᱡᱩᱜ
ᱠᱟ.ᱢᱤ ᱠᱷᱚᱱ
ᱟᱨᱮ ᱟ.ᱜᱩᱣᱟᱢᱟ ᱾
======
ᱛ =======
৩।
' ᱝ ' ᱛᱮ - ᱜᱟᱵᱟᱱ ᱥᱟᱵᱟᱫ ( ᱟ.ᱲᱟ.)ᱺ
ᱛᱟᱝ ,ᱡᱟᱝ ,ᱜᱟᱝ, ᱜᱚᱝ, ᱵᱟᱝ , ᱥᱟᱥᱟᱝ, ᱵᱟᱥᱟᱝ,
ᱢᱚᱞᱚᱝ,ᱠᱷᱟᱨᱟᱝ, ᱢᱟᱨᱟᱝ ᱾
' ᱝ 'ᱛᱮ ᱜᱟᱵᱟᱱ ᱟ.ᱭᱟ.ᱛᱺ
ᱚᱝᱛᱮ
ᱥᱮᱸᱜᱮᱞ ᱡᱳᱞᱳᱜ ᱻᱟ᱾ ᱵᱤᱨ ᱫᱤᱥᱚᱢ ᱨᱮ ᱨᱟ.ᱦᱤ ᱠᱚ ᱜᱚᱝ ᱟᱠᱟᱫᱮᱭᱟ᱾ ᱟᱛᱳ ᱥᱟᱢᱟᱝ ᱨᱮ ᱜᱤᱨᱩ ᱱᱟ.ᱭ᱾ ᱛᱟᱞᱮ ᱯᱚᱝ ᱟᱠᱟᱱᱟ᱾ ᱨᱚᱝ ᱞᱮᱠᱷᱟᱱ
ᱚᱲᱟᱜ ᱠᱟᱸᱛ ᱥᱚᱠᱛᱚ ᱛᱟᱸᱦᱮᱱᱟ᱾
( ᱛᱳᱸᱜᱮᱜᱻᱟ...)
======
ᱛ =======
৪।
দারে আর হপন বৗবু
সারি ধরম হাঁসদা
ডৗর মা লাফাং দিসৗ কাতে
হপন বৗবুয় মেন,
'দেনসে দারে জ- বেলে দ
ঞুরুয় মেসে দেন।'
'হালাং জং অৗঞ অতরে ঞুরাঃ
সেবেল ঞঁগর ঞগাঃ,
চপজ্ লেমে তোড়ে মচা
বৗঞ গিডিয়া চকাঃ।'
দারেয় মেনা-, 'তাঁহে অচতিঞ
জ- বেলে দ আকা,
এনাং হানেম জম আকাদা
একলাগে জেল দাকা।'
'মিৎ সাঁওতে পানতে কাতে
জম কেদাপে আপে,
তিস হানে বাম হৗটিঞ হৗবিজ্
বৗঞ এমা মা হাপে।
====== ᱛ
=======
৫।
গিদরৗ বৗউলি
(১)
গড়ম বুডহি
কাবা কোবো
কুবদৗ গেতায়
ডাঁডা,
চপৎ থতনা
ফুগড়ি ডাটা
ফৗসুড় গেতায় লাঁদা।
(২)
উডৗন গৗডি উডৗও চালাঃ
রাহলা
রিমিল
চেতানতে,
হাপে উডৗন ইঞ হোঁঞ উডৗঃ
ইদিঞমে
আম
সঙ্গেতে।
গাতে
গাতে উডৗঃ আলাং
রাহলা
রিমিল
দানাংরে,
সিঁগৗড় বেড়া রুয়ৗড় আলাং
ইঞ
আয়ো
আঃ
কলেরে।
====== ᱛ =======
৬।
হপন বিটি
সুচাঁদ হাঁসদা
হপন বিটিয় চেমেৎ কেদা ,
এ গগ বাবা ৷
পাঃ পুঃ খনে চেমেৎ কেদা ,
বৗনুঃ বৗনুঃ চাবা ৷
কাকাঃ খনে চেমেৎ কেদা ,
দেন গগ দাকা ৷
সৗগৗই হঁয়ে চেমেৎ কেদা ,
মামা মৗমি কাকা ৷
থিয়ৗ থাপে খনে নিতোঃ ,
দৗড় কেটেচ এনা ৷
ইসকুল আদয় চালাঃ তালে ,
বায় আড়িয়ৗ সনা ৷
====== ᱛ
=======
৭।
পিপিড়পিঁয়ৗঃ
পিপিড়পিঁয়ৗঃ উডৗও বাড়ায়
সাড়ঃ বাহা
চেতান,
সেতাঃ তিকিন সারা ঘৗড়িচ্
একাল গেচম
দাঁড়ান।
ইল্
মা
সাজাও
আরাঃ
হেঁদেঁ
নানা হুনৗর রংতে,
আডি
গেচম
থারেমারেঃ
জেঙ্গেৎ বাহা
ঞেলতে।
হেড়েম
রাসা
চেপেচ
কাতে
বাহা বাহাম মিলৗও,
অনা তায়ম রৗস্কৗ মনে
চারেচ সঁডাম হিলৗও।
পিপিড়পিঁয়ৗঃ আমদ হালে
তিনৗঃ আডি নাপায়,
যাঁহা
তাঁহা
আমাঃ
কুশি
গোটাম উডৗও বাড়ায়
!
গাতে
গাতে উডৗও সানাঞ
ডৗরমা লাফাং লাফাং
,
হেড়েম
রাসা
চেপেচ
সানাঞ
রেয়াড় লল
রাবাং
।
====== ᱛ =======
৮।
পাঁডু হাড়াম
বিভূতি ভূষণ সরেন
আলে আতু মাঝি হাড়াম
উপ তায়দ পুঁড,
সারা ঘৗড়িচ্ ঞেল তায়াম
লাঁদা মেসা মুড।
মেনাঃ কতায় আডি সাঁগে
গড়ম কুড়ি তাক,
হাড়াম সঁগে
তাঁহে কাতে
চেৎপে চিকৗ মাত ?
ইঞ গেত
পুঁড পুরুধুল
আপে রেন গড়ম,
সারা খন
তাড়াম বাড়ায়
বৗঞ তাঁহেন দড়ম।
ইদি পেয়াঞ ইতুন আখড়া
সেড়ায়পে দেসে অলঃ ,
হুদিশ পেসে অৗখির জিয়ন
আলপে অল-মল।
অলঃ পাড়হাও সেড়া লেখান
ঞামঃ আডি সনমান
আপেয়া হঁত
হক মেনাঃ
কড়া হপন সমান।।
====== ᱛ =======
৯।
তোয়ো
দুগাই টুডু
আতো সুররে গাজাড় করে
তোয়ো তাঁহেন কানে,
সেতাঃ আয়ুপ দাঁড়া বাড়ায়
রৗস্কৗ সালাঃ হানে।
মেরম কোদয় এসেদ্ কোদ
চিনতৗ কাতে মনে,
অকায় সাপগে অকা বাংগে
আডি দদৗড়কো অনে।
বাচয় জুটৗও জেল জাংকো
মাটতে সেনঃ হৗনি,
কাটকম কদ ভুগৗ করে
চুপিতে সুঃকো উনি।
রাঁগাও কাতে গেগের গেয়া
জোরতে আদ এতে,
অহায় উনরে দন ভালা
কাটা চুঁডুল আতে
নেনকা তেগে জমকো আদ
তগচ বাড়া কাতে।
====== ᱛ =======
১০।
জানাম পৗরসি
-সাকম সরেন
আপনার আবোন বয়হা
আবো রড় পৗরসি,
জতন জোগাও আবোন
জানাম পৗরসি।
ঞেপেল ঞাপাম করে
জাঁহা ঠাঁও রেগে,
রড়াবোন রাড়াং রাড়াং
সানতাড়ি তেগে।
দেসে দেলা বয়হা
দেবোন দুলৗড়া,
নোওয়াগেত আবোওয়াঃ
ওপরোমে জিয়ৗড়া।
====== ᱛ =======
১১।
চিকি মালা
অনলবিঁদি
অ - অলঃ পাড়হাও অৗকিল হারাঃ
অত্ - তপাঃ বানাম দায়াগেয় রারাঃ ।
অগ - গজ ঘংগা দাঁড়িদাং
অং - অং ফুলৗউ , বৗরুডাং ।
অল - লল তওয়া ঞুঁয়ৗয় বির
আ - আদো বালাং জৗপিৎ থির ।
আক - কুলে গুঁজরৗউঃ কুলৗই ঞেঁলতে
আজ - জিল ক দৗড় জং বতর কতে ।
আম - মেলেটারি মামো হাড়াম
আউ - আউ দ সঝে বাং এ তাড়াম ।
ই - ইসিনঃ কান টুকুজরে দাকা
ইস - সুকৗ পটম চুলহৗ ঝারাকরে আকা ।
ইহ - হাড়াম হাঁড়ুয় ঞেঁল ভিনৗঃ
ইঞ - ঞেঁপেল ঞাঁপাম রৗস্কৗ তিনৗঃ ।
ইর - রাহালা রিমিল দানাংরে মাসে উনিদয় অকয় কান
উ - উতুদ তুপুদ তুরতৗ আপাত উতুয় ককয় কান ।
উচ - চাডরা হাড়াম পুটুর বহঃ
উদ - দমেয় উদুর জৗপিৎ জহঃ ।
উড় - উড় ছাডা কি চেঁড়ে হুয়ুঃ
উয় - উয় আতেগে বৗঁডিয়ৗ তুয়ু ।
এ - এপড়ে আকান ঝাটারে নৗড়ি
এপ - পহাগেঃ আয় হাড়াম গাঁড়ি ।
এড - ঢঁগায় চালাও তুয়ু মাচেৎ
এন - নাওয়া বৗহু কানায় পাচেৎ ।
এড় - হেড়ে রেহঁ এড় দ লাঠা
ও - ও-হায় উজৗড়েনা ঝাটা ।
ওট - টামাক সাডে আখড়ারে
ওব - বহঃ এ হিলৗউ কাকড়ারে ।
ওঁ - ওঁ বাংখান সাঁওহেৎ বাং অলঃ
ওহ - ওহ হাসা লাতারে বলঃ ।
মু টুডৗঃ ,গৗহৗলৗ টুডৗঃ ,রেলা, ফারকা, অহদ
রাহা কেচেৎ সালাঃ জাপাঃ কাতে অৗড়ৗ আড়াং এ সহদ।
====== ᱛ =======
১২।
দুলৗড় আলেপে
-দুলৗড় বিটি
কৗটিচ্ কৗটিচ্ গিদ্রৗ আলে
তাড়াম থিয়ৗ থাপে,
কৗটিচ্ কৗটিচ্ বৗড়িচ্ রেহঁ
সঝহে কালেপে।
কৗটিচ্ কৗটিচ্ গিদ্রৗ আলে
পাড়হাও খিয় খয়ো,
কৗটিচ্ কৗটিচ্ বৗড়িচ্ রেহঁ
ইকৗ কালেপে।
কৗটিচ্ কৗটিচ্ গিদ্রৗ আলে
খজ হিনৗ নিয়ৗ,
কৗটিচ্ কৗটিচ্ বৗড়িচ্ রেহঁ
দুলৗড় আলেপে।
*********মুচৗৎ ***********
.webp)
